Հաճախակի տրվող լրացուցիչ հարցեր

Այո: Եպիսկոպոսը նախագահող քահանայապետն է և «առաջնորդություն ու ցուցումներ է տալիս ծխի մյուս ղեկավարներին» (Handbook 1, 2.1.1): Նա վերանայում և հաստատում է սպասավորության հանձնարարությունները։ Եպիսկոպոսի ղեկավարության ներքո ծխի խորհուրդը շարունակում է իր կարևոր դերը՝ «օգնել անհատներին կառուցել իրենց վկայությունները, ստանալ փրկարար արարողությունները, պահել պատվիրանները և դառնալ Հիսուս Քրիստոսի սրբագործված հետևորդները» (Handbook 2, 4.4): Ամրապնդված երեցների քվորումը և Սփոփող Միությունը, ներկայացված իրենց նախագահների կողմից, ովքեր նաև ծխի խորհրդի անդամներ են, կբարձրացնեն այդ խորհրդի արդյունավետությունը։

Այդ եղբայրներն իրենց ծխերի երեցների քվորումի անդամներ են։

Ոչ: Ցցերում, ճյուղերի նախագահություններում ծառայող քահանայապետերը չեն հանդիսանում քահանայապետերի քվորումի անդամներ։ Քահանայապետերի քվորումի անդամները նրանք են, որոնց կոչումները ցցի նախագահությունում, եպիսկոպոսությունում, բարձրագույն խորհրդում և գործող հայրապետի պաշտոններում պահանջում են նրանց լինել քահանայապետեր։

Ոչ: Եպիսկոպոսությունում ծառայող երեցները չեն հանդիսանում քահանայապետերի քվորումի անդամներ։

Այո: Որպես ընդհանուր պարտականությունների մաս, երեցների քվորումի նախագահությունները քվորումի անդամների հետ պետք է առնվազն տարին մեկ անգամ հարցազրույցներ անցկացնեն քահանայության բոլոր պարտականությունների վերաբերյալ, ներառյալ՝ քահանայություն կրողի, նրա կնոջ և նրա ընտանիքի բարօրության վերաբերյալ։ Այդ հարցազրույցները կարող են անցկացվել ողջ տարվա ընթացքում։ Այդ քննարկումը չպետք է համադրել սպասավորության հարցազրույցի հետ, որի ժամանակ նաև ներկա է գտնվում զուգընկերը։

Երեցների քվորումի ու Սփոփող Միության նախագահությունները անհրաժեշտության դեպքում փրկության աշխատանքը կատարելու նպատակով կարող են դիմել անդամների օգնությանը։ Օրինակ, նրանք կարող են կանչել անդամներին ղեկավարելու և օժանդակելու այնպիսի աշխատանքներ, ինչպիսիք են՝ ծառայությունը, տաճարային և ընտանեկան պատմությունը, ավետարանով կիսվելը և բարօրությունը:

Այո: Համաձայն Վարդապետություն և Ուխտեր 107․89 հատվածի, երբ ծխում առկա են մեծաթիվ Մելքիսեդեկյան Քահանայության ակտիվ անդամներ, ղեկավարները կարող են կազմակերպել մեկից ավելի երեցների քվորումներ։ Նման դեպքերում յուրաքանչյուր քվորում պետք է ունենա տարիքի, փորձի, քահանայության կոչումի և զորության ողջամիտ հավասարակշռություն: Նույն սկզբունքները կիրառելի են Սփոփող Միության համար։

Իրենց եպիսկոպոսի ղեկավարությամբ, ով հանդիսանում է ծխի նախագահող քահանայապետը, քահանայապետերի քվորումի անդամներին և նրանց ընտանիքներին երեցների քվորումի և Սփոփող Միության կողմից կցվում են սպասավորող եղբայրներ և քույրեր։

Քանի որ ցցերի նախագահությունները և եպիսկոպոսությունները պատասխանատու են ցցերի կամ ծխերի բոլոր անդամների համար, այդ եղբայրները սովորաբար չեն նշանակվում սպասավորող եղբայրներ անձանց կամ ընտանիքների համար։ Ելնելով տարածքի պայմաններից, բարձրագույն խորհրդականները և գործող հայրապետերը կարող են նշանակվել սպասավորող եղբայրներ, եթե որոշում է ցցի նախագահը։ Այդ ժամանակ նշանակումը կատարվում է նրանց երեցների քվորումի նախագահի կողմից՝ նրանց ծխերի եպիսկոպոսի ղեկավարության ներքո։

