ບົດທີ 10
ລີໄຮທຳນາຍວ່າຊາວຢິວຈະຖືກພາໄປເປັນຊະເລີຍຂອງຊາວບາບີໂລນ—ເພິ່ນບອກເຖິງການສະເດັດມາຂອງພຣະເມຊີອາຂອງຊາວຢິວ, ພຣະຜູ້ຊ່ວຍໃຫ້ລອດ, ພຣະຜູ້ໄຖ່—ລີໄຮບອກເຖິງການມາຂອງຄົນຜູ້ໜຶ່ງທີ່ຈະໃຫ້ບັບຕິສະມາແກ່ພຣະເມສານ້ອຍຂອງພຣະເຈົ້າ—ລີໄຮບອກເຖິງການສິ້ນພຣະຊົນ ແລະ ການຟື້ນຄືນພຣະຊົນຂອງພຣະເມຊີອາ—ເພິ່ນປຽບທຽບການກະຈັດກະຈາຍ ແລະ ການເຕົ້າໂຮມຂອງຊາວອິດສະຣາເອນກັບຕົ້ນໝາກກອກເທດ—ນີໄຟເວົ້າເຖິງພຣະບຸດຂອງພຣະເຈົ້າ, ຂອງປະທານແຫ່ງພຣະວິນຍານບໍລິສຸດ, ແລະ ຄວາມຕ້ອງການສຳລັບຄວາມຊອບທຳ. ປະມານ 600–592 ປີ ກ່ອນ ຄ.ສ.
1 ແລະ ບັດນີ້ຂ້າພະເຈົ້ານີໄຟຈະໃຫ້ເລື່ອງລາວໄວ້ໃນ ກແຜ່ນຈາລຶກເຫລົ່ານີ້ກ່ຽວກັບການປະຕິບັດສາດສະໜາກິດ ແລະ ການປົກຄອງຂອງຂ້າພະເຈົ້າ; ດັ່ງນັ້ນ, ເພື່ອຈະໃຫ້ເປັນໄປຕາມເລື່ອງລາວຂອງຂ້າພະເຈົ້າ, ຂ້າພະເຈົ້າຈຶ່ງຈະເວົ້າເຖິງເລື່ອງບິດາ, ແລະ ພວກອ້າຍຂອງຂ້າພະເຈົ້ານຳອີກ.
2 ເພາະຈົ່ງເບິ່ງ, ເຫດການໄດ້ບັງເກີດຂຶ້ນຄື ຫລັງຈາກບິດາຂອງຂ້າພະເຈົ້າໄດ້ເລົ່າເລື່ອງກ່ຽວກັບ ກຄວາມຝັນ ຂອງເພິ່ນຈົບລົງແລ້ວ, ແລະ ໄດ້ຊັກຊວນພວກເຂົາທັງໝົດໃຫ້ມີຄວາມພາກພຽນ, ແລະ ເພິ່ນກໍໄດ້ເວົ້າກ່ຽວກັບຊາວຢິວນຳອີກ—
3 ວ່າຫລັງຈາກພວກເຂົາຖືກທຳລາຍພ້ອມທັງມະຫານະຄອນ ກເຢຣູຊາເລັມແລ້ວ, ຄົນຈຳນວນຫລວງຫລາຍຈະຖືກ ຂຈັບໄປເປັນຊະເລີຍໃນ ຄບາບີໂລນຕາມເວລາອັນເໝາະສົມຂອງພຣະຜູ້ເປັນເຈົ້າ, ພວກເຂົາຈະໄດ້ ງກັບຕ່າວຄືນອີກ, ແທ້ຈິງແລ້ວ, ແມ່ນພວກເຂົາຈະຖືກນຳກັບມາຈາກການເປັນຊະເລີຍ; ແລະ ຫລັງຈາກໄດ້ຖືກນຳກັບມາຈາກການເປັນຊະເລີຍແລ້ວ ພວກເຂົາຈຶ່ງຈະໄດ້ເປັນເຈົ້າຂອງແຜ່ນດິນ ຊຶ່ງເປັນມູນມໍລະດົກຂອງພວກເຂົາ.
4 ແທ້ຈິງແລ້ວ, ແມ່ນເປັນ ກຫົກຮ້ອຍປີນັບຕັ້ງແຕ່ເວລາບິດາຂອງຂ້າພະເຈົ້າອອກຈາກເຢຣູຊາເລັມມາ, ອົງພຣະຜູ້ເປັນເຈົ້າຈະລ້ຽງຄົນຜູ້ໜຶ່ງໃຫ້ເປັນ ຂສາດສະດາໃນບັນດາຊາວຢິວ—ຄື ຄພຣະເມຊີອາ ຫລື ອີກຄຳໜຶ່ງເອີ້ນວ່າ ພຣະຜູ້ຊ່ວຍໃຫ້ລອດຂອງໂລກ.
