Rilb’aleb’ li komon rik’ineb’ li kawob’resinb’il molam re li Tijonelil re Melkisedek ut eb’ li Komonil re Tenq’ank

Eb’ li k’anjeleb’aal choq’ re rilb’aleb’ li komon

Eb’ laj jolominel naru te’roksiheb’ li k’anjeleb’aal a’in naq neke’xkawresi rib’ choq’ re xb’eresinkil li aatinak sa’ li ch’utam re area, li ch’utam re na’leb’ank, li ch’utub’aj-ib’ re oqech, li jolomil ch’utam re li oqech, li jolomil ch’utam re li teep, ut li tzolok sa’ domingo.

Xk’ubsinkil li PDF

Chan ru naq naru te’oksimanq li k’anjeleb’aal a’in

Sa’ jun li ch’utam re k’uub’ank na’leb’ chal re, eb’ laj jolominel naru te’xtikib’ aatinak chirixeb’ li jalok li xe’yaab’asiik resil sa’ li jolomil ch’utub’aj-ib’ re abril 2018 rik’in rilb’al ru li hu taqlanb’il xb’aan li Xb’eenil Awa’b’ejil sa’ li 2 abril, 2018, “Rilb’aleb’ li komon rik’in li kawob’resinb’il molam re li Tijonelil re Melkisedek ut li Komonil re Tenq’ank” (chi’ilmanq ministering.lds.org).

Sa’ li ch’utam, eb’ li komon naru te’ril ajwi’ ut te’aatinaq chirix li video Chan raj ru taqileb’ li komon (chi’ilmanq “Eb’ li video” sa’ li hu a’in). Xkomoneb’ chik li video ut k’anjeleb’aal k’eeb’ileb’ re xchaab’ilob’resinkil li aatinak ut naru te’oksimanq sa’eb’ li ch’utam re k’uub’ank na’leb’ chalel malaj sa’ jalan chik hoonal. Sa’ xraqik li junjunq raqal re li video Rilb’aleb’ li komon chi chaab’il wan jun patz’om li naru te’aatinaq wi’ li ch’uut.

Eb’ li video

Junjunq reheb’ li video a’in isinb’ileb’ sa’ li jolomil ch’utub’aj-ib’ re abril 2018 ut eb’ li ch’utam chiru li jolomil ch’utub’aj-ib’ choq’ reheb’ laj jolominel rik’ineb’ li jolomil aj b’eresinel, laj Setenta re area, ut eb’ li jolomil aj k’anjel.

Chan raj ru taqileb’ li komon (4:41)

Sa’ li video Rilb’aleb’ li komon chi chaab’il (15:00) wankeb’ li raqal a’in:

  1. Patz’om: K’a’ut naq nokok’anjelak?
  2. Patz’om: Chan ru naq moko ch’a’aj ta li qak’anjel ut chan ru naq b’eresinb’ilaq xb’aan li Musiq’ej?
  3. Patz’om: Chan ru naq xq’axtesinkil li esil chirix rilb’aleb’ li komon naru taarosob’tesiheb’ li komon ut li junkab’al?
  4. Patz’om: Chan ru naq li k’anjelak sa’ komonil naru tooxtenq’a chirilb’aleb’ chixjunil li ralal xk’ajol li Dios?
  5. Patz’om: Chan ru naq naru taqak’anjela chi chaab’il li na’leb’ chirix rilb’aleb’ li komon li k’utb’esinb’il xb’aan li Xb’eenil Awa’b’ejil ut lix Molameb’ li Kab’laju chi Apostol?

Ebʼ li raqal saʼebʼ li loqʼlaj hu

Mateo 10:39; 22:37-39; Lukas 22:32; Jwan 10:11; 13:34; 21:15, 16; Galatas 5:13; Mosiah 23:18; Tzol’leb’ ut Sumwank 20:53

Xkomon chik li k’anjeleb’aal

  • Sa’ li Liahona re mayo 2018 ut sa’ comefollowme.lds.org wankeb’ li k’anjeleb’aal li naru te’oksimanq sa’eb’ li aatinak re li xkaa domingo chirix rilb’aleb’ li komon sa’eb’ li ch’utam re lix molameb’ li xb’eenil ut li Komonil re Tenq’ank.
  • Xkomon chik li na’leb’, li k’ab’a’inb’il “Xb’eenil na’leb’ chirix rilb’aleb’ li komon,” te’tawmanq sa’eb’ li Liahona chalkeb’ re.