1 From i bin hapen se afta we mi bin wantem blong save ol samting we papa blong mi i bin luk, mo biliv we Lod i save soem ol samting ia long mi, taem we mi bin sidaon mo ^astap tingting hevi long hat blong mi, Spirit blong Lod i bin ^bkarem mi i go longwe, yes, i go antap long wan bigfala ^dhil we i hae tumas we mi neva bin luk bifo, mo mi neva bin putum leg blong mi long hem.

2 Mo Spirit i bin talem long mi: “Luk, ?Wanem nao yu wantem?”

3 Mo mi bin talem: “Mi wantem blong luk ol samting we papa blong mi i bin ^aluk.”

4 Mo Spirit i bin talem long mi: “?Yu bilivim se papa blong yu i bin luk ^atri ia we hem i bin tokbaot?”

5 Mo mi bin talem: “Yes, yu save se mi ^abilivim evri toktok blong papa blong mi.”

6 Mo taem we mi bin talemaot ol toktok ia, Spirit i singaot wetem wan laod voes, i talem se: “Hosana long Lod, God we i hae olgeta; from hem i God ova long ful ^awol, yes, hem i antap long evri samting. Mo bae Lod i blesem yu, Nifae, from yu ^bbiliv long Pikinini blong God we i hae olgeta; taswe, bae yu luk ol samting ia we yu bin wantem.

7 Mo luk samting ia bae i kam long yu olsem wan ^asaen, we afta yu luk tri ia we i karem frut ia we papa blong yu i bin testem, bae yu luk tu wan man we i kamdaon aot long heven, mo bambae yu luk hem. Mo afta yu luk hem, yu mas ^btalemaot se hem ia, hem i Pikinini blong God.”

8 Mo i bin hapen se Spirit i bin talem long mi: “!Luk!” Mo mi bin lukluk mo mi luk wan tri; mo i bin olsem ^atri ia we papa blong mi i bin luk; mo naes blong tri ia i bitim mak, yes, i naes tumas bitim evri naes samting; mo ^bwaet kala blong tri ia i bitim waet kala blong sno we i jes foldaon.

9 Mo i bin hapen se afta we mi luk tri ia, mi talem long Spirit: “Mi luk se yu bin soemaot long mi tri ia we praes blong hem i bitim ^apraes blong evri samting.”

10 Mo hem i bin talem long mi: “?Wanem nao yu wantem?”

11 Mo mi bin talem long hem: “Blong save ^amining blong hem”—from mi bin toktok long hem olsem wan man i stap toktok; from mi bin luk se hem i stap long ^bpikja blong wan man. Be long taem ia, mi bin save se hem ia i Spirit blong Lod, mo hem i bin toktok long mi olsem wan man i stap toktok wetem narawan.

12 Mo i bin hapen se hem i talem long mi: “!Luk!” Mo mi bin lukluk olsem blong luk hem, mo mi no luk hem; from hem i go aot long fored blong fes blong mi.

13 Mo i bin hapen se mi bin lukluk, mo mi luk bigfala bigtaon blong Jerusalem, mo tu, sam narafala bigtaon. Mo mi luk bigtaon blong ^aNasaret; mo long bigtaon blong Nasaret, mi luk wan ^bwoman we i neva go wetem man yet, mo hem i naes tumas mo i waet.

14 Mo i bin hapen se mi luk ol ^aheven oli open; mo wan enjel i kamdaon mo i stanap long fored blong mi; mo hem i talem long mi: “Nifae, ?wanem nao yu bin luk?”

15 Mo mi talem long hem: “Wan woman we i neva go wetem man yet, we i naes mo gud bitim ol narafala woman we oli neva go wetem man yet.”

16 Mo hem i talem long mi: “?Yu save ol samting long saed blong wok we God i kamdaon blong mekem wetem man?”

17 Mo mi talem long hem: “Mi save se hem i lavem ol pikinini blong hem; be, mi no save mining blong evri samting.”

18 Mo hem i talem long mi: “Luk, ^awoman we i neva go wetem man yet we yu stap luk, i ^bmama blong Pikinini blong God, folem fasin blong bodi blong mit mo bun.”

19 Mo i bin hapen se mi luk se Spirit i bin karem hem i go longwe; mo afta we ^aSpirit i bin karem hem i go longwe blong spes blong wan taem, enjel i toktok long mi, se: “!Luk!”

20 Mo mi luk, mo mi lukluk woman ia we i neva go wetem man yet bakegen, hem i stap holem wan ^apikinini long ol han blong hem.

21 Mo enjel i talem long mi: “!Luk ^aSmol Sipsip blong God, yes, hem i ^bPikinini blong ^dPapa we I No Save Finis! ?Yu save mining blong ^etri we papa blong yu i bin luk?”