5 ແລະ ເພິ່ນໄດ້ໃຫ້ຖ້ອຍຄຳກ່ຽວກັບສາດສະດາທັງຫລາຍນຳອີກວ່າ ມີຄົນຈຳນວນຫລວງຫລາຍທີ່ໄດ້ ກສະແດງໃຫ້ເຫັນຫລາຍເລື່ອງກ່ຽວກັບພຣະເມຊີອາອົງນີ້, ຫລື ພຣະຜູ້ໄຖ່ຂອງໂລກອົງນີ້.
6 ດັ່ງນັ້ນ, ມະນຸດຊາດທັງປວງ ຊຶ່ງຢູ່ໃນສະພາບຫາຍຍະນະຢູ່ໃນສະພາບ ກຕົກຕ່ຳ ແລະ ຈະບໍ່ພົ້ນເລີຍ ນອກຈາກພວກເຂົາຈະວາງໃຈໃນພຣະຜູ້ໄຖ່ອົງນີ້.
7 ແລະ ເພິ່ນໄດ້ເວົ້າກ່ຽວກັບ ກສາດສະດາຜູ້ໜຶ່ງອີກ ຜູ້ທີ່ຈະມາກ່ອນພຣະເມຊີອາ, ເພື່ອຕຽມທາງຂອງພຣະຜູ້ເປັນເຈົ້າ—
8 ແທ້ຈິງແລ້ວ, ແມ່ນເພິ່ນຈະອອກໄປ ແລະ ຮ້ອງປະກາດຢູ່ໃນຖິ່ນແຫ້ງແລ້ງກັນດານວ່າ: ຈົ່ງ ກຕຽມທາງຂອງພຣະຜູ້ເປັນເຈົ້າເຖີດ ແລະ ເຮັດໃຫ້ທາງຂອງພຣະອົງຊື່ຕົງ; ເພາະຈະມີຜູ້ໜຶ່ງທີ່ທ່ານບໍ່ຮູ້ຈັກ ຈະມາຢືນຢູ່ໃນບັນດາພວກທ່ານ ແລະ ເພິ່ນຜູ້ນີ້ຍິ່ງໃຫຍ່ກວ່າຂ້າພະເຈົ້າ, ຜູ້ທີ່ເຖິງແມ່ນແຕ່ສາຍເກີບຂອງເພິ່ນ ຂ້າພະເຈົ້າກໍບໍ່ສົມຄວນຈະແກ້ໃຫ້. ແລະ ບິດາຂອງຂ້າພະເຈົ້າເວົ້າຢ່າງຍືດຍາວກ່ຽວກັບເລື່ອງນີ້.
9 ແລະ ບິດາຂອງຂ້າພະເຈົ້າກ່າວອີກວ່າ ເພິ່ນຈະໃຫ້ບັບຕິສະມາໃນ ກເບັດທາບາຣາ ເລີຍຈາກແມ່ນ້ຳຈໍແດນໄປ; ແລະ ເພິ່ນຍັງກ່າວອີກວ່າ ເພິ່ນຈະໃຫ້ ຂບັບຕິສະມາດ້ວຍນ້ຳ; ແລະ ເພິ່ນຈະໃຫ້ບັບຕິສະມາພຣະເມຊີອາດ້ວຍນ້ຳຄືກັນ.
10 ແລະ ຫລັງຈາກເພິ່ນໃຫ້ບັບຕິສະມາແກ່ພຣະເມຊີອາດ້ວຍນ້ຳແລ້ວ, ເພິ່ນຈະເຫັນ ແລະ ເປັນພະຍານວ່າ, ເພິ່ນໄດ້ໃຫ້ບັບຕິສະມາແກ່ ກພຣະເມສານ້ອຍຂອງພຣະເຈົ້າ, ຜູ້ທີ່ຈະຍົກເອົາບາບຂອງໂລກໄປ.
