Ol Kwestin we Oli Askem Oltaem
Laef mo seves blong Jisas, hem i eksampol blong tufala bigfala stamba komanmen: “Yu mas lavem Hae God ya we i God blong yu [wetem ful hat, mo wetem ful sol, mo wetem ful tingting blong yu] mo. …Yu mas lavem ol [neiba] blong yu, [mo] mekem i gud long olgeta olsem we yu stap mekem i gud long yu” (Matiu 22:37, 39). Olsem ol memba blong Jos blong Sevya, we yumi wantem tru blong stap ol disaepol long Hem, yumi mas folem toktok blong Hem we i askem yumi blong lavem mo givim seves long Papa blong yumi we i stap long Heven mo ol pikinini blong Hem. “Sapos yu lavem mi, bambae yu mas wok blong mi mo stap obei long evri komanmen blong mi” (D&C 42:29). King Benjamin i stap tijim: “Taem we yufala i stap wok blong ol narafala man, yufala i stap mekem wok blong God blong yufala nomo” (Mosaea 2:17). Alma i talem sot diuti blong yumi mo i talem se: “Oli lukaotem ol pipol, mo oli fidim olgeta wetem ol samting long saed blong stret mo gud fasin.” (Mosaea 23:18).
Blong helpem wanwan long yumi blong mekem tabu wok ia blong kea mo givim seves long ol narawan, Fas Presidensi i bin anaonsem olgeta jenis ia, we oli putum i stap blong lidim ol hadwok blong yumi long ol kworom blong Melkesedek Prishud mo Rilif Sosaeti blong givhan olsem we Sevya i bin mekem. Ol jenis ia oli go olsem:
- Long level blong wod, wan Melkesedek Prishud kworom.
- Long level blong stek, wan kworom blong ol hae pris.
- Givhan i tekem ples blong hom tijing mo visiting tijing.
- Yusum ol yut long wok blong givhan.
Blong sapotem ol jenis ia, ol wod mo ol stek bambae oli nomo gat prishud eksekutiv komiti miting. Sapos i gat wan spesel samting i kamaot long wan wod, olsem ol famli mata we i no blong tokbaot, o i gat wan spesel jalenj blong welfea, bambae oli save tokbaot long wan bisoprik miting we oli invaetem moa pipol long hem. Ol nara samting we oli no praevet tumas, oli save tokbaot long wod kaonsel. Wanem we oli bin singaotem “ol stek prishud eksekutiv komiti miting,” naoia oli singaotem, “hae kaonsel miting” (ol kwestin 7 mo 15,) andanit ia.
Moa infomesen i stap long Intanet long ministering.lds.org/bis.
Long level blong wod, wan Melkesedek Prishud kworom.
Presiden Russell M. Nelson i tijim se “revelesen i no nid blong i kam evriwan long wan taem nomo. I save kam sloslo.”1 Ol samting we oli stap hapen sloslo long saed blong ol kworom blong prishud, mo fasin blong andastanem moa wok blong ol ki blong prishud, i givim wan paten blong revelesen i kam sloslo. Truaot long histri blong Jos, Lod, plante taem i bin soemaot tingting blong Hem, rul folem rul, mo sloslo, i blesem ol pikinini blong Hem wetem moa andastaning long hao blong yusum ol prinsipol blong gospel long ol situesen blong tedei (luk long D&C 46:15–16).
Ova long plante yia, Fas Presidensi mo Kworom blong Olgeta Twelef Aposol, oli tingting long ol jenis we oli stap daon ia. Wetem plante prea, plante stadi long skripja fandesen blong ol kworom blong prishud, mo agrimen blong evri prisaeding lida blong Jos, mo konfemesen se hemia i tingting blong Lod, ol lida oli muv fored blong mekem ol jenis long ol kworom long level blong wod mo stek, mo hemia i wan moa step i go blong Restoresen i gro.
1Russell M. Nelson, “Ask, Seek, Knock,” Ensign o Liahona, Nov. 2009, 83.
