ការងារបម្រើជាមួយកូរ៉ុមបព្វជិតភាពមិលគីស្សាដែក និង សមាគមសង្គ្រោះដែលបានពង្រឹង
ធនធានទាំងនេះ អាចប្រើប្រាស់ដោយថ្នាក់ដឹកនាំ នៅពេលពួកលោករៀបចំដឹកនាំការពិភាក្សានៅក្នុងក្រុមប្រឹក្សាប្រចាំតំបន់ ក្រុមប្រឹក្សាសម្របសម្រួល សន្និសីទស្តេក ក្រុមប្រឹក្សាស្តេក ក្រុមប្រឹក្សាវួដ និង មេរៀនទាំងឡាយនៅថ្ងៃអាទិត្យ ។
យោបល់សម្រាប់ការប្រើប្រាស់ធនធានទាំងនេះ
នៅក្នុងការប្រជុំក្រុមប្រឹក្សាមួយ ថ្នាក់ដឹកនាំអាចចាប់ផ្ដើមការពិភាក្សាអំពីការផ្លាស់ប្ដូរដែលបានប្រកាសនៅក្នុងសន្និសីទទូទៅ ខែ មេសា ឆ្នាំ ២០១៨ ដោយការអានវគ្គណែនាំនៃឯកសារភ្ជាប់មកជាមួយនឹងលិខិតគណៈប្រធានទីមួយ ចុះថ្ងៃទី ២ ខែ មេសា ឆ្នាំ ២០១៨ « ការងារបម្រើដែលជួយពង្រឹងដល់កូរ៉ុមបព្វជិតភាពមិលគីស្សាដែក និង សមាគមសង្គ្រោះ » ( សូមមើលគេហទំព័រ ministering.lds.org ) ។
សមាជិកក្រុមប្រឹក្សាក៏អាចមើល និងពិភាក្សាអំពីវីដេអូ ទស្សនវិស័យអំពីការងារបម្រើ ( សូមមើល « វីដេអូ » ខាងក្រោមនេះ ) ។ វីដេអូបន្ថែម និងធនធានដទៃទៀត ត្រូវបានផ្ដល់ឲ្យដើម្បីពង្រីកការពិភាក្សានេះ ហើយអាចនឹងប្រើប្រាស់នៅក្នុងការប្រជុំក្រុមប្រឹក្សានាពេលអនាគត ឬនៅក្នុងការប្រជុំដទៃៗទៀត ។ វគ្គនីមួយៗនៅក្នុងវីដេអូ ការងារបម្រើដែលមានប្រសិទ្ធភាព ត្រូវបានភ្ជាប់ដោយសំណួរមួយដែលក្រុមអាចធ្វើការពិភាក្សាគ្នា ។
វីដេអូ
វីដេអូនៅខាងក្រោមនេះ រួមមានទាំងវីដេអូខ្លីៗមកពីសន្និសីទទូទៅខែមេសា ឆ្នាំ ២០១៨ និងមកពីការប្រជុំថ្នាក់ដឹកនាំសន្និសីទទូទៅជាមួយនឹងអ្នកមានសិទ្ធិអំណាចទូទៅ ពួកចិត្តសិបនាក់ប្រចាំតំបន់ និង អ្នកកាន់តំណែងទូទៅ ។
ទស្សនវិស័យអំពីការងារបម្រើ ( ៤:៤១ )
ការងារបម្រើដែលមានប្រសិទ្ធភាព ( ១៥:០០) មានវគ្គដូចខាងក្រោម ៖
- សំណួរ ៖ ហេតុអ្វីយើងផ្ដល់ការងារបម្រើ ?
- សំណួរ ៖ តើយើងអាចរក្សាឲ្យកិច្ចខិតខំរបស់យើងមានលក្ខណៈសាមញ្ញ និងបានដឹកនាំដោយព្រះវិញ្ញាណយ៉ាងដូចម្ដេច ?
- សំណួរ ៖ តើការសម្ភាសអំពីការងារបម្រើដែលមានប្រសិទ្ធភាពផ្តល់ពរដល់បុគ្គលម្នាក់ៗ និងក្រុមគ្រួសារយ៉ាងដូចម្ដេច ?
- សំណួរ ៖ តើកិច្ចខិតខំសម្របសម្រួលមួយអាចជួយយើងមើលថែដល់បុត្រាបុត្រីទាំងអស់របស់ព្រះវរបិតាសួគ៌យ៉ាងដូចម្ដេច ?
- សំណួរ ៖ តើយើងអាចអនុវត្តទស្សនវិស័យអំពីការងារបម្រើដែលបានផ្ដល់ឲ្យដោយគណៈប្រធានទីមួយ និងកូរ៉ុមនៃពួកសាវកដប់ពីរនាក់យ៉ាងដូចម្ដេច ?
ការសម្ភាសអំពីការងារបម្រើ (១៩:១៧)
សេចក្ដីយោងបទគម្ពីរ
ម៉ាថាយ ១០:៣៩,២២:៣៧–៣៩,លូកា ២២:៣២,យ៉ូហាន ១០:១១,១៣:៣៤,២១:១៥, ១៦,កាឡាទី ៥:១៣,ម៉ូសាយ ២៣:១៨,គោលលទ្ធិ និង សេចក្តីសញ្ញា ២០:៥៣
ធនធានបន្ថែមទាំងឡាយ
- ច្បាប់ចេញផ្សាយទស្សនាវដ្ដី លីអាហូណានិង Ensignខែ ឧសភា ឆ្នាំ ២០១៨ និង គេហទំព័រ comefollowme.lds.org ផ្តល់នូវធនធានដែលអាចត្រូវបានប្រើប្រាស់នៅក្នុងការពិភាក្សានៅថ្ងៃអាទិត្យសប្ដាហ៍ទីបួនអំពីការងារបម្រើនៅក្នុងការប្រជុំកូរ៉ុមអែលឌើរ និងសមាគមសង្គ្រោះ ។