Jun li profeet

Lyrics

1. 1. Laj Adan profeet, saʼ xtiklajik xyoʼla;
   Saʼ li awimq Eden li Qaawaʼ Dios xtaqla.
   Aʼan ralal li Dios, najter chaq kipaabʼan.
   Ralalo xkʼajol saʼ roʼsoʼjik kutan.
2. Jun li profeet, jun li profeet,
   Jun li profeet, aʼan taataaqe—
   Jun li profeet, jun li profeet,
   Jun li profeet naxnaw li bʼe.
3. 2. Laj Enok profeet, chaabʼil aatin kixye.
   Saʼ lix tenamit keʼxsikʼ li chaabʼil bʼe.
   Tiik xchʼoolebʼ tzʼaqal, xʼosoʼ li maak aran,
   Ut li Qaawaʼ Dios xxokebʼ rikʼin aʼan.
4. Jun li profeet, jun li profeet,
   Jun li profeet, aʼan taataaqe—
   Jun li profeet, jun li profeet,
   Jun li profeet naxnaw li bʼe.
5. 3. Jun chik li profeet; aʼan chaq laj Noe.
   “Jalomaq eechʼool,” aʼan chaq li kixye.
   Tzʼaqalebʼ aj maak, aʼan inkʼaʼ keʼxpaabʼ.
   Keʼrahoʼ lix chʼool moqon naq xchal li habʼ.
6. Jun li profeet, jun li profeet,
   Jun li profeet, aʼan taataaqe—
   Jun li profeet, jun li profeet,
   Jun li profeet naxnaw li bʼe.
7. 4. Li profeet aj Abraham ralal xtzʼaama.
   Li Qaawaʼ xrabʼi, ut laj Isaak xyoʼla;
   Xyuwaʼ laj Jakobʼ—rikʼin aʼan kiʼel
   Kabʼlaju ralal, xteepal laj Israel.
8. Jun li profeet, jun li profeet,
   Jun li profeet, aʼan taataaqe—
   Jun li profeet, jun li profeet,
   Jun li profeet naxnaw li bʼe.
9. 5. Laj Moises profeet choqʼ re laj Israel
   Re xkʼambʼal xbʼehebʼ saʼ chʼochʼ li yeechiʼinbʼil.
   Naqakʼe reetal, inkʼaʼ mas nekeʼxpaabʼ—
   Saʼ li chaqi chʼochʼ keʼbʼay kaʼkʼal chihabʼ.
10. Jun li profeet, jun li profeet,
    Jun li profeet, aʼan taataaqe—
    Jun li profeet, jun li profeet,
    Jun li profeet naxnaw li bʼe.
11. 6. Laj Samuel profeet, us ta toj chʼina al.
    Siibʼil re li Dios xbʼaan xnaʼ saʼ xkaʼchʼinal,
    Ut naq kibʼoqeʼ xkʼabʼaʼ chiru qʼojyin,
    Laj Samuel kixye, “Qaawaʼ, arin wankin!”
12. Jun li profeet, jun li profeet,
    Jun li profeet, aʼan taataaqe—
    Jun li profeet, jun li profeet,
    Jun li profeet naxnaw li bʼe.
13. 7. Laj Jonas profeet, ut xraj raj eelelik,
    Ut moqon kixtzol naq mas chaabʼil wiʼchik
    Wi tixpaabʼ li Dios ut taaʼabʼinq chiru,
    Ut saʼ xsaʼ li kar, aʼan chik kixbʼaanu.
14. Jun li profeet, jun li profeet,
    Jun li profeet, aʼan taataaqe—
    Jun li profeet, jun li profeet,
    Jun li profeet naxnaw li bʼe.
15. 8. Laj Daniel profeet, li maak kixtzʼeqtaana;
    Saʼ xnaʼaj li josqʼ kaqkojl li rey xtaqla.
    Moko kitiweʼ ta, ut li rey kiril
    Xbʼaan naq xmoos li Dios, laj Daniel nim xwankil.
16. Jun li profeet, jun li profeet,
    Jun li profeet, aʼan taataaqe—
    Jun li profeet, jun li profeet,
    Jun li profeet naxnaw li bʼe.
17. 9. Saʼ li ruchichʼochʼ xeʼsach xnaʼlebʼ naabʼal.
    Yalaq bʼar taawil, aran taakʼe reetal.
    Wan chik qaprofeet, ut kʼambʼilaq qabʼe
    Wi nokoʼabʼin chiru li aatin naxye.
18. Jun li profeet, jun li profeet,
    Jun li profeet, aʼan taataaqe—
    Jun li profeet, jun li profeet,
    Jun li profeet naxnaw li bʼe.
19. Raatinul ut xyaabʼal: Duane E. Hiatt, y. 1937. © 1989 IRI