Auaunaga faatasi ma Korama a le Au Perisitua Mekisateko ma Aualofa ua Faamalosia
O nei punaoa e mafai ona faaaogaina e taitai a o latou saunia e taitai ia talanoaga i aufono a le eria, aufono faamaopoopo, konafesi a siteki, aufono a siteki, aufono a uarota, ma lesona o Aso Sa.
O Fautuaga mo le Faaaogaina o Nei Punaoa
I le fonotaga a le aufono, e mafai e taitai ona amatalia le talanoaga o suiga na faasilasila atu i le konafesi aoao ia Aperila 2018 e ala i le faitauina o le vaega o le faatomuaga o pepa na auina atu faatasi o loo aofia ai i le tusi a le Au Peresitene Sili i le aso 2 Aperila, 2018, “Auaunaga faatasi ma Korama a le Au Perisitua Mekisateko ma Aualofa ua Faamalosia” (tagai i le ministering.lds.org).
E mafai foi e sui o le aufono ona maimoaina ma talanoaina le vitio O Se Vaaiga Mamao o le Auaunaga (tagai i “Vitio” o i lalo). Ua sauniaina isi vitio faaopoopo ma isi punaoa e faaleleia ai lenei talanoaga ma e mafai ona faaaogaina i fonotaga a le aufono i le lumanai po o isi faatulagaga. O vaega taitasi i le vitio Auaunaga Mataalia e sosoo ma se fesili lea e mafai e le vaega ona talanoaina.
Vitio
O nei vitio o loo aofia ai kilipi mai le konafesi aoao ia Aperila 2018 ma mai fonotaga faaleautaitai i le konafesi aoao faatasi ma le Au Pulega Aoao, Fitugafulu Eria, ma Taitai Aoao.
O Se Vaaiga Mamao o le Auaunaga (4:41)
Auaunaga Mataalia (15:00) o loo i ai vaega nei:
- Fesili: Aisea tatou te auauna atu ai?
- Fesili: E mafai faapefea ona tatou faatumauina le faigofie o a tatou taumafaiga ma taitaia e le Agaga?
- Fesili: E mafai faapefea e faatalanoaga o auaunaga mataalia ona faamanuiaina ai tagata taitoatasi ma aiga?
- Fesili: E mafai faapefea e le taumafaiga faamaopoopo e tasi ona fesoasoani ia i tatou e tausia fanau uma a le Atua?
- Fesili: E mafai faapefea ona tatou faatino le vaaiga mamao o le auaunaga ua tuuina mai e le Au Peresitene Sili ma le Korama a Aposetolo e Toasefululua?
Faatalanoaga o Auaunaga (19:17)
Mau Faasino
Mataio 10:39; 22:37-39; Luka 22:32; Ioane 10:11; 13:34; 21:15, 16; Kalatia 5:13; Mosaea 23:18; Mataupu Faavae ma Feagaiga 20:53
Punaoa Faaopoopo
- O lomiga o mekasini o le Liahona ma le Ensigno Me 2018 ma le comefollowme.lds.org o loo i ai punaoa e mafai ona faaaogaina i talanoaga i Aso Sa fa e uiga i auaunaga i sauniga a korama a toeaina ma le Aualofa.