Te tahi fa’ahou mau uira’a ui-pinepine-hia
’Ua ’itehia i roto i te parau ’āpiti i te rata nā te Peresidenira’a Mātāmua, « Aupuru i te ta’ata nā roto i te mau pupu autahu’ara’a a Melehizedeka ’e te Sōtaiete Tauturu ha’apūaihia », nō te 2 nō ’Ēperēra 2018 ra, te tahi mau uira’a ’e mau pāhonora’a nō te tauturu i te ta’ata ’ia fa’atupu i te mau tauira’a i fa’aarahia i roto i te ’āmuira’a rahi nō ’Ēperēra 2018.
Tē vai nei te tahi fa’ahou ā mau pāhonora’a i’ō nei.
Te pupu autahu’ara’a ’e te Sōtaiete Tauturu
’Ē. ’O te ’episekōpo te tahu’a rahi fa’atere ’e nāna e « hōro’a i te arata’ira’a ’e te parau a’o i te tahi atu mau feiā fa’atere o te pāroita » (Buka arata’i 1, 2.1.1). Nāna e hi’opo’a ’e e ha’amana i te mau tonora’a aupurura’a. I raro a’e i te fa’aterera’a a te ’episekōpo, e tāmau ā te ’āpo’ora’a pāroita i tāna hōpoi’a e « tauturu i te mau ta’ata ’ia ha’apūai i tō rātou ’itera’a pāpū, ’ia fāri’i i te mau ’ōro’a fa’aora, ’ia ha’apa’o i te mau fa’auera’a ’e ’ia riro mai ’ei pipi pūpū mau nā Iesu Mesia » (Buka arata’i 2, 4.4). E riro te pupu peresibutero ’e te Sōtaiete Tauturu ha’apūaihia—nā ni’a i tō rātou nā peresideni e ti’a ra i roto i te ’āpo’ora’a—i te ha’amaita’i i te ’aravihi o te reira ’āpo’ora’a.
E melo teie mau taea’e nō te pupu peresibutero o tō rātou pāroita.
’Aita. Te mau tahu’a rahi e tāvini ra i roto i te mau peresidenira’a ’āma’a i roto i te hō’ē titi, e ’ere rātou i te mau melo nō te pupu tahu’a rahi. Te mau melo o te pupu tahu’a rahi, ’o rātou ana’e ïa e tāvini ra i roto i te peresidenira’a titi, te ’episekōpora’a, te ’āpo’ora’a teitei ’e te patereareha i ni’a i te tōro’a.
’Aita. Te mau peresibutero e tāvini ra i roto i te hō’ē ’episekōpora’a, e ’ere rātou i te mau melo nō te pupu tahu’a rahi.
’Ē. ’Ei tuha’a nō tā rātou hōpoi’a rahi, ’ia uiui te mau peresidenira’a pupu peresibutero i te mau melo o te pupu nō ni’a i tā rātou hōpoi’a autahu’ara’a e ti’a ai—nō ni’a ato’a i tōna iho maita’i, te maita’i o tōna hoa fa’aipoipo ’e o tōna ’utuāfare—hō’ē a’e taime i roto i te matahiti. E nehenehe te reira mau uiuira’a e ravehia i te roara’a o te matahiti. ’Eiaha teie paraparaura’a e ’āno’ihia i te uiuira’a aupurura’a, tei reira ato’a ho’i te hoa aupurura’a.
E nehenehe te mau peresidenira’a pupu peresibutero ’e Sōtaiete Tauturu e fa’anahonaho i te mau melo nō te fa’atupu i te ’ohipa ’ia au i te mea i hina’arohia. ’Ei hi’ora’a, e nehenehe tā rātou e pi’i i te mau melo ’ia fa’atere ’e ’ia tauturu i te ’ohipa mai te tāvinira’a, te ’ohipa hiero ’e te ’ā’amu ’utuāfare, te fa’a’itera’a i te ’evanelia ’e te tōtauturu.
’Ē. ’Ia au i te mana’o e ’itehia i roto i Te Parau Ha’api’ira’a ’e te mau Parau Fafau 107:89, ’ia rahi roa ’ino te ta’ata tei mau i te autahu’ara’a a Melehizedeka, e nehenehe te mau feiā fa’atere e fa’anaho hau i te hō’ē noa pupu peresibutero. ’Ia tupu ana’e te reira, ’ia fa’a’aifāito-maita’i-hia te mau pupu i te parau nō te matahiti, te ’ite ’e te tōro’a autahu’ara’a ’e te pūai e ti’a ai. Hō’ē ā fa’anahora’a nō te Sōtaiete Tauturu.
Taviniraa
I raro a’e i te fa’aterera’a a tō rātou ’episekōpo, ’oia ho’i te tahu’a rahi fa’atere o te pāroita, e tu’uhia te mau taea’e ’e te mau tuahine aupuru nō te mau melo pupu tahu’a rahi ’e tō rātou ’utuāfare, e tō rātou pupu peresibutero ’e Sōtaiete Tauturu.
Nō te mea tē ti’a’au nei te mau peresidenira’a titi ’e te mau ’episekōpora’a i te tā’āto’ara’a o te mau melo o te titi ’e o te pāroita, mai te mea ra ē ’aita rātou e tu’uhia ’ei taea’e aupuru nō te tahi ta’ata ta’a ’ē ’aore rā nō te tahi ’utuāfare ta’a ’ē. E nehenehe e tu’u i te mau melo ’āpo’ora’a teitei ’ei taea’e aupuru, nā reira ato’a te mau patereareha i ni’a i te tōro’a, tei te huru i te mau hina’aro i terā vāhi, ’e te fa’aotira’a a te peresideni titi. Mai te peu e tu’uhia rātou, nā tō rātou peresideni pupu peresibutero e fa’ata’a i te reira i raro a’e i te fa’aterera’a a te ’episekōpo o tō rātou pāroita.