22 Mo mi ansa long hem, mi talem se: “Yes, hem i ^alav blong God, we i seraotem hemwan i go long evri ples long hat blong ol pikinini blong ol man; taswe, hem i samting we evri man i wantem moa i bitim evri narafala samting.”

23 Mo hem i toktok long mi, i talem se: “Yes, mo hem i wan ^aglad we i bigwan olgeta long sol.”

24 Mo afta we hem i talem ol toktok ia, hem i talem long mi se: “!Luk!” Mo mi bin lukluk, mo mi bin luk Pikinini blong God, i stap ^ago fored long medel blong ol pikinini blong ol man; mo mi luk plante oli foldaon long tufala leg blong hem mo wosipim hem.

25 Mo i bin hapen se mi luk se ^aaean rel, we papa blong mi i bin luk, i toktok blong God, we i go stret long springwota blong ol ^bwota we oli laef, o long ^dtri blong laef; we ol wota blong hem i wan eksampol blong lav blong God; mo tu, mi luk se tri blong laef i ripresentem lav blong God.

26 Mo enjel i talem long mi bakegen: “!Luk mo luk gud ol ^awok we God i kam daon blong mekem long ol pikinini blong ol man!”

27 Mo mi lukluk mo mi ^aluk Ridima blong wol, we papa blong mi i tokbaot; mo tu, mi luk ^bprofet we bae i mekem rere rod fastaem long hem. Mo Smol Sipsip blong God i go fored mo i kasem baptaes tru long hem; mo afta we hem i ^dkasem baptaes, mi luk ol heven oli open, mo Tabu Spirit i kamdaon aot long heven mo i stap antap long hem, i tekem sep blong wan ^edav.

28 Mo mi luk se hem i bin go aot i givhan long ol pipol, wetem ^apaoa mo bigfala glori; mo ol grup blong ol pipol oli bin kam tugeta blong harem hem; mo mi luk se oli sakem hem aot long medel blong olgeta.

29 Mo tu, mi luk ^atwelef narafala man we oli stap folem hem. Mo i bin hapen se Spirit i karem olgeta i go longwe aot long fored blong fes blong mi, mo mi no luk olgeta.

30 Mo i bin hapen se enjel i toktok long mi bakegen, i talem se: “!Luk!” Mo mi bin lukluk, mo mi bin luk ol heven oli open bakegen, mo mi luk ol ^aenjel oli stap kamdaon long ol pikinini blong ol man; mo oli givhan long olgeta.

31 Mo hem i toktok long mi bakegen, i talem se: “!Luk!” Mo mi bin lukluk, mo mi bin luk Smol Sipsip blong God i stap go fored long medel blong ol pikinini blong ol man. Mo mi luk ol grup blong ol pipol we oli sik, mo we oli gat hadtaem wetem evri kaen sik, mo wetem ol ^adevel mo ol ^bspirit we oli no klin; mo enjel i toktok mo i soem evri samting ia long mi. Mo oli ^dkam oraet tru long paoa blong Smol Sipsip blong God; mo ol devel mo ol spirit we oli no klin, hem i sakemaot olgeta.

32 Mo i bin hapen se enjel i toktok long mi bakegen, i talem se: “!Luk!” Mo mi bin lukluk mo mi bin luk Smol Sipsip blong God, we ol pipol oli tekem hem; yes, Pikinini blong God we i no gat en i kasem ^ajajmen blong wol; mo mi luk mo mi talemaot.

33 Mo mi, Nifae, mi luk se oli leftemap hem long ^akros mo oli ^bkilim hem i ded from ol sin blong wol.

34 Mo afta we oli kilim hem i ded, mi luk ol grup blong pipol blong wol, we oli kam tugeta blong faet agensem ol aposol blong Smol Sipsip; from olsem ia nao enjel blong Lod i singaotem olgeta twelef.

35 Mo grup blong pipol blong wol i kam tugeta; mo mi luk we oli stap long wan bigfala ^ahaos we i gat fulap spes, olsem haos ia we papa blong mi i luk. Mo enjel blong Lod i toktok long mi, i talem se: “Luk wol mo waes tingting blong hem, yes, luk laen blong Isrel i kam tugeta blong faet agensem olgeta twelef aposol blong Smol Sipsip.”

36 Mo i bin hapen se mi luk mo talemaot, se bigfala haos we i gat fulap spes ia, i ^ahae tingting blong wol; mo haos ia i foldaon, mo foldaon blong haos ia i bigwan tumas. Mo enjel blong Lod i toktok long mi bakegen, i talem se: “Olsem ia nao Lod bae i prapa spolem gud evri kantri, famli, lanwis, mo pipol, we bae oli faet agensem olgeta twelef aposol blong Smol Sipsip.”