Sam Moa Kwestin we Oli Askem Oltaem

Yes. Bisop, hem i prisaeding hae pris, mo “hem i lidim mo givim kaonsel long ol nara lida insaed long wod” (Handbook 1, 2.1.1). Hem i luklukbak mo i apruvum ol asaenmen blong wok blong givhan. Anda long daereksen blong bisop, wod kaonsel i gohed wetem stamba rol blong hem blong “helpem wanwan man mo woman blong oli bildimap testemoni blong olgeta, blong oli kasem ol odinens we i sevem man, blong oli kipim ol kavenan, mo blong oli kam ol man we oli givim evri samting blong stap folem Jisas Kraes” (Handbook 2, 4.4). Kworom blong Ol Elda mo Rilif Sosaeti we i kam strong moa—we ol presiden blong olgeta nao i ripresentem olgeta, we oli ol memba blong wod kaonsel—bae oli mekem kaonsel ia i wok gud moa.

Olgeta brata ia, oli memba blong wod kworom blong ol elda.

No. Ol hae pris we oli stap insaed long ol branj presidensi insaed long wan stek, oli no memba blong kworom blong hae pris. Ol memba blong hae pris kworom, oli olgeta ia nomo we oli holem koling long stek presidensi, long bisoprik, long hae kaonsel, mo olsem petriak we oli stap wok naoia, olgeta ia nomo oli stap long hae pris.

No. Ol elda we oli stap long bisoprik, oli no memba blong hae pris kworom.

Yes. Olsem pat blong evri responsabiliti blong olgeta, ol presidensi blong kworom oli mas intaviu ol memba blong kworom long saed blong evri diuti blong prishud—we i minim tu, gudlaef blong man ia we i kasem prishud, waef blong hem, mo famli blong hem—hemia, wan taem long wan yia. Olgeta intaviu ia, oli save holem truaot long yia. Storian ia, i no mas kombaen wetem givhan intaviu, we i gat wan kompanion tu i stap long taem blong intaviu ia.

Presidensi blong kworom blong ol Elda mo blong Rilif Sosaeti i save oganaesem ol memba blong oli help blong mekem wok ia i hapen, taem i nid. Eksampol, oli save singaotem sam memba blong lidim, mo help wetem ol kaen wok ia olsem, seves, tempol mo famli histri, serem gospel, mo welfea.

Yes. Folem tingting we i stap long Doktrin mo Ol Kavenan seksen 107: 89, taem wan wod i gat wan bigfala namba blong ol aktiv man we oli kasem Melkesedek Prishud, ol lida oli save oganaesem moa long wan kworom blong ol elda. Long ol kes olsem, wanwan kworom bae i mas balens, i mas gat ikwol namba blong ol man folem yia, eksperiens mo prishud ofis mo paoa. Ol semfala prinsipol ia, Rilif Sosaeti i save folem.

Anda long daereksen blong bisop blong olgeta, prisaeding hae pris insaed long wod, ol memba blong hae pris kworom mo famli blong olgeta oli gat ol givhan brata mo sista we oli mas visitim; mo kworom blong ol elda mo Rilif Sosaeti nao i givim wok ia long olgeta.

From se ol stek presidensi mo ol bisoprik oli responsibol blong evri memba blong stek mo wod, olgeta brata ia, oli no stap givim wok long olgeta olsem givhan brata blong samfala man, woman o famli nomo. Ol hae kaonsela, mo ol petriak we oli stap mekem wok i stap, folem ol lokol situesen we i stap, oli save putum olgeta olsem ol givhan brata, olsem we stek presiden i talem. Sapos oli givim wok olsem givhan brata, bae presiden blong kworom blong ol elda nao i givim wok ia anda long daereksen blong bisop blong wod blong olgeta.

Antap long ol nara impoten responsabiliti, olsem blong stap prisaeding hae pris mo wan jaj ia nomo long Isrel, ol bisop oli gat stret responsabiliti ia, wetem ol kaonsela blong olgeta, blong oli kea long ol yut. Doctrine and Covenants 107:15 i talem olsem: “Bisoprik i presidensi blong prishud ia, mo i holem ol ki mo atoriti blong prishud ia.” Handbook 1, 2.2, i talem, “Ol memba blong bisoprik oli lukaotem mo fidim ol yang man mo yang woman insaed long wod.”

Semmak, stek presiden, olsem prisaeding hae pris blong stek, hem i “fas lida long saed blong spirit insaed long stek” (Handbook 1, 1.1.1) mo “hem i prisaed ova long wok blong fasin blong sevem man” (Handbook 1, 1.1.2).

No. Wan presiden i gat tufala kaonsela nomo. Sapos ol lida oli faenem se oli nidim moa help, oli save kaonsel wetem bisop blong olgeta blong save singaotem wan o moa long wan givhan sekretari. Ol givhan sekretari ia oli save kasem wok, eksampol, blong putum taem blong givhan intaviu mo blong help blong rere long kwota ripot blong ol intaviu.

Ol koling ia blong givhan kodineta mo givhan supavaesa, oli nomo gat, oli tekemaot. Olgeta we oli bin singaotem olgeta long ol posisen ia, oli mas rilisim olgeta.

Wanwan memba blong presidensi blong kworom blong ol elda mo wanwan memba blong presidensi blong Rilif Sosaeti i save lidim ol givhan intaviu. Iven long wan bigfala wod, ol lida bae oli luk se i oraet blong oganaesem ol intaviu ia sapos oli holem smol namba blong intaviu evri wik, mo wanwan memba blong presidensi i mekem ol intaviu ia. Ol givhan intaviu, oli no nid blong oli longfala blong oli wok gud.

Ol givhan intaviu, oli save mo oli mas holem olgeta truaot long wanwan kwota—mo oli no mas holem nomo long las wik, o las manis blong kwota. Taem ol lida oli stap holem ol intaviu ia oltaem, bambae oli faenem se oli save mekem ol stamba tingting blong wok ia blong givhan long saed blong spirit mo long saed blong laef ia i hapen.

Yes. Olgeta gaedlaen ia, we oli stap long pepa ia, “Preventing and Responding to Abuse”, (Stopem Abius mo Wanem blong Mekem afta long Abius) i letem blong i gat givhan kompanionsip we i gat wan yut i wan kompanion blong wan adalt. “Givhan” i no wan “aktiviti” o “klas” olsem we oli stap tokbaot long olgeta gaedlaen ia.

Ol lida oli sapos blong yusum jajmen we i kam tru long insperesen taem oli putum wan yut i givhan kompanion. Ol adalt kompanion oli mas stap longwe long ol situesen we man i save andastanem long wan wei we i no stret. Oli mas lukaot blong no stap long ol situesen we oli stap olgetawan mo i no gat man raon, blong mekem se yut i gat wan sef mo gudfala eksperiens wetem wok blong givhan. Antap long hemia, oli mas yusum waes tingting blong no putum wan yut i visitim wan hom we i gat problem, o i gat situesen blong famli.

Ol Maea Med mo Ol Lorel, oli save invaetem olgeta blong givhan. Ol papa, mama mo ol lida oli mas toktok wetem wanwan yang woman, mo sapos situesen blong hem i givim janis mo hem i glad blong givim seves, nao hem i save kasem givhan wok. Ol yang woman oli stap olsem ol kompanion long ol Rilif Sosaeti sista.

Wetem raet blong bisop, wan memba blong presidensi blong Rilif Sosaeti i givimaot givhan wok ia long ol Maea Med mo Ol Lorel. Mo, wetem raet blong bisop, wan memba blong presidensi blong kworom blong ol elda i givimaot givhan wok ia long ol tija mo ol pris.