1 Ma sa oo ina ua mavae ona segia ese atu o a’u, o Nifae, i le Agaga, ma ou vaai i nei mea uma, sa ou toe foi mai i le faleie o lo’u tamā.

2 Ma sa oo ina ou vaai atu i o’u uso, ma sa latou fefinaua’i o le tasi ma le isi, e uiga i mea sa tautala atu ai lo’u tamā ia te i latou.

3 Ona e moni e tele mea sili sa tautala atu ai o ia ia te i latou, ia sa faigata ona ^amalamalama i ai, vagana ai ua ole atu le tagata i le Alii; ma ona o lo latou maaa i o latou loto, o lea na latou lē vaai atu ai i le Alii e pei ona sa tatau ai ia te i latou.

4 Ma o lenei o a’u, o Nifae, sa ou faanoanoa ona o le maaa o o latou loto, o lenei foi, ona o mea sa ou vaaia, ma lo’u iloa o le a lē maalofia lo latou faataunuuina ona o le amioleaga tele o le fanauga a tagata.

5 Ma sa oo ina lofituina a’u ona o o’u puapuaga, ona sa ou manatu ua sili atu ona matuia o’u ^apuapuaga i mea uma, talu ai le ^efaafanoga o o’u tagata, ona sa ou vaai i lo latou pa’ū.

6 Ma sa oo ina ua mavae ona ou maua o le ^amalosi sa ou fai atu i o’u uso, ou te fia iloa mai ia te i latou le pogai o a latou finauga.

7 Ma sa latou fai mai: Faauta, ua lē mafai ona matou malamalama i upu na fai mai ai lo tatou tamā e faatatau i lala moni o le laau olive, ma e uiga foi i Nuuese.

8 Ma sa ou fai atu ia te i latou: Ua outou ^aole atu ea i le Alii?

9 Ma sa latou fai mai ia te a’u: Matou te lei ole atu; ona e lē faailoa maia e le Alii ia te i matou se mea faapena.

10 Faauta, sa ou fai atu ia te i latou: E faapefea ona outou lē tausia o poloaiga a le Alii? E faapefea ona outou fano, ona o le ^amaaa o o outou loto?

11 Tou te lē manatua ea mea na fetalai mai ai le Alii?—Afai tou te lē faamaaa o outou loto, ma ^aole mai ia te a’u i le faatuatua, ma le talitonu o le a outou maua, faatasi ma le filiga i le tausiga o a’u poloaiga, e moni o le a faailoa mai nei mea ia te outou.

12 Faauta, ou te fai atu ia te outou, sa faatusaina le aiga o Isaraelu i se laau olive, e le Agaga o le Alii lea sa i lo tatou tamā; ma faauta pe lei fa’iesea ea i tatou mai le aiga o Isaraelu, ma pe lē o i tatou ea o se ^alala o le aiga o Isaraelu?

13 Ma o lenei, o le uiga o le mea na fai mai ai lo tatou tamā e faatatau i le suluina o lala moni e ala i le atoatoaga o Nuuese, e faapea, i aso e gata ai, pe a mavae ona ^afaaitiitia a tatou fanau i le lē talitonu, ioe, mo ni tausaga e tele, ma tupulaga e tele pe a mavae ona faaali mai o le ^eMesia i la le tino i le fanauga a tagata, ona oo atu ai lea o le atoatoaga o le ⁱtalalelei a le Mesia i Nuuese, ma mai ^oNuuese i le vaega o totoe o a tatou fanau—

14 Ma i lena aso o le a iloa ai e le vaega o totoe o a tatou ^afanau, o i latou o lo le aiga o Isaraelu, ma o i latou o le nuu o le ^efeagaiga a le Alii; ma ona latou iloa ai lea ma o mai i le ⁱmalamalama e uiga i tua’ā o o latou tua’ā, ma i le malamalama foi o le talalelei a lo latou Togiola, lea sa ofoina atu e ia i o latou tamā; o le mea lea, o le a latou malamalama ai i lo latou Togiola ma aoaoga tonu lava o Lana mataupu faavae, ina ia mafai ona latou iloa le ala e o mai ai ia te ia ma faaolaina.

15 Ma ona oo lea, i lena lava aso, pe o le a latou lē olioli ea ma avatu le viiga i lo latou Atua tumau e faavavau, o lo latou ^apapa ma lo latou olataga? Ioe, i lena aso, pe o le a latou lē maua ea le malosi ma le tausiga mai le ^evine moni? Ioe, pe o le a latou lē o mai ea i le lotoa moni a le Atua?

16 Faauta, ou te fai atu ia te outou, Ioe; o le a toe manatua i latou i totonu o le aiga o Isaraelu; o le a ^asulu i latou i totonu, ona o se lala moni o le laau olive, i totonu o le laau olive moni.

17 Ma o le uiga lenei o le tala a lo tatou tamā; ma o le uiga o lana tala o le a lē oo mai seia mavae ona faataapeapeina o i latou e Nuuese; ma o le uiga o lana tala o le a oo mai e ala mai i Nuuese, ina ia mafai ona faaalia e le Alii lona mana i Nuuese, o le pogai tonu ona o le a ^ateena o ia e tagata Iutaia, po o le aiga o Isaraelu.

18 O le mea lea, e lē na o a tatou fanau sa tautala i ai lo tatou tamā, ae o le aiga uma foi o Isaraelu, e faasino i le feagaiga lea o le a faataunuuina i aso e gata ai; o le feagaiga lea na faia e le Alii i lo tatou tamā o Aperaamo, e faapea: O lau ^afanau o le a manuia ai aiga uma o le lalolagi.