11 ແລະ ເຫດການໄດ້ບັງເກີດຂຶ້ນຄື ຫລັງຈາກບິດາຂອງຂ້າພະເຈົ້າເວົ້າຂໍ້ຄວາມຈົບແລ້ວ, ເພິ່ນໄດ້ເວົ້າກັບພວກອ້າຍຂອງຂ້າພະເຈົ້າກ່ຽວກັບພຣະກິດຕິຄຸນ ຊຶ່ງຈະໃຊ້ສັ່ງສອນໃນບັນດາຊາວຢິວ, ແລະ ກ່ຽວກັບ ກການເສື່ອມໂຊມດ້ວຍ ຂຄວາມບໍ່ເຊື່ອຖືຂອງຊາວຢິວນຳອີກ. ແລະ ຫລັງຈາກພວກເຂົາ ຄປະຫານພຣະເມຊີອາຜູ້ທີ່ຈະສະເດັດມາ, ຫລັງຈາກທີ່ພຣະອົງຖືກປະຫານຊີວິດແລ້ວ, ພຣະອົງຈະ ງລຸກຂຶ້ນຈາກຄວາມຕາຍ ແລະ ຈະສະແດງພຣະອົງເອງໃຫ້ປະຈັກແກ່ຄົນຕ່າງຊາດ ໂດຍ ຈພຣະວິນຍານບໍລິສຸດ.
12 ແທ້ຈິງແລ້ວ, ບິດາຂອງຂ້າພະເຈົ້າໄດ້ເວົ້າຢ່າງຍືດຍາວກ່ຽວກັບຄົນຕ່າງຊາດ, ແລະ ກ່ຽວກັບເຊື້ອສາຍອິດສະຣາເອນອີກວ່າພວກເຂົາປຽບເໝືອນ ກຕົ້ນໝາກກອກເທດທີ່ກິ່ງງ່າຈະຫັກ ແລະ ຂກະຈັດກະຈາຍໄປທົ່ວຜືນແຜ່ນດິນໂລກ.
13 ດັ່ງນັ້ນ, ເພິ່ນກ່າວວ່າມັນຈຳເປັນຈະຕ້ອງເປັນໄປວ່າ ພວກເຮົາຈະຖືກນຳໄປຫາ ກແຜ່ນດິນແຫ່ງຄຳສັນຍາພ້ອມກັນ, ເພື່ອຈະເຮັດໃຫ້ພຣະຄຳຂອງພຣະຜູ້ເປັນເຈົ້າສຳເລັດ, ຄືພວກເຮົາຈະກະຈັດກະຈາຍໄປທົ່ວຜືນແຜ່ນດິນໂລກ.
14 ແລະ ຫລັງຈາກທີ່ເຊື້ອສາຍອິດສະຣາເອນກະຈັດກະຈາຍໄປ, ພວກເຂົາຈະມາ ກເຕົ້າໂຮມກັນອີກ; ຫລື, ໂດຍສະຫລຸບ, ຫລັງຈາກທີ່ ຂຄົນຕ່າງຊາດໄດ້ຮັບຄວາມສົມບູນຂອງພຣະກິດຕິຄຸນແລ້ວ, ກິ່ງງ່າເດີມຂອງ ຄຕົ້ນໝາກກອກເທດ, ຫລື ເຊື້ອສາຍອິດສະຣາເອນທີ່ເຫລືອຢູ່ນັ້ນຈະຖືກຕໍ່ເຂົ້າກັນຄືນ, ຫລື ມີຄວາມຮູ້ເຖິງພຣະເມຊີອາທີ່ແທ້ຈິງ ພຣະຜູ້ເປັນເຈົ້າຂອງພວກເຂົາ ແລະ ພຣະຜູ້ໄຖ່ຂອງພວກເຂົາ.
15 ແລະ ຕາມພາສານີ້ ບິດາຂອງຂ້າພະເຈົ້າໄດ້ທຳນາຍ ແລະ ເວົ້າຕໍ່ພວກອ້າຍຂອງຂ້າພະເຈົ້າ, ແລະ ອີກຫລາຍເລື່ອງ ຊຶ່ງຂ້າພະເຈົ້າບໍ່ໄດ້ຂຽນໄວ້ໃນໜັງສືເຫລັ້ມນີ້; ເພາະຂ້າພະເຈົ້າຂຽນຫລາຍເລື່ອງທີ່ສົມຄວນສຳລັບຂ້າພະເຈົ້າໄວ້ໃນ ກໜັງສືອີກເຫລັ້ມໜຶ່ງຂອງຂ້າພະເຈົ້າເອງ.
16 ແລະ ເລື່ອງທັງໝົດທີ່ຂ້າພະເຈົ້າເວົ້າເຖິງເປັນໄປໃນເວລາທີ່ບິດາຂອງຂ້າພະເຈົ້າອາໄສຢູ່ໃນຜ້າເຕັ້ນໃນຮ່ອມພູເລມູເອນ.
