1 Ket ita siak, ni Nephi, irugik ti mangted iti salaysay ^akadagitoy a pinanid dagiti ar-aramidko, ken ti panagturayko ken ti naespirituan a panagserbik; gapuna, tapno marugian ti bukodko a salaysay, nasken nga agsaoak iti kas kadagiti banag ti amak, ken kasta met kadagiti kakabsatko.

2 Ta kitaen, napasamak a kalpasan nga insardeng ti amak iti panangibagana kadagiti balikas iti ^atagainepna, ken kasta met iti amin a kinaregta a panangyallukoyna kadakuada, imbagana kadakuada ti maipanggep kadagiti Hudio—

3 A kalpasanto iti pannakadadaelda, uray pay iti dayta naindaklan a siudad ti ^aJerusalem, ken adu ti ^bnaipanaw a kas balud ti ^cBabilonia, a mayannurot iti naituding a panawen ti Apo, ^dagsublidanto manen, wen, uray pay iti pannakawayawayada iti pannakaadipenda; ket kalpasan ti pannakawayawayada iti pannakabaludda tagikuaendanto manen ti tawidda a daga.

4 Wen, uray pay iti ^ainnem-a-gasut a tawen manipud iti panawen nga ipapanaw ti amak iti Jerusalem, mangpatanorto ti Apo a Dios iti ^bpropeta manipud kadagiti Hudio—uray pay ti maysa a ^cMesias, wenno, iti sabali a pannao, ti Mangisalakan iti lubong.

5 Ket insaona met ti maipapan kadagiti propeta, no kasano ti kaadu ti bilang dagiti ^anangpaneknek kadagitoy a banag, a maipanggep iti daytoy a Mesias, a nasaona, wenno daytoy Mannubbot iti lubong.

6 Gapuna, a ti sangkataoan ket adda iti kinamanagbasol ken iti ^apannakatnag a kasasaad, ket agnanayondanto a kastoy malaksid no agtalekdanto iti daytoy a Mannubbot.

7 Ket nagsao pay isuna maipanggep iti ^apropeta nga umayto sakbay ti Mesias, tapno maisaganana ti dalan ti Apo—

8 Wen, ket mapanto isuna ken irakurakna iti langalang: ^aIsaganayo ti dalan ti Apo, ket aramidenyo a nalinteg ti danana; ta addanto ti agtakder iti maysa kadakayo a saanyo nga am-ammo; ken nabilbilegto isuna ngem siak, ta diak maikari a mangwarwar iti kurdon ti sapatosna. Ket adu ti nasao ti amak maipanggep iti daytoy a banag.

9 Ken kinuna ti amak a mangbuniagto isuna idiay ^aBethabara, nga ad-adayo ngem iti Jordan; kasta met a ^bmangbuniagto iti danum; kasta met a buniagannanto ti Mesias iti danum.

10 Ket kalpasan ti panangbuniagna iti Mesias iti danum, bigbigenna ken paneknekannanto ti panangbuniagna iti ^aKordero ti Dios, a mangikkatto kadagiti basol ti lubong.

11 Ket napasamak a kalpasan a nagsao ti amak kadagitoy a balikas imbagana kadagiti kakabsatko ti maipanggep iti ebanghelio a maikasabanto kadagiti Hudio, ken kasta met ti maipanggep iti ^ain-inut a pannakapukaw dagiti Hudio gapu iti ^bkaawan ti pammati. Ken kalpasan a ^cnapapatayda ti Mesias, nga umayto, ken kalpasan a napapatay ^dbumangonto manipud kadagiti natay, ket agpakitanto isuna, babaen ti ^eEspiritu Santo, kadagiti Gentil.

12 Wen, kasta met nga adu ti insao ti amak maipanggep kadagiti Gentil, ken kasta met ti maipanggep iti balay ni Israel, a nasken a maidiligdanto iti ^akayo ti olibo, matukkolto dagiti sangana ken ^bmaiwarasdanto iti amin a rabaw ti daga.

13 Gapuna, imbagana a nasken a maiturongtayonto a sangsangkamaysa iti ^anaikari a daga, iti pannakaipatungpal ti balikas ti Apo, ta maiwarastayonto iti amin a rabaw ti daga.

14 Ket kalpasan ti pannakaiwarasto ti balay ni Israel ^amapagtitipondanto manen a sangsangkamaysa; wenno, iti pakadagupanna, kalpasan ti panangawat dagiti ^bGentil iti pakabuklan ti ebanghelio, dagiti gagangay a sanga ti ^ckayo ti olibo, wenno dagiti natda iti balay ni Israel, nasken a maisulbongdanto, wenno maammuandanto ti pudno a Mesias, ti Apo ken Mannubbotda.

15 Ket iti kastoy a wagas ti pagsasao a nangipadto ken nagsao ti amak kadagiti kakabsatko a lallaki, ken kasta met dagiti adu pay a banag a saanko nga isurat iti daytoy a libro; ta adun kadakuada ti naisuratko a nasayaat para kaniak iti ^asabali a librok.

16 Ket amin dagitoy a banag, a nasaokon, naaramid bayat ti panagnaed ti amak iti tolda, iti tanap ti Lemuel.

17 Ket napasamak kalpasanna a siak, ni Nephi, nangngegak ti amin a ^abalikas ti amak, maipapan kadagiti banag a nakitana iti ^bparmata, ken kasta met dagiti banag nga imbagana babaen ti bileg ti Espiritu Santo, ti bileg nga inawatna iti Anak ti Dios babaen ti pammati—ket ti Anak ti Dios ti ^cMesias nga umayto—siak, ni Nephi, tinarigagayak met a makita, ken mangngeg, ken maammuan dagitoy a banag, babaen ti bileg ti ^dEspiritu Santo, a sagut ti Dios kadagiti ^esireregta a mangsukisok kenkuana, kas iti ^fnagkauna a panawen kasta met iti panawen nga agpakita isuna kadagiti sangkataoan.

18 Ta isuna ket ^aisu met laeng idi kalman, ita, ken iti agnanayon; ket naisagana ti dana iti amin a tao manipud iti pannakabukel ti lubong, no la ketdi agbabawi ken umasidegda kenkuanna.

19 Ta no siasino man a sireregta nga agsapul makabirokto; ket maiparangto kadakuada ^adagiti misterio ti Dios, babaen ti bileg ti ^bEspiritu Santo, kas kadagitoy a panawen kadagiti nagkauna a panawen, ken kas kadagiti nagkauna a panawen kadagiti masungad a panawen; gapuna, ti ^cturong ti Apo ket maysa nga awan patinggana a panagrikus.

20 Ngarud laglagipem, O tao, ta maidatagto dagiti amin nga aramidmo iti ^apangukoman.

21 Gapuna, no inkagumaam ti nagaramid iti kinadakes kadagiti aldaw a ^apannakasuotmo, maduktalankanto a ^bnarugit iti sanguanan ti pangukoman ti Dios; ket saan a mabalin a makipagnaed iti Dios ti narugit a banag; gapuna, mapapanawkayonto iti agnanayon.

22 Ket inikkannak iti turay ti Espiritu Santo a nasken nga ibagak dagitoy a banag, ket saanko ida mailibak.