19 Ma sa oo ina tele ona ou tautala atu o a’u, o Nifae ia te i latou e uiga i nei mea; ioe, sa ou tautala atu ia te i latou e uiga i le ^atoefuataiga o tagata Iutaia i aso e gata ai.

20 Ma sa ou faamatala atu ia te i latou upu a ^aIsaia, o lē sa tautala mai e uiga i le toefuataiga o tagata Iutaia, po o le aiga o Isaraelu; ma a uma ona toefuataiina o i latou o le a lē toe lē mautonu po o ai i latou, pe toe faataapeapeina i latou. Ma sa oo ina tele upu sa ou tautala atu ai i o’u uso, ma sa faamalilieina i latou ma latou ^efaamaualalaloina i latou lava i luma o le Alii.

21 Ma sa oo ina latou toe fai mai ia te a’u, e faapea: O le a le uiga o lenei mea sa vaai i ai lo tatou tamā i se miti? O le a le uiga o le ^alaau sa vaai i ai o ia?

22 Ma sa ou fai atu ia te i latou: O se faatusa lea o le ^alaau o le ola.

23 Ma sa latou fai mai ia te a’u: O le a le uiga o le ^aai u’amea lea sa vaai i ai lo tatou tamā, lea sa tau atu i le laau?

24 Ma sa ou fai atu ia te i latou o le ^aafioga lea a le Atua; ma ai se e faalogo i le afioga a le Atua, ma ^epipiimau i ai, e lē fano lava i latou; pe mafai foi e ⁱfaaosoosoga ma ^oufanafana mu a le ^ufili ona faatoilaloina i latou i le faatauasoina, e taitai ese atu ai i latou i le faafanoga.

25 O le mea lea, o a’u, o Nifae, sa ou apoapoai atu ia te i latou ia ^aua’i atu i le afioga a le Alii; ioe, sa ou apoapoai atu ia te i latou ma le malosi uma o lo’u agaga, ma le mafaufau uma sa ia te a’u, ia latou ua’i atu i le afioga a le Atua ma manatua ia tausi pea i ana poloaiga i mea uma.

26 Ma sa latou fai mai ia te a’u: O le a le uiga o le ^avaitafe sa vaai i ai lo tatou tamā?

27 Ma sa ou fai atu ia te i latou o le ^avai lea sa vaai i ai lo’u tamā o le ^eeleelea lea; ma sa matua tele lava mea sa popona i ai lona mafaufau sa lē iloa ai e ia le eleelea o le vai.

28 Ma sa ou fai atu ia te i latou o se ^ato leaga mata’utia lea, ua vavae ese ai e amioleaga mai le laau o le ola, ma mai le au paia foi a le Atua.

29 Ma sa ou fai atu ia te i latou o se faatusa lea o lena ^aseoli mata’utia, lea sa fetalai mai ai le agelu ia te a’u ua saunia mo e amioleaga.

30 Ma sa ou fai atu ia te i latou sa vaai foi lo tatou tamā ua vavae ese foi e le ^afaamasinotonu a le Atua e amioleaga mai e amiotonu; ma o lona susulu ua pei o le susulu o se afi mumū, lea e sasao a’e i le Atua e faavavau faavavau lava, ma ua leai se iuga.

31 Ma sa latou fai mai ia te a’u: O le uiga ea o lenei mea o le mafatia lea o le tino i aso o loo nofo ^avaavaaia ai, po o lona uiga o le tulaga mulimuli lea o le agaga pe a mavae le ^eoti o le tino faaletino, pe o tautala e uiga i mea faaletino?

32 Ma sa oo ina ou fai atu ia te i latou o se faatusa lea o mea faaletino atoa ma mea faaleagaga; ona e oo mai le aso e faamasino ai i latou ia latou ^agaluega, ioe, galuega lava ia sa faia e le tino faaletino i o latou aso o loo nofo vaavaaia ai.

33 O le mea lea, afai latou te ^aoti a’o latou i ai i lo latou amioleaga o le a ^etutuli ese foi i latou, e faatatau i mea faaleagaga, ia ua faatatau i le amiotonu; o le mea lea, e ao ai lava ina aumai o i latou e tutulai i luma o le Atua, ia ⁱfaamasinoina mo a latou ^ogaluega; ma afai sa eleelea a latou galuega ua tatau foi ona latou ^ueleelea; ma afai ua latou eleelea e tatau ona lē mafai ona latou ^fnonofo i le malo o le Atua; afai o lea, po ua tatau foi ona eleelea le malo o le Atua.

34 Ae faauta, ou te fai atu ia te outou, ua le ^aeleelea le malo o le Atua, ma e le mafai e se mea eleelea ona ulu atu i le malo o le Atua; o le mea lea e tatau ai ona i ai o se nofoaga eleelea ua saunia mo mea ua eleelea.

35 Ma ua i ai se nofoaga ua saunia, ioe, o le ^aseoli mata’utia lava lena sa ou tautala atu ai, ma o le ^etiapolo o ia lea ua na sauniaina; o le mea lea o le tulaga mulimuli o agaga o tagata o le nonofo lea i le malo o le Atua, po o le tutuli ese i fafo ona o lena ⁱfaamasinotonu sa ou tautala atu ai.

36 O le mea lea, e tutuli ese e amioleaga mai e amiotonu, ma mai le ^alaau foi lena o le ola, lea o ona fua ua silisili ona pele ma silisili ona ^emanaomia i lo o isi fua uma lava; ioe, ma o le aupito ⁱsilisili lea o ^omeaalofa uma a le Atua. Ma sa faapea ona ou tautala atu i o’u uso. Amene.