Aupuru i te ta’ata nā roto i te mau pupu autahu’ara’a a Melehizedeka ’e te Sōtaiete Tauturu ha’apūaihia
E nehenehe teie mau mātēria tauturu e fa’a’ohipahia e te feiā fa’atere nō te fa’aineine ia rātou nō te rautī i te mau ’āpo’ora’a ārea, te mau ’āpo’ora’a fa’aaura’a, te mau ’āmuira’a titi, te mau ’āpo’ora’a titi, te mau ’āpo’ora’a pāroita ’e te mau ha’api’ira’a i te sābati.
Mau mana’o nō te fa’a’ohipara’a i teie mau mātēria tauturu
I roto i te hō’ē ’āpo’ora’a, e nehenehe te mau feiā fa’atere e ha’amata i te tāu’ara’a parau nō ni’a i te mau tauira’a i fa’aarahia i roto i te ’āmuira’a rahi nō ’Ēperēra 2018, nā roto i te tai’ora’a i te ’ōmuara’a o te parau i ’āpitihia i te rata a te Peresidenira’a Mātāmua, nō te 2 nō ’Ēperēra 2018, « Aupuru i te ta’ata nā roto i te mau pupu autahu’ara’a a Melehizedeka ’e te Sōtaiete Tauturu ha’apūaihia » (hi’o ministering.lds.org).
E nehenehe ato’a te mau melo o te ’āpo’ora’a e māta’ita’i ’e e paraparau nō ni’a i te video ra E hi’ora’a ātea nō te aupurura’a (hi’o i raro nei te « Mau video »). Tē vai ra te tahi atu ā mau video ’e mau mātēria nō te fa’ananea atu ā i te tāu’ara’a parau, ’e e nehenehe e fa’a’ohipahia i te tahi atu mau rurura’a ’āpo’ora’a ’aore rā i te tahi atu taime. I roto i te video tāta’itahi nō Te aupurura’a manuia, tē vai nei te hō’ē uira’a e nehenehe e paraparau i roto i te pupu.
Mau video
I roto i te mau video i muri nei, tē vai ra te tahi tuha’a nō te ’āmuira’a rahi ’e nō te mau rurura’a feiā fa’atere o te ’āmuira’a rahi ’e te mau Huimana fa’atere rahi, te mau Hitu ’Ahuru ārea ’e te mau feiā fa’atere rahi.
E hi’ora’a ātea nō te aupurura’a (4:41)
I roto i Te aupurura’a manuia (15:00), tē vai nei te mau tuha’a i muri nei :
- Uira’a : Nō te aha tātou e aupuru ai i te ta’ata ?
- Uira’a : E aha te ’ohipa e rave ’ia vai ’ōhie noa tā tātou mau tauto’ora’a ’e ’ia arata’ihia e te Vārua ?
- Uira’a : Nāhea te mau uiuira’a aupurura’a manuia i te ha’amaita’i i te ta’ata ’e te mau ’utuāfare ?
- Uira’a : Nāhea te hō’ē tauto’ora’a nahonaho maita’i i te tauturu ia tātou ’ia ha’apa’o i te tā’āto’ara’a o te mau tamari’i a te Atua ?
- Uira’a : Nāhea tātou e nehenehe ai e fa’atupu i te hi’ora’a ātea nō te aupurura’a tei hōro’ahia mai e te Peresidenira’a Mātāmua ’e te pupu nō te Tino ’Ahuru Ma Piti ’āpōsetolo ?
Mau uiuira’a aupurura’a (19:17)
Pāpa’ira’a mo’a
Mataio 10:39; 22:37-39; Luka 22:32; Ioane 10:11; 13:34; 21:15, 16; Galatia 5:13; Mosia 23:18; Te Parau Ha’api’ira’a ’e te mau Parau Fafau 20:53
Te tahi atu ā mātēria tauturu
- Tē hōro’a nei te ve’a nō Mē 2018 o te Liahona ’e te Ensign, nā reira ato’a te comefollowme.lds.org, i te tahi mau mātēria tauturu e nehenehe e fa’a’ohipa i roto i te mau tāu’ara’a parau nō te maha o te sābati nō ni’a i te aupurura’a, i roto i te mau purera’a pupu peresibutero ’e Sōtaiete Tauturu.