Na Veiqaravi Vaqaqacotaki ni Kuoramu ni Matabete i Melikiseteki kei na iSoqosoqo ni Veivukei
Sa rawa ni ra vakayagataka na iliuliu na veivurevure oqo ni ra vakarau liutaka tu na veivosaki ni matabose ni iwasewase, matabose ni veivakacokotaki, koniferedi ni iteki, matabose ni iteki, matabose ni tabanalevu, kei na lesoni ni Sigatabu.
Vakatutu Eso ena Vakayagataki ni Veivurevure Oqo
Ena nodra soqoni ni matabose ka tarava, sa rawa ni ra tekivuna na iliuliu na veivosakitaki ni veisau ka a kacivaki ena koniferedi raraba ni Epereli 2018 ena wiliki ni ivakamacala taumada ni itukutuku sa kabi toka kei na nodratou ivola na Mataveiliutaki Taumada ni ka 2 ni Epereli, 2018, “Na Veiqaravi Veivaqaqacotaki ni Kuoramu ni Matabete i Melikiseteki kei na iSoqosoqo ni Veivukei” (raica na ministering.lds.org
Ena soqoni oqo, sa rawa talega vei ira na lewe ni matabose mera sarava ka veivosakitaka na vidio A Vision of Ministering (raica na “Videos” e ra). Sa vakarautaki tu na ikuri ni vidio kei na ivurevure eso me laveta cake na veivosaki oqo ka sa rawa ni vakayagataki ena veisoqoni ni matabose ka tarava se na ituvaki tale eso. Na iwasewase yadua ena vidio Effective Ministering sa tarava tiko e dua na taro mera na qai veivosakitaka na ilawalawa.
Vidio
Era sa oka ena vidio oqo na yaloyalo eso mai na koniferedi raraba ni Epereli 2018 kei na soqoni vakaveiliutaki ni koniferedi raraba kei ira na Vakaitutu Raraba, Vitusagavulu ni iWasewase, kei ira na Vakailesilesi Raraba.
Na Rai ni Veiqaravi (4:41)
NaVeiqaravi Mana (15:00) era tiko kina na iwasewase oqo:
- Taro: Na cava na vuna meda veiqaravi kina?
- Taro: Eda na vakarawarawataka tiko vakacava na noda sasaga ka me liutaka na Yalo?
- Taro: E rawa vakacava ni vakalougatataka na tamata yadua kei na matavuvale na veivakatarogi ni veiqaravi mana?
- Taro: E rawa vakacava ni vukei keda meda lomani ira taucoko na luve ni Kalou ena dua na sasaga veicokonaki vakatautauvata?
- Taro: E rawa vakacava ni da vakayacora vakavinaka na raivotu ni veiqaravi eratou sa vakarautaka na Mataveiliutaki Taumada kei na Kuoramu ni iApositolo Le Tinikarua?
Na Veivakatarogi ni Veiqaravi (19:17)
Yavuduri Eso ni iVolanikalou
Maciu 10:39; 22:37–39; Luke 22:32; Joni 10:11; 13:34; 21:15,16; Kalatia 5:13; Mosaia 23:18; Vunau kei na Veiyalayalati 20:53
iKuri ni iVurevure
- Na ilavelave ni mekasini ni Liaona kei na Ensign ni Me 2018 kei na comefollowme.lds.org sa tu kina na ivurevure eso ena rawa ni vakayagataki ena veivosaki ni ikava ni Sigatabu me baleta na soqoni ni veiqaravi ni kuoramu ni italatala qase kei na iSoqosoqo ni Veivukei.