Long ol wod, ol memba blong kworom blong ol elda, mo grup blong ol hae pris, naoia, bambae oli kombaen long wan kworom wetem wan presidensi nomo. Kworom ia, bae namba blong hem i kam bigwan mo oli moa yunaet, bae i stap olsem “kworom blong ol elda,” mo grup blong ol hae pris long wod, bae i nomo gat.
Kworom blong ol elda, insaed i gat evri elda, mo fiuja elda blong wod, mo tu, ol hae pris we oli no givim seves long bisoprik, long stek presidensi, long hae kaonsel, o olsem petriak.
Stek presiden, wetem help blong tufala kaonsela blong hem, bambae i rilisim lidasip blong naoia blong grup blong ol hae pris, mo blong presidensi blong kworom blong ol elda. Afta, stek presiden bae i singaotem wan niufala presiden blong kworom blong ol elda long wanwan wod, mo stek presiden, wan kaonsela blong stek presidensi we i kasem wok ia, o wan hae kaonsela we oli givim wok ia long hem, bambae i singaotem ol kaonsela we oli putum nem blong olgeta blong givim seves long presidensi blong kworom blong ol elda. Niufala presidensi blong kworom blong ol elda, insaed long hem i save gat ol elda, mo ol hae pris, we oli gat ol defren yia mo eksperiens, we oli givim seves tugeta long wan kworom presidensi. Bae wan elda o wan hae pris, i save stap olsem presiden blong kworom ia, o olsem wan kaonsela insaed long presidensi ia.2
2Luk long Doctrine and Covenants 107:9–12. Long ves 11, “hae pris” i tokbaot wan prisaeding hae pris.
From hemia, presiden blong kworom blong ol elda i ansa stret i go long stek presiden, we i givim trening mo help we i kam long stek presidensi mo tru long hae kaonsel. Bisop, olsem prisaeding hae pris insaed long wod blong hem, i mit tu oltaem wetem presiden blong kworom blong ol elda. Bisop i kaonsel wetem hem, mo i givim stret daereksen long hao blong givim bes seves mo blesem ol memba blong wod, mo wok wan wetem evri oganaesesen blong wod. (Luk long Handbook 2, 7.3.1.)
No. Ol elda, oli gohed blong stap ol elda, mo ol hae pris, oli gohed blong stap ol hae pris long saed blong prishud ofis blong olgeta. Be, ol elda, bambae oli gohed blong odenem olgeta ol hae pris taem oli singaotem olgeta long wan stek presidensi, hae kaonsel, o bisoprik—o sam nara taem, olsem we stek presiden i jusum tru long hevi tingting mo insperesen tru long prea.
Yes. Folem tingting we i stap long Doktrin mo Ol Kavenan seksen 107: 89, taem wan wod i gat wan bigfala namba blong ol aktiv man we oli kasem Melkesedek Prishud, ol lida oli save oganaesem moa long wan kworom blong ol elda. Long ol kes olsem, wanwan kworom bae i mas balens, i mas gat ikwol namba blong ol man folem yia, eksperiens mo prishud ofis mo paoa.
Long Level blong Stek, Wan Kworom blong Ol Hae Pris.
Stek presidensi bambae i gohed blong stap olsem presidensi blong stek kworom blong ol hae pris. Ol memba blong kworom ia, oli ol hae pris ia nomo we oli holem wok long stek presidensi, long bisoprik, long hae kaonsel, mo ol petriak we oli stap wok naoia. Ol klak blong wod mo stek, mo ol eksekutiv sekretari, oli no memba blong kworom blong ol hae pris.
Ol memba blong stek kworom blong ol hae pris bambae oli stap mit wetem kworom blong ol elda sapos oli no gat wok blong mekem long nara ples.
Long prisaeding rol blong olgeta, stek presidensi i mit, olsem we i nid, wetem ol memba blong stek kworom blong hae pris blong blong givim trening mo blong helpem ol memba blong kworom long koling blong olgeta. Ol stek miting we oli stap naoia, olsem we oli stap eksplenem long Handbook 2, section 18.3 i gohed wetem ol jenis ia:
- Stek prishud eksekutiv komiti miting, naoia oli singaotem, “hae kaonsel miting.”