17 ແລະ ເຫດການໄດ້ບັງເກີດຂຶ້ນຄື ຫລັງຈາກຂ້າພະເຈົ້ານີໄຟໄດ້ຍິນ ກຄຳເວົ້າທັງໝົດຂອງບິດາຂອງຂ້າພະເຈົ້າກ່ຽວກັບເລື່ອງທີ່ເພິ່ນເຫັນໃນ ຂພາບນິມິດ, ແລະ ເລື່ອງທີ່ເພິ່ນໄດ້ເວົ້າໂດຍອຳນາດຂອງພຣະວິນຍານບໍລິສຸດ, ຊຶ່ງເປັນອຳນາດທີ່ເພິ່ນໄດ້ຮັບມາໂດຍມີສັດທາໃນພຣະບຸດຂອງພຣະເຈົ້າ—ແລະ ພຣະບຸດຂອງພຣະເຈົ້າຄື ຄພຣະເມຊີອາຜູ້ທີ່ຈະສະເດັດມາ—ຂ້າພະເຈົ້ານີໄຟມີຄວາມປາດຖະໜາຄືກັນວ່າຈະໄດ້ເຫັນ, ແລະ ຈະໄດ້ຍິນ, ແລະ ຈະໄດ້ຮູ້ເຖິງເລື່ອງເຫລົ່ານີ້, ໂດຍອຳນາດຂອງ ງພຣະວິນຍານບໍລິສຸດ ຊຶ່ງເປັນຂອງປະທານຂອງພຣະເຈົ້າທີ່ໃຫ້ຄົນທັງຫລາຍຜູ້ທີ່ສະແຫວງຫາພຣະອົງ ຈຢ່າງພາກພຽນ ໃນສະໄໝ ສກ່ອນຄືກັນກັບສະໄໝທີ່ພຣະອົງສະແດງພຣະອົງເອງໃຫ້ປະຈັກແກ່ລູກຫລານມະນຸດ.
18 ເພາະພຣະອົງເປັນ ກເໝືອນກັນ ເຊັ່ນມື້ວານນີ້, ມື້ນີ້, ແລະ ຕະຫລອດການ; ແລະ ທາງມີຕຽມໄວ້ສຳລັບມະນຸດທັງປວງຕັ້ງແຕ່ການວາງຮາກຖານຂອງໂລກ, ຖ້າຫາກເປັນໄປວ່າ ພວກເຂົາຈະກັບໃຈ ແລະ ມາຫາພຣະອົງ.
19 ເພາະຜູ້ທີ່ສະແຫວງຫາຢ່າງພາກພຽນຈະໄດ້ພົບ; ແລະ ກຄວາມລຶກລັບຂອງພຣະເຈົ້າຈະຖືກເປີດອອກໃຫ້ແກ່ພວກເຂົາ, ໂດຍອຳນາດຂອງ ຂພຣະວິນຍານບໍລິສຸດ, ໃນສະໄໝນີ້ກໍຄືກັນກັບສະໄໝກ່ອນ, ແລະ ສະໄໝກ່ອນກໍຄືກັນກັບສະໄໝທີ່ຈະມາເຖິງ; ດັ່ງນັ້ນ, ຄເສັ້ນທາງເດີນຂອງພຣະຜູ້ເປັນເຈົ້າຈຶ່ງເປັນຮອບໜຶ່ງທີ່ເປັນຊົ່ວນິລັນດອນ.
20 ສະນັ້ນ, ໂອ້ ມະນຸດ, ຈົ່ງຈຳໄວ້ວ່າ, ທ່ານຈະຖືກນຳມາຫາ ກການພິພາກສາເພາະການກະທຳທຸກຢ່າງຂອງທ່ານ.
21 ດັ່ງນັ້ນ, ຖ້າຫາກທ່ານພະຍາຍາມເຮັດຄວາມຊົ່ວໃນວັນເວລາແຫ່ງ ກການທົດລອງຂອງທ່ານ, ເວລານັ້ນທ່ານຈະເຫັນວ່າທ່ານເປັນຜູ້ທີ່ ຂເປິເປື້ອນຕໍ່ໜ້າບັນລັງພິພາກສາຂອງພຣະເຈົ້າ; ແລະ ສິ່ງທີ່ເປິເປື້ອນຈະບໍ່ສາມາດຢູ່ກັບພຣະເຈົ້າໄດ້; ດັ່ງນັ້ນ, ທ່ານກໍຈະຖືກປະຖິ້ມຕະຫລອດການ.
22 ແລະ ພຣະວິນຍານບໍລິສຸດໄດ້ປະທານສິດອຳນາດເພື່ອໃຫ້ຂ້າພະເຈົ້າເວົ້າເລື່ອງເຫລົ່ານີ້, ແລະ ບໍ່ປະຕິເສດເລື່ອງເຫລົ່ານີ້ອີກ.