1 Ket napasamak a kinasaonak ti anghel, a kinunana: Kitaen! Ket kimmitaak ken nakitak dagiti adu a pagilian ken pagarian.

2 Ket kinuna ti anghel kaniak: Ania ti nakitam? Ket kinunak: Nakitak ti adu a pagilian ken pagarian.

3 Ket kinunana kaniak: Dagitoy ti pagilian ken pagarian dagiti Gentil.

4 Ket napasamak a nakitak kadagiti pagilian ^adagiti Gentil ti pannakabukel ti ^bnabileg a simbaan.

5 Ket kinuna ti anghel kaniak: Kitaen ti pannakabukel ti simbaan a kakaruan a makarimon ngem iti amin a sabsabali a simbaan, a ^anangpapatay kadagiti santo ti Dios, wen, ken nangparparigat kadakuada ken nangpungo kadakuada, ken insangolda ida iti ^bsangol a landok, ken iturongna ida iti pannakaadipen.

6 Ket napasamak a nakitak daytoy ^anabileg ken makarimon a simbaan; ket nakitak a ti ^bsairo ti nangbangon kadaytoy.

7 Ken nakakitaak met iti ^abalitok, ken pirak, ken dagiti seda, ken dagiti nalabaga a lupot, ken napulido ti pannakaabelna a lino, ken amin a kita ti napapateg a lupot; ken nakitak ti adu a balangkantis.

8 Ket nagsao ti anghel kaniak, a kinunana: Immatangam ti balitok, ken ti pirak, ken dagiti seda, ken dagiti nalabaga a lupot, ken ti napulido ti pannakaabelna a lino, ken ti napateg a lupot, ken dagiti balangkantis, ti ^atarigagay daytoy nabileg ken makarimon a simbaan.

9 Ken kasta met a ^adinadaelda dagiti santo ti Dios gapu iti dayaw iti lubong, ken nangitunda iti pannakaadipenda.

10 Ket napasamak a kimmitaak ken nakitak ti adu a danum; ket namagsina kadagiti Gentil manipud iti kaputotan dagiti kakabsatko.

11 Ket napasamak a kinuna ti anghel kaniak: Kitaen ti pungtot ti Dios a naiturong iti kaputotan dagitti kakabsatmo.

12 Ket kimmitaak ket nakitak ti maysa a lalaki kadagiti Gentil, a naisina manipud iti kaputotan dagiti kakabsatko babaen iti adu a danum; ket naimatangak ti ^aEspiritu ti Dios, a bimmaba ken namagtignay iti lalaki; ket nagdaliasat isuna iti adu a danum, aginggana a nakadanun kadagiti kaputotan dagiti kakabsatko, nga adda iti naikari a daga.

13 Ket napasamak a naimatangak ti Espiritu ti Dios, a timmulong kadagiti sabsabali a Gentil; ket nakaruk-at da iti pannakaadipen, kadagiti adu a danum.

14 Ket napasamak a nakitak ti adu nga ^aummong dagiti Gentil iti ^bnaikari a daga; ket nakitak ti pungtot ti Dios, iti kaputotan dagiti kakabsatko; ket ^cnaiwaraswarasda kadagiti Gentil ken nadusada.

15 Ket nakitak ti Espiritu ti Apo, nga adda kadagiti Gentil, ket rimmang-ayda ken nagun-odda ti ^adaga a tawidda; ket nakitak a napudawda, ken kasta unay ti linis ken ^bpintasda, a kas kadagiti tattaok sakbay ti ^cpannakapapatayda.

16 Ket napasamak a siak, ni Nephi, nakitak a nagpakumbaba iti Apo dagiti Gentil a nakaruk-at iti pannakaadipen; ket ti bileg ti Apo addaan ^akadakuada.

17 Ket nakitak a naguummong dagiti nagtaundanda a Gentil kadagiti danum, ken iti pay daga, tapno makigubat kadakuada.

18 Ket nakitak nga adda kadakuada ti bileg ti Dios, ken kasta met nga addaan ti pungtot ti Dios kadagiti nagkaykaysa a makigubat kontra kadakuada.

19 Ket siak, ni Nephi, nakitak nga ^ainsalakan ti bileg ti Dios dagiti Gentil a nakaruk-at iti pannakaadipen kadagiti ima ti amin a sabsabali a pagilian.

20 Ket napasamak a siak, ni Nephi, nakitak a rimmang-ayda iti daga; ket nakitak ti ^alibro, nga iggem ti sumagmamano kadakuada.