- Yia miting blong evri hae pris we oli odenem olgeta insaed long stek, bae i nomo tekples. Be, stek presidensi bambae i gohed blong holem yia miting blong stek kworom blong ol hae pris olsem we i stap naoia.
Blong gat wan kworom blong Melkesedek Prishud insaed long wan wod i mekem ol man we oli holem prishud oli kam wan blong save mekem wok long evri saed blong wok blong fasin blong sevem man, wetem wok blong tempol mo famli histri, we bifo, lida blong hae pris grup nao i stap lidim. Mo tu, i letem ol kworom memba, i nomata yia mo bakgraon blong olgeta, blong benefit long lukluk mo eksperiens blong wanwan long olgeta mo olgeta we oli stap long wan defren taem long laef. Hem i givim moa janis blong olgeta prishud we oli gat moa eksperiens blong tijim tingting blong olgeta, wetem tu ol fiuja elda, ol niu memba, ol yang adalt, mo olgeta we oli stap kambak aktiv long Jos.
Ol jenis ia, bambae i helpem ol kworom blong ol elda mo ol Rilif Sosaeti blong oli joenem wok blong olgeta. Hemia tu, bambae i mekem wok blong oganaesem wok blong kworom wetem bisoprik mo wod kaonsel i go simpol. Mo i letem bisop i givimaot moa responsabiliti long kworom blong ol elda mo ol presiden blong ol Rilif Sosaeti, blong mekem se bisop mo ol kaonsela blong hem, oli save lukluk nomo long fas diuti blong olgeta—speseli blong prisaed ova long ol yang woman, mo ol yang man we oli kasem Aronik Prishud.
Givhan I Tekem Ples blong Hom Tijing mo Visiting Tijing.
Blong plante yia, ol hom tija mo ol visiting tija oli akseptem ol wok ia blong stap visitim haos blong wanwan memba long evri manis, blong givim wan mesej, mo help olsem we i nid. Oli bin givim plante aoa, we oli no save kaontem, blong seves we i no selfis insaed long bigfala wok ia.
Blong bildimap wok antap long fasin ia, ol lida blong Jos, naoia, oli askem ol memba blong oli lukluk moa blong kea long ol narawan olsem we Kraes i bin stap mekem, hemia long saed blong spirit mo long saed blong laef (luk long Handbook 2, 3.2.3). Blong lukluk moa long fasin ia blong kea, ol foma program blong hom tijing mo visiting tijing, naoia, bae oli singaotem, “givhan,” we wok blong hem, ol presidensi blong kworom blong ol elda mo Rilif Sosaeti oli lukluk long hem anda long daereksen blong bisop.
Tru long eksampol, Sevya i bin soem mining blong givhan taem Hem i bin givim seves, wetem lav we Hem i gat long Papa blong Hem mo long wanwan man, woman mo pikinini (luk long Jon 15:9–10). Hem i bin lavem, tijim, mo bin prea from, i bin kamfotem mo blesem olgeta raon long Hem, i invaetem olgeta evriwan blong stap folem Hem (luk long Mak 8:34). Taem ol memba blong Jos oli stap givhan, oli prea blong lukaot blong givim seves olsem we bae Hem i mekem: “leftemap tingting blong olgeta we oli nidim,” “blong lukaotem jos oltaem, mo stap wetem mo mekem olgeta oli kam strong moa”, “visitim haos blong wanwan memba,” mo helpem wanwan blong kam wan tru disaepol blong Jisas Kraes. (Mosaea 18:9; D&C 20:51, 53; luk tu long Jon 13:35).
