1 Ket napasamak a kalpasan a siak, ni Nephi, inturayannak ti espiritu, ket nakitak amin dagitoy a banag, nagsubliak iti tolda ti amak.

2 Ket napasamak a naimatangak dagiti kakabsatko, ket nagsisinnupiatanda ti maipanggep kadagiti bambanag nga imbaga ti amak kadakuada.

3 Ta agpayso nga adu a napateg a bambanag ti imbagana kadakuada, a narigat a ^amaawatan, malaksid no agsaludsod ti tao iti Apo; ket gapu ta natangken ti panagpuspusoda, ngarud saanda a nagtalek iti Apo a kas rebbengenda.

4 Ket ita siak, ni Nephi, nagladingitak gapu iti kinatangken ti pusoda, ken kasta met, a gapu kadagiti banag a nakitak, ken naammuak a nasken dagitoy a saan a maliklikan a mapasamak gapu iti kinadakes unay dagiti annak ti tattao.

5 Ket napasamak a naparmekak gapu iti panagrigrigat, gapu ta imbilangko dagiti bukodko a ^apanagrigrigat iti amin, gapu iti ^bpannakadadael dagiti tattaok, ta naimatangak ti pannakadadaelda.

6 Ket napasamak a kalpasan ti pannakaisubli ti ^apigsak kinasaok dagiti kakabsatko, tinarigagayak a maammuan kadakuada ti rason iti panagsisinnuppiatda.

7 Ket kinunada: Kitaen, saanmi a maawatan dagiti balikas nga imbaga ti amatayo maipanggep kadagiti gagangay a sanga ti kayo ti olibo, ken ti maipanggep kadagiti Gentil.

8 Ket kinunak kadakuada: ^aNagsaludsodkayo kadin iti Apo?

9 Ket kinunada kaniak: Saan pay; ta awan ti kasta nga impakpakaammo kadakami ti Apo.

10 Kitaen, kinunak kadakuada: Apay kadi a saankayo nga agtungpal kadagiti bilin ti Apo? Kasano a mapukawkayonto, gapu iti ^akinatangken ti panagpuspusoyo?

11 Saanyo kadi a malagip dagiti bambanag nga imbaga ti Apo?—No saanyo a patangkenen dagiti puspusoyo, ken ^aagkiddawkayo kaniak a sipapammati, a mamatikayo a maawatyonto, nga addaan iti kinaregta a mangtungpal kadagiti bilinko, sigurado maipakaammonto dagitoy a banag kadakayo.

12 Kitaen, ibagak kadakayo, a naiyarig ti balay ti Israel iti kayo ti olibo, babaen ti Espiritu ti Apo nga adda iti amatayo; ken kitaen saantayo kadi a naisina iti balay ti Israel, ken saan kadi a ^asanganatayo ti balay ti Israel?

13 Ket ita, ti banag a kayat a sawen ti amatayo maipanggep iti pannakaisulbong dagiti gagangay a sanga babaen ti pakabuklan dagiti Gentil, isu, nga kadagitinto ud-udina nga aldaw, inton ^amapukawen ti pammati dagiti kaputotantayo, wen, iti uneg ti adu a tawen, ken adu a kaputotan kalpasan ti panangipakitanto ti ^bMesias iti bagina kadagiti annak ti tattao, isunton ti pannakaited kadagiti Gentil ti pakabuklan ti ^cebanghelio ti Mesias kadagiti Gentil, ket manipud kadagiti ^dGentil maiyallatiwto kadagiti natda iti kaputotantayo—

14 Ket iti dayta nga aldaw maammuandanto dagiti natda ti ^akaputotantayo a kamengda iti balay ti Israel, ken isuda dagiti ^bnatulagan a tao ti Apo; ket maammuanda ken dumtengto ti ^cpannakaammoda dagiti kapupuonanda, ken kasta met iti pannakaammoda iti ebanghelio ti Mannubbotda, nga impaayna kadagiti ammada; gapuna, dumtengto ti pannakaammoda iti Mannubbotda ken ti tunggal paset ti doktrinana, tapno ammoda no kasano ti yaasidegda kenkuana ket maisalakanda.

15 Ket kalpasanna, iti dayta nga aldaw didanto kadi agrag-o ken agdaydayaw iti agnanayon a Diosda, ti ^apundasion ken pakaisalakananda? Wen, iti dayta nga aldaw, didanto kadi umawat iti pigsa ken pannaraon manipud iti pudno a ^blanut? Wen, saandanto kadi sumurot iti pudno a pagaponan ti Dios?

16 Kitaen, kunak kadakayo, Wen; maipalagipdanto manen kadagiti kameng iti balay ti Israel; ^amaisulbongto ida, a kas maysa a gagangay a sanga ti kayo ti olibo, iti pudno a kayo ti olibo.

17 Ket daytoy ti kayat a sawen ti amatayo; ket kayatna a sawen a saanto a mapasamak daytoy agingga iti kalpasan ti panangwarawara kadakuada dagiti Gentil; ken kayatna a sawen a mapasamakto babaen iti wagas dagiti Gentil, tapno maipakitanto ti Apo ti bilegna kadagiti Gentil, nga isu ti agpayso a gapuna a ^asupringento isuna dagiti Hudio, wenno iti balay ti Israel.

18 Gapuna, saan laeng a ti amatayo ti nagsarita maipapan iti kaputotantayo, ngem kasta met iti amin nga adda iti balay ti Israel, ta itudtudona ti katulagan a matungpalto iti ud-udina nga al-aldaw; ti katulagan nga inaramid ti Apo iti amatayo a ni Abraham, a kinunana: Babaen iti ^akaputotam mabendisionanto dagiti amin nga puli iti daga.