21 Ket kinuna ti anghel kaniak: Ammom kadi ti kaipapanan ti libro?

22 Ket kinunak kenkuana: Diak ammo.

23 Ket kinunana: Kitaen nagtaud daytoy iti ngiwat ti maysa a Hudio. Ket siak, ni Nephi, nakitak daytoy; ket kinunana kaniak: Ti ^alibro a makitkitam isu ti ^bkasuratan dagiti ^cHudio, a naglaon iti katulagan ti Apo, nga inaramidna iti balay ti Israel; ken naglaon pay iti adu a padto dagiti nasantuan a propeta; ken kasuratan daytoy a kas kadagiti naikitikit kadagiti ^dpinanid a gambang, nupay saan unay nga adu; ngem nupay kasta, naglaonda iti katulagan ti Apo, nga inaramidna iti balay ti Israel; gapuna, dakkel ti pategna kadagiti Gentil.

24 Ket kinuna ti anghel ti Apo kaniak: Naammuamon a nagtaud ti libro iti ngiwat ti maysa a Hudio; ket no nagtaud iti ngiwat ti maysa a Hudio linaonna ti pakabuklan ti ebanghelio ti Apo, a pinaneknekan dagiti sangapulo ket dua nga apostol; pinaneknekkanda a mayannurot iti kinapudno nga adda iti Kordero ti Dios.

25 Gapuna, maitedto dagitoy a banag a nadarisay manipud kadagiti ^aHudio para kadagiti ^bGentil, kas mayannurot iti kinapudno nga adda iti Dios.

26 Ket kalpasan ti pannakaited babaen dagiti sangapulo ket dua nga apostol ti Kordero, manipud kadagiti Hudio ^amapan kadagiti Gentil, makitam ti pannakabukel ti ^bnabileg ken makarimon a ^csimbaan, a kakaruan a makarimon iti amin a sabsabali a simbaan; ta kitaen, adu ti ^dinikkatda a ^enalawag ken napateg a paset ti ebanghelio ti Kordero; ken adu pay ti inikkatda iti katulagan ti Apo.

27 Ket inaramidda amin dagitoy tapno padaksen iti umno a wagas ti Apo, tapno bulsekenda dagiti mata ken patangkenenda ti puspuso dagiti annak ti tattao.

28 Ket ita, makitam a kalpasan a nakadanon daytoy a libro babaen ti nabileg ken makarimon a simbaan, nga adu ti nalawag ken napateg a bambanag a naikkat iti libro, nga isu ti libro ti Kordero ti Dios.

29 Ket kalpasan a naikkat dagitoy a nalawag ken napateg a banag naipasa dagitoy kadagiti amin a pagilian dagiti Gentil; ket kalpasan ti pannakaipasana kadagiti amin a pagilian dagiti Gentil, wen, uray pay iti ballasiw ti adu a danum a nakakitaam kadagiti Gentil a nakaruk-at iti pannakaadipenda, nakitam—a gapu kadagiti adu a nalawag ken napateg a bambanag a naikkat iti libro, a nalawag a maawatan dagiti sangkataoan, a mayannurot iti kinalawag nga adda iti Kordero ti Dios—gapu kadagitoy a banag a naikkat iti ebanghelio ti Kordero, kasta unay ti kaadu ti naitublak, wen, addaan iti nakaro a bileg ni Satanas a mangrimbaw kadakuada.

30 Nupay kasta, makitam a dagiti Gentil a nakaruk-at iti pannakaadipen, ken naitan-ok babaen iti bileg ti Dios kadagiti amin a dadduma a pagilian, iti rabaw ti daga a napili kadagiti amin a dadduma a daga, nga isu ti daga nga intulag ti Apo Dios iti amam a tagikuaento dagiti kaputotanna a ^adaga a tawidda; gapuna, makitayo a saan nga ipalubos ti Apo a Dios a mamimpinsan a dadaelen dagiti Gentil ti ^bpanaglaok dagiti kaputotam, nga adda kadagiti kakabsatmo.

31 Ken saannanto nga ipalubos a ^adadaelen dagiti Gentil ti kaputotan dagiti kakabsatmo.

32 Ken saanto nga ipalubos ti Apo a Dios nga agnanayon nga agtalinaed dagiti Gentil iti nakaam-amak a kasasaad ti kinabulsek, a makitam a kasasaadda, gapu ti nalawag ken dagiti kapatgan a paset ti ebanghelio ti Kordero nga inlemmeng dayta ^amakarimon a simbaan, a nakitayo ti pannakabukelna.

33 Gapuna, kinuna ti Kordero ti Dios: Kaasiakto dagiti Gentil, iti isasarungkar dagiti natda iti balay ti Israel iti naindaklan a panangukom.