Taem ol memba oli stap givhan, oli faenemaot tru long storian mo insperesen, hamas taem, mo wanem kaen wei blong kontak bae oli gat wetem olgeta we oli stap givim kea long olgeta. Oli askem advaes long, mo oli givim ripot long ol lida blong olgeta, wan taem long wan kwota o moa long hemia, long saed blong seves blong olgeta mo ol nid, mo ol samting we olgeta we oli stap kea long olgeta oli gat. Ol lida oli stap givim ripot blong ol givhan intaviu ia evri kwota; oli nomo givim ripot blong namba blong ol visit o kontak we oli bin mekem long wanwan man, woman mo famli. Antap long hemia, tru long wan prishud we i joen long wanwan memba, ol givhan brata mo sista oli krietem wan komunikesen netwok we ol lida oli save yusum long taem blong denja o imejensi.
Olgeta brata we oli holem prishud oli singaotem olgeta “ol givhan brata,” mo ol Rilif Sosaeti sista oli singaotem olgeta “ol givhan sista.” Be oltaem, bambae oli singaotem olgeta nomo long nem blong olgeta: “Brata Jons” mo “Sista Smit.” Yumi no singaotem olgeta ol “minista.”
Givhan hem i semmak long hom tijing mo visiting tijing, long wei we, evri haos, bambae i ol prishud brata—ol givhan brata—we bae oli givhan mo kea long famli, o man o woman we i stap long haos ia (luk long D&C 20:47, 59). Wanwan adalt sista, bambae i gat ol memba blong Rilif Sosaeti—ol givhan sista—we bae oli givhan mo kea long hem, mo i mekem i kam strong moa, wok ia blong givhan we Rilif Sosaeti Jeneral Presidensi i bin stap tokbaot long stat blong Jenuware 2018. (luk long “Keep in Touch with Her Anytime, Anywhere, Any Way,” Ensign o Liahona, Jan. 2018, 7).
Antap long hemia, sam samting blong hom tijing mo visiting tijing, oli stretem blong helpem ol memba blong givhan wetem moa wok we i go blong lukluk long ol nid. Bae i nomo nid blong mekem apoenmen blong go mekem visit. Visit i save tekem ples long hom, long jos, o long eni nara ples we i sef, i stret, mo i isi blong go long hem. Olsem we Jeffrey R. Holland i tijim: “Wanem we i moa impoten i olsem wanem yu bin blesem mo kea long olgeta we yu gat wok blong lukaotem olgeta, mo hemia i no folem nating kalenda o ples we man i stap long hem. Wanem i impoten, i we yu lavem ol pipol blong yu, mo yu stap mekem komanmen ia blong ‘lukaotem Jos oltaem.’”
Long sot toktok, wok blong givhan, Spirit nao i stap lidim, i folem situesen, mo i folem ol nid blong wanwan memba.
3Jeffrey R. Holland, “Emissaries to the Church,” Ensign o Liahona, Nov. 2016, 62.
Taem ol memba oli stap givhan, oli lukaotem insperesen blong save olsem wanem i moa gud blong go kasem ol narawan mo lukluk long ol nid blong olgeta. ?Blong putum wan dei mo taem i stret? o ?blong ring i go long wan olfala sista we i stap hemwan bae i inaf blong lukluk long nid blong hem? ?Weswe? ?Bae wan invitesen i go long wan lesaktiv yang adalt blong hem i tekpat long wan komuniti projek bae i help moa blong mekem kontak? ?Blong sapotem wan yut futbol gem bae i helpem tugeta, yut mo papa mo mama, o nogat? ?Sapos oli sendem wan teks i go long wan, we teks ia i wan skripja we bae i helpem hem blong trabol blong hem i nomo hevi, hemia bae i wan gud samting blong mekem? ?Bae i gud moa blong sendem wan not, wan kad, o wan imel blong soem se yu gat wari long hem? ?Wanem nao bae Sevya i askem ol wokman blong Hem blong mekem? Blong faenem ol ansa we oli kamtru long insperesen mo blong yusum evri wei we i stap blong kontaktem olgeta we oli gat wok blong lukaotem, i wan stamba pat blong givhan wetem insperesen. Blong givim seves semmak olsem hemia blong Kraes, ol givhan brata mo sista oli no save dipen nomo long wanwan visit mo mesej we wan i rere long hem finis; oli mas lukaotem insperesen mo kaonsel wetem ol memba blong famli blong lukaot gud long olgeta we oli gat wok blong lukaotem olgeta—oli yusum taem mo ol risos we oli gat.