19 Ket napasamak a siak, ni Nephi, adu ti imbagak kadakuada maipanggep kadagitoy a banag; wen, imbagak kadakuada ti maipanggep iti ^apannakaisubli dagiti Hudio kadagiti ud-udina nga al-aldaw.

20 Ket insalaysayko manen kadakuada dagiti balikas ni ^aIsaias, a nagsao maipanggep ti pannakaisubli dagiti Hudio, wenno iti balay ti Israel; ket kalpasan ti pannakaisublida saandanton a mailaok kadagiti sabali a tattao, wenno mawarawara manen. Ket napasamak nga adu ti imbagak kadagiti kakabsatko, isu a nagtalnada ken ^bnagpakumbabada iti Apo.

21 Ket napasamak a nagsaoda manen kaniak, a kinunada: Ania ti kaipapanan daytoy a banag a nakita ti amatayo iti tagtagainep? Ania ti kaipapanan ti ^akayo a nakitana?

22 Ket kinunak kadakuada: Isu ti mangibagi iti ^akayo ti biag.

23 Ket kinunada kaniak: Ania ti kaipapanan ti ^apagkaptan a landok a nakita ti amatayo, nga agturong iti kayo?

24 Ket kinunak kadakuada nga isu daytoy ti ^abalikas ti Dios; ket asino man nga agdengngeg iti balikas ti Dios, ken ^bkumpet a naimbag iti daytoy, saandanto a mapukaw; kasta met a saandanto a maparmek kadagiti ^csulisog ken dumardarang a ^dpana ti ^ekabusor a pakabulsekanda a mangiturong kadakuada iti pannakadadael.

25 Gapuna, siak, ni Nephi, ginutigotko ida nga ^aimdenganda ti balikas ti Apo; wen, ginutigotko ida iti amin a kabaelan ti kararuak, ken amin a paglaingan nga adda kaniak, tapno imdenganda ti balikas ti Dios ken kanayon a lagipenda a tungpalen dagiti bilinna iti amin a bambanag.

26 Ket kinunada kaniak: Ania ti kaipapanan ti ^akarayan ti danum a nakita ti amatayo?

27 Ket kinunak kadakuada a ti ^adanum a naimatangan ti amak isu ti ^bkinarugit; ket kasta unay ti pakaseknan ti panangpanpanunotna kadagiti dadduma a banag ta saanna a nakita ti kinarugit ti danum.

28 Ket kinunak kadakuada a daytoy ket maysa a nakaam-amak a ^adan-aw, a namagsina kadagiti dakes manipud iti kayo ti biag, ken manipud pay kadagiti santo ti Dios.

29 Ket kinunak kadakuada a daytoy ti mangibagi iti nakaam-amak nga ^aimpierno, nga imbaga kaniak ti anghel a naisagana para kadagiti nadangkes.

30 Ket kinunak kadakuada a nakita met ti amami a pinaglasin ti ^alinteg ti Dios dagiti dakes kadagiti nalinteg; ken ti raniagna kaarni ti raniag ti gumiligil-ayab nga apuy, a nagpangato iti Dios iti agnanayon, ken awan ti patinggana.

31 Ket kinunada kaniak: Kayat kadi a sawen daytoy ti panagtuok ti bagi kadagiti aldaw ti ^apannakasubok, wenno kayatna kadi a sawen a daytoy ti maudi a kasasaad ti kararua kalpasan ti ^bipapatay ti temporal a bagi, wenno imbagana kadi dagiti banag a temporal?

32 Ket napasamak a kinunak kadakuada nga ibagian daytoy dagiti banag a naindagaan ken naespirituan; ta dumtengto ti aldaw a maukomdanto kadagiti ^aaramidda, wen, uray pay dagiti aramid nga inaramid ti temporal a bagi kadagiti aldaw a pannakasubokda.

33 Gapuna, no nasken a ^amatayda iti kinadakesda, nasken a ^bmapapanawda met, a kas mainaig kadagiti banag a naespirituan, a maipapan iti kinalinteg; gapuna, nasken a maisaklangda iti sango ti Dios, tapno ^cmaukomda kadagiti ^daramidda; ket no rinurugit ti aramidda nasken nga agtalinaedda a ^enarugit; ket no narugitda nasken a dida ^fagnaed iti pagarian ti Dios; ta no kasta, narugit met ngarud ti pagarian ti Dios.

34 Ngem kitaen, kunak kadakayo, ti pagarian ti Dios ket saan a ^anarugit, ket awan ti narugit a banag a makastrek iti pagarian ti Dios; gapuna a nasken nga adda lugar ti kinarugit a naisagana para iti dayta a narugit.

35 Ket adda naisagana a lugar, wen, a kas iti dayta nakaam-amak nga ^aimpierno a nasaokon, ket ^bsairo ti nangisagana daytoy; gapuna a ti maudi a kasasaad dagiti karurua ti tattao isu iti panagnaed iti pagarian ti Dios, wenno ti mapapanaw gapu kadaytoy a ^chustisia a nasaokon.

36 Gapuna, nailaksid dagiti dakes manipud kadagiti nalinteg, ken kasta met manipud iti dayta a ^akayo ti biag, a bungana ti kapatgan ken kangrunaan a ^bmakaay-ayo iti amin a sabsabali a bunga; wen, ket daytoy ti ^ckaindaklanan iti amin a ^dsagut ti Dios. Ket dayta ti imbagak kadagiti kakabsatko. Amen.