Ta’a ’ē noa atu te mau hōpoi’a rahi mai te ti’ara’a ’ei tahu’a rahi fa’atere ’e ’ei ha’avā i ’Īserā’ela nei, e ha’apa’o ta’a ’ē te mau ’episekōpo, ’e tōna nā tauturu, i te feiā ’āpī. Tē tai’o nei Te Parau Ha’api’ira’a ’e te mau Parau Fafau 107:15 : « ’O te ’episekōpora’a ho’i ïa te peresidenira’a nō teie nei autahu’ara’a [a Aarona], ’e ’o tē mau nei ho’i i te mau tāviri ’oia ho’i te mana nō taua autahu’ara’a ra. » Tē fa’ahiti nei te Buka arata’i 1, 2.2 : « E ha’apa’o te mau melo o te ’episekōpora’a i te feiā ’āpī tamāroa ’e tamāhine o te pāroita ma te aupuru ia rātou. »
Nā reira ato’a, ’o te peresideni titi, ’oia ho’i te tahu’a rahi fa’atere o te titi, « te fa’atere pae vārua mātāmua i roto i te titi » (Buka arata’i 1, 1.1.1) ’e nāna e « peresideni i ni’a i te ’ohipa fa’aorara’a » (Buka arata’i 1, 1.1.2).
’Aita. Hō’ē peresideni ’e piti tauturu. Mai te peu e hi’o te feiā fa’atere ē, tītauhia te tahi fa’ahou tauturu, e nehenehe tā rātou e ’āpo’o ’e tō rātou ’episekōpo nō te pi’i i te hō’ē ’aore rā i te tahi fa’ahou pāpa’i parau aupurura’a. E ravehia teie mau pāpa’i parau aupurura’a, ’ei hi’ora’a, nō te tārena i te mau uiuira’a aupurura’a ’e nō te fa’aineine i te hō’ē parau fa’a’ite toru ’āva’e nō te mau uiuira’a.
’Ua fa’a’orehia te mau pi’ira’a fa’aau ’ohipa aupurura’a ’e hi’o ’ohipa aupurura’a. ’Ia ha’amāuruuruhia te feiā i pi’ihia i ni’a i terā ti’ara’a.
Nā te mau melo o te peresidenira’a pupu peresibutero ’e Sōtaiete Tauturu e fa’atupu i te mau uiuira’a aupurura’a. Noa atu ā e pāroita rahi, e ’ite mai te feiā fa’atere ē, e nehenehe e ravehia te mau uiuira’a, ’ia ravehia te tahi tuha’a i terā hepetoma ’e terā hepetoma e te mau melo o te peresidenira’a. ’Aita e faufa’a ’ia roa roa te mau uiuira’a aupurura’a nō te manuia.
E nehenehe, ’e e mea tītauhia, ’ia ravehia te mau uiuira’a aupurura’a i te roara’a o nā toru ’āva’e tāta’itahi—’eiaha e vaiiho nō te hepetoma hope’a ’aore rā nō te ’āva’e hope’a o terā toru ’āva’e. ’Ia rave pinepine te feiā fa’atere i te mau uiuira’a, e ’ite mai rātou ē, tē fa’atupu ra rātou i te fā pae vārua ’e pae tino o te aupurura’a.
Fa’aō i te feiā ’āpī i roto i te aupurura’a
’Oia mau. ’Aita te mau arata’ira’a tei pūhara iho nei i roto i te parau « Arai, tuatāpapa ’e pāhono i te mau hāmani-’ino-ra’a » e ’ōpani nei i te tu’ura’a i te feiā ’āpī ’ei hoa aupurura’a nō te hō’ē ta’ata pa’ari. ’Aita te « Aupurura’a » e hi’ohia nei ’ei « fa’a’oa’oara’a » ’aore rā ’ei « piha ha’api’ira’a », mai tei fa’a’itehia i roto i terā parau.
’Ia pe’e te feiā fa’atere i te pa’ari ’e te fa’aurura’a e ti’a ai nō te tu’u i te feiā ’āpī ’ei hoa aupurura’a. ’Ia ’ape te mau hoa aupurura’a pa’ari i te mau ’ohipa fa’atupu i te mana’o ’ē e ti’a ’ai. ’Ia ha’apa’o maita’i rātou i te mau taime e vai hō’ē hō’ē noa rāua e ti’a ai, e vai au noa ïa ’e e ’āpī mai te feiā ’āpī i te ’ohipa aupurura’a. Hau atu, ’ia vai te pa’ari e ti’a ai, ’eiaha e tu’u i te feiā ’āpī nō te mau ’utuāfare ’aore rā te mau orara’a fifi.
E ti’a ’ia anihia te mau Roti ’e te mau Tarona ’ia rave i te aupurura’a. E ’āpo’o te mau metua ’e te feiā fa’atere ’e te taure’are’a tamāhine tāta’itahi, ’e ’ia tae i te taime ē, e ti’a iāna ’e ’ua ineine ’oia nō te tāvini, e nehenehe e horo’a iāna i te hō’ē tonora’a aupurura’a. E tāvini te mau taure’are’a tamāhine ’ei hoa nō te mau tuahine o te Sōtaiete Tauturu.
Ma te parau fa’ati’a a te ’episekōpo, e vauvau te hō’ē melo o te peresidenira’a Sōtaiete Tauturu i te tonora’a aupurura’a i mua i te mau Roti ’e te mau Tarona. ’E ma te parau fa’ati’a a te ’episekōpo, e vauvau te hō’ē melo o te peresidenira’a pupu peresibutero i te tonora’a aupurura’a i mua i te mau ha’api’i ’e te mau tahu’a.