Ol givhan brata mo sista oli gat janis blong mekem wanem we wok i gud moa. Olgeta we oli gat wok blong lukaotem olgeta, i no evriwan i gat nid blong spendem fulap taem wetem olgeta. Taem oli wok wetem bisoprik mo wod kaonsel, presidensi blong kworom blong ol elda mo Rilif Sosaeti oli talemaot ol fas samting blong lukluk long hem long ol givhan brata mo sista, blong mekem se oli gat wan tingting finis se huia i nidim olgeta moa. Faswan nao bitim long evriwan, oli lukluk long ol niu memba, ol lesaktiv memba we oli save harem samting, mo ol narawan olsem ol singgel papa o mama, ol wido, mo ol man wido. Ol lida oli save askem wan yut lida blong kea long wan famli we i gat wan yang man o yang woman long hem we i stap gotru long samfala jalenj, mo oli givim wok naoia i go long ol givhan brata mo sista blong kea long ol niu konvet Oli save givim wok long eni memba blong kworom blong ol elda—ol hae pris mo ol elda—long wok ia blong givhan.
Taem we i stret, oli save givim wok long wan mared kapol blong lukluk long wan famli o wan man o woman. Antap long hemia, ol Lorel mo ol Maea Med oli save help plante taem oli stap olsem ol kompanion long ol Rilif Sosaeti sista, semmak olsem ol pris mo ol tija oli helpem olgeta we oli holem Melkesedek Prishud. (luk long kwestin 22 andanit ia).
Ol givhan brata mo sista oli luklukgud blong mekem wanem we i moa gud folem nid blong wanwan man o woman. Evri kaen wei blong toktok i stap blong mekem folem wanem Spirit i talem, mo blong lukluk long ol nid blong olgeta we oli stap givim seves long olgeta. Blong lukluk long ol nid ia, i stat wetem wan prea, mo luklukgud long wanem i stap, mo wetem moa storian blong kasem infomesen wetem ol famli, mo wanwan man o woman we oli gat wok blong lukaotem. Long storian ia, mo long ol kontak afta, oli lisin long olgeta we oli stap givhan long olgeta blong save andastanem wanem wei i bes blong givim seves, hamas taem mo wanem kaen kontak oli wantem, mo sapos oli nidim wan mesej mo wanem mesej blong serem. Olgeta we oli stap givhan, oli meksua se evri komunikesen wetem eni memba blong famli, i stret.
Ol givhan brata mo sista oli stap lukaotem blong helpem wanwan man, woman, mo famli blong rere blong kasem ol nekis odinens, blong oli kipim ol kavenan we oli bin mekem, mo blong oli kam blong dipen long olgetawan. Help ia, i save tekem sam mesej long saed blong spirit we i stret long wanwan man, woman o famli ia, nomata we blong givhan i no wan wok blong stap givimaot wan mesej. Ol magasin, Liahona mo Ensign bae oli no tekem ol mesej ia we i blong yusum long taem blong givhan wok.
Wan bigfala moa paoa blong save givhan long ol narawan, i wan long ol risal we yumi wantem luk i hapen aot long ol kworom blong Melkesedek Prishud mo aot long yuniti insaed long Rilif Sosaeti. Givhan i kam wan kombaen hadwok we i kam blong mekem prishud diuti i kamtru; diuti ia i blong “visitim haos blong wanwan memba,” mo blong “lukaotem Jos oltaem,” mo blong stap wetem mo mekem olgeta oli kam strong moa,” mo blong stamba tingting blong Rilif Sosaeti, we i “mekem fet long Papa long Heven mo Jisas Kraes mo long Atonmen blong Hem i kam antap; blong mekem wanwan man, woman, famli mo hom oli kam strong moa tru long ol odinens mo ol kavenan; mo wok wan blong helpem olgeta we oli stap long nid” (D&C 20:47, 53; Handbook 2, 9.1.1).