34 Ket napasamak a nagsao kaniak ti anghel ti Apo, a kinunana: Kitaen, kinuna ti Kordero ti Dios, kalpasan ti isasarungkarko kadagiti ^anatda iti balay ti Israel—ket kaputotan ti amam daytoy kunak a natda—gapuna, kalpasan ti isasarungkarko kadakuada iti panangukom, ken ti panangparigat kadakuada babaen iti ima dagiti Gentil, ken ti kasta unay a ^bpannakaitublak dagiti Gentil, gapu iti adu a nalawag ken napateg a paset ti ^cebanghelio ti Kordero nga inlemmeng dayta makarimon a simbaan, nga ina dagiti balangkantis, kinuna ti Kordero—kaasiakto dagiti Gentil iti dayta nga aldaw, isu nga ^dipakaammokto kadakuada, iti bukodko a bileg, ti kaaduanna iti ebangheliok, a nalawag ken napategto, kinuna ti Kordero.

35 Ta, kitaen, kinuna ti Kordero: Agpakitaakto kadagiti kaputotam, ta isuratdanto ti adu a banag nga isurokto kadakuada, a nalawag ken napateg; ket kalpasan ti pannakadadael dagiti kaputotam ken mapukawanda iti pammati, kasta met ti kaputotan dagiti kakabsatmo, kitaen, mailemmengto ^adagitoy a banag, a dumtengto kadagiti Gentil, babaen ti sagut ken bileg ti Kordero.

36 Ket kadakuada maisuratto ti ^aebangheliok, kinuna ti Kordero, ken ti ^bpundasionko ken pakaisalakanak.

37 Ket ^anagasat dagiti agregget a mangbangon iti ^bZionko iti dayta nga aldaw, ta maitedto kadakuada ti ^csagut ken bileg ti Espiritu Santo; ket ^dmaitag-aydanto iti maudi nga aldaw no makaibturda agingga iti panungpalan, ket maisalakandanto iti awan inggana a ^epagarian ti Kordero; ket asino man a ^fmangiwaragawag iti kappia, wen, damdamag iti naindaklan a rag-o, anian a nagpintasdanto kadagiti bantay.

38 Ket napasamak a naimatangak dagiti natda iti kaputotan dagiti kakabsatko, kasta met ti ^alibro ti Kordero ti Dios, a nagtaud manipud iti ngiwat ti Hudio, a nagtaud manipud kadagiti Gentil ^bpara kadagiti natda iti kaputotan dagiti kakabsatko.

39 Ket kalpasan ti pannakaiyeg daytoy kadakuada naimatangak dagiti sabali a ^alibro, a naiyeg babaen ti bileg ti Kordero, manipud kadagiti Gentil para kadakuada, para iti ^bpanangallukoy dagiti Gentil ken dagiti natda iti kaputotan dagiti kakabsatko, ken kasta met dagiti Hudio a naiwaraswaras iti amin a rabaw ti daga, a dagiti kasuratan ti propeta ken dagiti sangapulo ket dua nga apostol ket ^cpudno.

40 Ket nagsao ti anghel kaniak, a kinunana: Dagitoy maudi a ^akasuratan, a nakitam kadagiti Gentil, ti ^bmangpatalgedto iti kinapudno ti ^cimmuna, nga adda kadagiti sangapulo ket dua nga apostol ti Kordero, ket ipakaammodanto dagiti nadalus ken napateg a banag a naikkat kadagitoy; ken maipakaammonto kadagiti amin a puli, pagsasao, ken tattao, a ti Kordero ti Dios ti Anak ti Agnanayon nga Ama, ken ti ^dMangisalakan iti lubong; a nasken nga umasideg amin kenkuana dagiti tattao, wenno saandanto a maisalakan.

41 Ket nasken nga umay dagitoy kas mayannatup kadagiti balikas a mapatalgedto babaen iti ngiwat ti Kordero; ket maammuanto kadagiti kasuratan dagiti kaputotam dagiti balikas ti Kordero, kasta met kadagiti kasuratan dagiti sangapulo ket dua nga apostol ti Kordero; gapuna a daytoy a dua ti mapatalgedto kas ^amaymaysa; gapu ta adda ^bmaymaysa a Dios ken maymaysa a ^cPastor iti intero a daga.

42 Ket dumtengto ti panawen nga agpakitanto isuna kadagiti amin a pagilian, nga agpadpada ^akadagiti Hudio ken kasta met kadagiti Gentil; ket kalpasan ti panagpakitana kadagiti Hudio ken kasta met kadagiti Gentil, kalpasanna agpakitanto met kadagiti Gentil ken kasta met kadagiti Hudio, ket ti ^bmaudi umunanto, ken ti ^cumuna maudinto.