Fas Buk blong Nifae

1 Mi, ^aNifae, from we mi bin bon long wan ^bgudfala ^dmama mo papa, taswe, tufala i bin ^etijim mi evri samting long saed blong save blong papa blong mi; mo long laef blong mi, mi bin luk plante ^fhadtaem, be, Lod i blesem mi bigwan oltaem long ol dei blong mi; yes, from mi bin kasem plante save long saed blong ol gud samting mo ol ^gsikret blong God, from hemia, mi raetem wan ^hhistri long saed blong ol samting we mi mekem long ol dei blong mi.

2 Yes, mi raetem wan histri long ^alanwis blong papa blong mi, we i folem save blong Ol Jiu mo long lanwis blong Ol Man Ijip.

3 Mo mi save se histri ia we mi raetem i ^atru; mo mi raetem histri ia wetem han blong mi; mo mi mekem folem save blong mi.

4 From i bin hapen se long stat blong ^afas yia blong rul blong ^bSedekaea, we hem i king blong Juda, (papa blong mi, Lihae, hem i bin stap long ^dJerusalem long evri dei blong laef blong hem); mo long sem yia ia, plante ^eprofet oli bin kam, oli stap profesae long ol pipol se oli mas sakem sin, sapos no, bigtaon ^fJerusalem bae i mas prapa lus gud.

5 Taswe, i bin hapen se papa blong mi, ^aLihae, taem we hem i stap wokbaot i go, hem i prea long Lod, yes, wetem evri ^bhat blong hem tu, from ol pipol blong hem.

6 Mo i bin hapen se long taem we hem i stap prea long Lod, wan ^alongfala faea we i go antap i kam mo i stap antap long wan ston long fored blong hem; mo hem i luk mo i harem plante samting; mo from ol samting ia we hem i bin luk mo harem, hem i seksek mo i seksek tumas from fraet.

7 Mo i bin hapen se, hem i gobak long haos blong hem long Jerusalem; mo hem i foldaon long bed blong hem, from bodi blong hem i nomo gat paoa from we Spirit i ^akam fulap long hem mo from ol samting we hem i bin luk.

8 Mo from Spirit i strong tumas long hem olsem ia nao, hem i gowe tru long wan ^avisen. Mo hem i luk ol ^bheven oli open, mo hem i ting se hem i luk God i sidaon long bigfala jea blong hem, wetem ol grup blong ol enjel we oli plante tumas blong kaontem, oli stap raonem God blong olgeta, mo oli stap singsing mo presem hem.

9 Mo i bin hapen se, hem i luk Wan Man i kamaot long medel blong heven. Mo hem i luk se ^alaet blong hem i bitim hemia blong san long medeldei.

10 Mo tu, hem i bin luk ^atwelef narafala we oli stap folem hem, mo saen blong olgeta i bitim ol sta long skae.

11 Mo olgeta ia oli bin kamdaon mo go olbaot long fes blong wol; mo faswan i bin kam, mo i stanap long fored blong papa blong mi, mo i givim wan ^abuk long hem, mo hem i talem long hem se hem i mas ridim.

12 Mo i bin hapen se taem we hem i stap ridim, hem i kam fulap long ^aSpirit blong Lod.

13 Mo hem i bin ridim, i talem se: “!Sore tumas, sore tumas, long Jerusalem, from mi bin luk ol ^afasin nogud blong yu!” Yes, mo papa blong mi i bin ridim plante samting long saed blong ^bJerusalem—se Jerusalem mo ol pipol we oli stap laef long hem bae Ol Man Babilon oli prapa spolem gud olgeta; plante pipol bae oli ded long naef blong faet, mo plante bae oli ^dtekem olgeta oli go prisena long Babilonia.

14 Mo i bin hapen se afta we papa blong mi i bin ridim mo bin luk plante bigfala mo gudfala samting, hem i singaot bigwan long plante samting i go long Lod, olsem: “!Ol wok blong yu oli ol bigfala mo ol gudfala wok, O Lod God, Yu we Yu gat Olgeta Paoa! !Bigfala jea blong yu i hae tumas long ol heven, mo paoa blong yu mo gudfasin blong yu, mo sore blong yu oli ova long evri man long wol; mo, from we yu gat sore, yu bae yu no save letem olgeta we i ^akam long yu blong oli ded!”

15 Mo long fasin blong toktok ia, papa blong mi i bin presem God blong hem; from sol blong hem i glad, mo ful hat blong hem i fulap from ol samting we hem i bin luk, yes, we Lod i bin soemaot long hem.

16 Mo nao mi, Nifae, mi no mekem wan ful histri blong ol samting we papa blong mi i bin raetemdaon, from hem i bin raetem plante samting we hem i bin luk long ol visen mo ol drim; mo hem i bin raetem tu plante samting we hem i bin ^aprofesae mo i bin talem long ol pikinini blong hem, be bae mi no mekem wan ful histri blong evri samting ia.

17 Be bae mi mekem wan histri blong ol samting we i bin hapen long ol dei blong mi. Luk, mi mekem ^ahistri blong papa blong mi ^bi kam sot, mo raetem long ol buk we mi bin mekem wetem han blong mi; taswe, afta we mi mekem histri blong papa blong mi i kam sot, nao bae mi mekem wan histri blong laef blong mi.

18 From hemia, mi wantem se yufala i save se afta Lod i bin soemaot plante gudfala samting long papa blong mi, Lihae, yes, long saed blong taem we Jerusalem bae i mas ^afinis, luk, hem i go aot, i go long medel blong ol pipol, mo i stat blong ^bprofesae mo talem long olgeta long saed blong ol samting we hem i bin luk mo i bin harem.

19 Mo i bin hapen se Ol Jiu oli ^ajikim hem from ol samting we hem i testifae long olgeta; from i tru we hem i testifae long saed blong ol fasin nogud mo ol rabis sin blong olgeta; mo hem i testifae se ol samting we hem i bin luk mo harem, mo tu, ol samting we hem i bin ridim insaed long buk ia, oli bin soemaot klia gud se ^bMesaea bae i kam, mo tu, we bae hem i pemaot wol.

20 Mo taem we Ol Jiu oli bin harem ol samting ia, oli bin kros long hem; yes, i semmak olsem long ol profet blong bifo we oli bin ^asakemaot, mo stonem, mo kilimded olgeta; mo oli bin traem blong tekemaot laef blong hem blong oli save karemaot laef blong hem. Be luk, mi, Nifae, bae mi soemaot long yufala se Lod i gat fulap ^bsore long olgeta evriwan we hem i jusum, from fet blong olgeta, blong mekem olgeta oli strong blong bae oli gat paoa tu we i save sevem olgeta bakegen.