Taem oli wok tugeta mo anda long daereksen blong bisop, ol presidensi blong ol kworom blong ol elda mo Rilif Sosaeti oli gat janis blong kasem insperesen, stap oganaes, mo kombaen blong luklukgud blong lukaotem mo kea long wanwan man, woman mo famli. Kombaen, hem i blong wok tugeta long ol wei ia:
- Presidensi blong kworom blong ol elda i givim nem blong ol givhan brata blong wanwan man mo famli blong wod. Presidensi blong Rilif Sosaeti i givim nem blong ol givhan sista blong wanwan sista blong Rilif Sosaeti. Taem i gat ol spesel nid we i stap, ol presidensi blong kworom blong ol elda mo Rilif Sosaeti, oli save toktok raon long ol nem blong ol givhan brata mo sista bifo oli jusum stret nem.
- Presidensi blong kworom blong ol Elda mo blong Rilif Sosaeti i givim nem blong ol givhan brata mo sista i go long bisop blong hem i apruvum.
- Olsem we i nid, ol givhan brata mo sista oli save toktok raon long spesel situesen blong wanwan man, woman mo taem i nid, oli kasem ol lida blong kworom mo Rilif Sosaeti blong kasem sam moa help mo risos.
- Presidensi blong kworom mo hemia blong Rilif Sosaeti oli mit evri kwota blong toktok raon long ol nid blong wanwan man, woman mo famli we oli lanem tru long ol givhan intaviu.
- Afta long miting ia, presiden blong kworom mo hemia blong Rilif Sosaeti oli mit tugeta evri kwota wetem bisop blong lukluk long ol nid blong wanwan man, woman mo famli.
- Olsem we i nid, ol lida blong kworom blong ol elda mo hemia blong Rilif Sosaeti, oli kaonsel wetem wod kaonsel long saed blong ol gud saed mo ol nid we oli bin faenemaot long taem blong ol givhan intaviu, mo oli mekem mo tekem aksen folem ol plan blong givim seves mo blesem ol memba blong wod.
Blong mekem kombaen wok ia i kam simpol, ol wod oli lukluk nomo long ol wod kaonsel miting mo i nomo gat prishud eksekutiv komiti miting. Ol poen blong ajenda we oli stap tokbaot bifo long prishud eksekutiv komitim miting, olsem we i nid, oli tokbaot long ol bisoprik miting we oli invaetem moa pipol blong go long hem, insaed long ol wod kaonsel, mo long ol kwota miting blong bisop, presiden blong kworom presiden, mo presiden blong Rilif Sosaeti.
Ol lida oli mit wetem ol givhan brata mo sista—olsem ol kompanionsip—blong oli givim wok long tufala, mo blong givim kaonsel abaot ol samting we wanwan man, woman, o famli we bae oli kea long olgeta oli gat, ol nid mo ol jalenj blong olgeta. Storian ia i save tekem ples long taem blong wan givhan intaviu (luk long kwestin 20 andanit ia) o taem we i gat nid.
From namba blong ol pipol, ples we i longwe, sefti, mo ol nara samting, bae i no posibol blong mekem visit i go long evri hom long evri manis; be, i impoten blong visitim wanwan taem i posibol blong mekem. Blong givim seves olsem we Sevya i bin mekem, ol givhan brata mo sista oli lukluk long evri rod we i stap blong save kea mo kontaktem olgeta we oli gat wok blong lukaot long olgeta.
No. Taem ol givhan brata mo sista oli kam blong save olgeta we oli stap kea long olgeta, oli lanem nid blong olgeta mo Tabu Spirit bae i talem olgeta blong tijim wan prinsipol blong gospel. Wan papa o mama i save askem blong oli tijim wan topik long famli blong hem. Be, bes mesej, hem i blong kea mo gat lav mo sore.
Ol lida oli nomo karem ol ripot blong ol famli mo wanwan man o woman we oli bin visitim long wan manis olsem. Be, ol givhan brata mo sista oli gat wan janis blong kaonsel wetem ol lida blong kworom blong ol elda mo hemia blong Rilif Sosaeti abaot ol situesen blong olgeta we oli givhan mo abaot wok blong olgeta blong stap givhan long olgeta. Kaen kaonsel olsem i tekem ples wan taem long wan kwota long taem blong givhan intaviu mo long eni nara taem moa, taem i nid blong toktok.