Բացի այնպիսի կարևոր պարտականություններից, ինչպիսիք են նախագահող քահանայապետը և Իսրայելի ընդհանուր դատավորը, եպիսկոպոսներն իրենց խորհրդականների հետ միասին ունեն որոշակի պարտականություն՝ հոգ տանել երիտասարդների մասին։ Վարդապետություն և Ուխտեր 107․15-ում ասվում է․ «Եպիսկոպոսությունն այս [Ահարոնյան] քահանայության նախագահությունն է, և կրում է դրա բանալիներն ու իշխանությունը»։ Ձեռնարկ 1, 2.2-ում նշվում է․ «Եպիսկոպոսության անդամները հսկում և դաստիարակում են ծխի երիտասարդ տղամարդկանց և կանանց»։

Նմանապես, ցցի նախագահը ցցի նախագահող քահանայապետն է, ով «ցցի գլխավոր հոգևոր ղեկավարն է» (Handbook 1, 1.1.1) և «նախագահում է փրկության աշխատանքի վրա» (Handbook 1, 1.1.2)։

Ոչ: Նախագահն ունի երկու խորհրդական։ Եթե ղեկավարները գտնում են, որ լրացուցիչ օգնության կարիք կա, նրանք կարող են խորհրդակցել իրենց եպիսկոպոսի հետ և կանչել մեկ կամ ավելի սպասավորող քարտուղարներ։ Օրինակ, այդ սպասավորող քարտուղարները կարող են նշանակվել, որպեսզի պլանավորեն սպասավորության հարցազրույցները և պատրաստեն հարցազրույցների եռամսյակային հաշվետվությունը։

Սպասավորող համակարգողների և ղեկավարների կոչումները դադարեցվել են։ Այն մարդիկ, ովքեր կանչվել են այդ կոչումներին, պետք է ազատվեն ծառայությունից։

Երեցների քվորումի և Սփոփող Միության նախագահությունների բոլոր անդամները վարում են սպասավորության հարցազրույցները։ Նույնիսկ մեծ ծխերում ղեկավարների համար օգտակար և իրագործելի կլինի, եթե ամեն շաբաթ մի քանի հարցազրույցներ անցկացվեն նախագահության բոլոր անդամների կողմից։ Պարտադիր չէ, որ սպասավորության հարցազրույցները երկար տևեն արդյունավետ լինելու համար։

Սպասավորության հարցազրույցները կարող են և պետք է անցկացվեն յուրաքանչյուր եռամսյակի ընթացքում և չպետք է սպասել եռամսյակի վերջին շաբաթվան կամ վերջին ամսվան։ Եթե ղեկավարները կանոնավոր կերպով անցկացնեն հարցազրույցները, նրանք կհասկանան, որ կարող են իրագործել սպասավորության հոգևոր և աշխարհիկ նպատակները։

Այո: «Բռնության կանխարգելումն ու արձագանքը» վերջերս հրատարակված փաստաթղթում ներկայացված ուղեցույցները սպասավորող զուգընկերություններին հնարավորություն են տալիս երիտասարդներին կցել չափահասների հետ։ «Սպասավորությունը» չի համարվում «միջոցառում» կամ «դասարան», ինչպես նշված է այդ ուղեցույցներում։

Ղեկավարները պետք է ոգեշնչված որոշում կայացնեն, երբ երիտասարդներին նշանակում են սպասավորող զուգընկերներ։ Չափահաս զուգընկերները պետք է խուսափեն այնպիսի իրավիճակներից, որոնք կարող են սխալ հասկացվել։ Նրանք պետք է զգուշավորություն ցուցաբերեն առանձին մնալու իրավիճակներում, որպեսզի երիտասարդներն ապահով և գոհացնող սպասավորության փորձառություն ունենան։ Բացի այդ, պետք է խելացի գտնվել և երիտասարդներին չկցել խնդրահարույց ընտանիքներին։

Համաստեղության և դափնիների դասարանի անդամներին կարելի հրավիրել սպասավորության։ Ծնողներն ու ղեկավարները խորհրդակցում են յուրաքանչյուր երիտասարդ կնոջ հետ, և եթե նրա հանգամանքները թույլ են տալիս և նա ցանկանում է ծառայել, ապա նրան կարող է տրվել սպասավորության հանձնարարություն։ Երիտասարդ կանայք զուգընկերներ են ծառայում Սփոփող Միության քույրերի հետ։

Եպիսկոպոսի հավանությամբ Սփոփող Միության նախագահության անդամը սպասավորության հանձնարարությունները տալիս է Համաստեղության և դափնիների դասարանի անդամներին։ Եվ, եպիսկոպոսի հավանությամբ, երեցների քվորումի նախագահության անդամը սպասավորության հանձնարարությունները տալիս է ուսուցիչներին և քահանաներին։