Wan givhan intaviu, oli holem (1) blong kaonsel o toktok raon abaot ol samting we wanwan man, woman mo famli i gat blong yusum, ol nid mo ol jalenj blong olgeta; (2) blong faenemaot wanem nid nao kworom, Rilif Sosaeti, o wod kaonsel i save help wetem, mo (3) blong lanem samting aot long ol lida mo blong kasem gud toktok blong help long saed blong ol givhan wok.
Wan taem long wan kwota, ol givhan brata mo sista oli mit wetem wan lida blong kworom blong ol elda o Rilif Sosaeti, long wan givhan intaviu, fes tu fes, mo wetem kompanion blong olgeta. Wan mared kapol we i stap tugeta blong givhan, i save mit wetem ol elda blong kworom o wetem ol lida blong Rilif Sosaeti, o tugeta. Bitwin taem blong ol intaviu, ol givhan brata mo sista oli pasem ol nara infomesen tu, olsem we i nid—fes tu fes, o tru long telefon, teks, imel, o nara wei. Oli serem ol konfidensiol infomesen nomo wetem kworom blong ol elda o wetem presiden blong Rilif Sosaeti—o i go stret long bisop.
Presidensi blong kworom mo hemia blong Rilif Sosaeti oli kipim wan rekod blong ol givhan intaviu we oli stap holem wetem ol givhan brata mo sista. Ol lida oli talem wanem manis nao oli holem ol intaviu mo huia bae i kam. Oli ripotem se oli intaviu long wan kompanionsip sapos wan memba blong kompanionsip ia, oli intaviu long hem long wan kwota.
Bifo long namba 1 Ogis 2018, i gat ol apdeit long LDS Tools i stap, mo tu, long Risos blong Lida mo Klak long LDS.org blong mekem ol kaen ripot ia. Ol jenis long Kwota Ripot bambae oli stap tu blong stat yusum long medel blong yia ia, 2018. Bambae oli givim moa ditel blong ol lida mo ol klak long wan nara notis we bae i kam long hedkwota blong Jos.
Yusum Ol Yut long Wok blong Givhan.
Ol lida oli save jusum blong givim wok long ol Lorel mo ol Maea Med olsem kompanion blong ol sista blong Rilif Sosaeti, semmak olsem we ol pris mo tija oli stap olsem ol kompanion blong olgeta we oli kasem Melkesedek Prishud. Ol yut oli serem ol presen we i blong olgeta nomo mo oli stap gro long saed blong spirit taem oli givim seves long saed blong ol adalt, hemia long wok blong fasin blong sevem man, mo taem we oli stap kaonsel abaot seves ia long taem blong ol givhan intaviu. Antap long hemia, blong yusum ol yut long ol givhan wok i mekem se yumi kasem moa pipol blong kea long olgeta taem yumi leftemap namba blong ol memba we oli tekpat. I save mekem tu se, ol wok ia, oli mekem olgeta oli moa simpol be i moa strong insaed long ol famli taem we ol mama mo ol gel—ol papa mo ol boe—oli givim seves tugeta.
No. Ol yang man mo ol yang woman, olgeta we oli givhan long famli blong olgeta nao oli lukluk long olgeta; mo tu, ol lida blong Aronik Prishud mo Yang Woman oli kea long olgeta.
Ol jenis long kworom ia, oli mas mekem naoia. Ol jenis long wok blong givhan, bae i save tekem sam taem, be hem i mas stat naoia. Moa infomesen i stap long Intanet long ministering.lds.org/bis.
Plis, tekem not se taem oli tokbaot ol wod mo ol bisop, i save tokbaot tu ol branj mo ol branj presiden; taem oli tokbaot ol stek, hem i save minim tu ol distrik, mo taem oli stap tokbaot ol stek presiden, i save minim tu, misin presiden mo distrik presiden.