Mataupu 17

Ua poloaiina Nifae e fau se vaa—Ua tetee ona uso ia te ia—Ua ia apoapoaʼia i laua i le toe faamatala atu o le talafaasolopito o fealoaiga a le Atua ma Isaraelu—Ua faatumulia Nifae i le mana o le Atua—Ua faasa ona uso ona paʼi mai ia te ia, ina neʼi mamae i laua e pei o se utuutu mago. E tusa o le 592–591 T.L.M.

 Ma sa oo ina matou toe ave la matou malaga i le vao; ma sa matou malaga toeitiiti ane agai i le itu i sasae mai le taimi lena. Ma sa matou malaga ma asa atu i puapuaga e tele i le vao; ma sa fanauina e o matou fafine fanau i le vao.

 Ma sa matua tele lava faamanuiaga a le Alii i luga o i matou, e ui ina sa matou ola i aaano mata o manu i le vao, sa lava le suasusu o o matou fafine mo a latou fanau, ma sa malolosi, ioe, e pei lava o tane; ma sa amata ona latou tauave a latou malaga e aunoa ma le muimui.

 Ma ua faapea ona tatou vaai ai e faataunuuina lava poloaiga a le Atua. Ma afai e atausi e le fanauga a tagata poloaiga a le Atua, e tausi o ia ia te i latou, ma faamalolosi i latou, ma fai ala e mafai ai ona latou faataunuuina o le mea ua ia poloaiina ai i latou; o le mea lea, sa efaia ai e ia ala mo i matou aʼo matou aumau i le vao.

 Ma sa matou aumau mo le va o tausaga e tele, ioe, i le valu lava o tausaga i le vao.

 Ma sa matou oo mai i le laueleele sa matou taʼua o Nuumau, ona o le tele o ona fualaau ʼaina ma le meli vao foi; ma o ia mea uma sa saunia e le Alii ina ia matou lē fano. Ma sa matou vaai i le sami, lea sa matou taʼua o Ireanetuma, lea o lona uiga, pe a faamatalaina, o vai e tele.

 Ma sa oo ina matou faatutu o matou faleie i tafatafa o le matafaga; ma e ui lava ina sa matou mafatia i apuapuaga e tele ma faigata e tele, ioe, sa matua tele lava e le mafai ona matou tusia uma, sa matou matua fiafia lava ina ua matou oo mai i le matafaga; ma sa matou taʼua le nofoaga o Nuumau, ona o le tele o ona fualaau ʼaina.

 Ma sa oo, ina ua mavae ona i ai o aʼu, o Nifae, i le laueleele o Nuumau, mo le va o aso e tele, sa oo mai le siufofoga o le Alii ia te aʼu, ua fetalai mai: Tulai ia, ma ia e alu aʼe i le mauga. Ma sa oo ina ou tulai ma alu aʼe i luga i le mauga, ma tagi atu i le Alii.

 Ma sa oo ina fetalai mai le Alii ia te aʼu, fai mai: Ia e fausia se vaa, e tusa ma le aala o le a ou faaali atu ia te oe, ina ia mafai ona Ou ave o ou tagata i tala atu o nei vai.

 Ma sa ou fai atu: Le Alii e, o fea ou te alu i ai e mafai ona ou maua mai ai le ʼoa e faaliusuavai, ina ia mafai ona ou faia mai ai ni meafaigaluega e fau ai le vaa e tusa ai ma le ala ua e faaali mai ia te aʼu?

 10 Ma sa oo ina taʼu mai e le Alii ia te aʼu le mea ou te alu i ai e maua ai le ʼoa, ina ia mafai ona ou faia ai o ni meafaigaluega.

 11 Ma sa oo ina fai e aʼu, o Nifae, se tapili i paʼu o manu, e tapili ai le afi; ma ina ua uma ona ou faia o se tapili, ina ia ou maua se mea e tapili ai le afi, sa ou faafetoʼaia ni maa se lua ina ia mafai ona ou faia ai se afi.

 12 Ona sa lei tuu maia e le Alii e oo mai i le taimi lea, ia matou faia ni afi e tele, aʼo matou malaga i le vao; ona sa fetalai mai o ia: O le a Ou faia au meaai ia suamalie, ina ia outou a faavelaina;

 13 Ma o le a avea foi Aʼu ma o outou sulu i le vao; ma o le a Ou asaunia le ala i o outou luma, e tusa ma tou tausiga o aʼu poloaiga; o le mea lea, afai tou te tausia aʼu poloaiga, o le a taitaia outou agai i le elaueleele na folafolaina; ma o le a outou iiloa ai o aʼu lava ua taitaia outou.

 14 Ioe, ma sa fetalai mai foi le Alii: A mavae ona outou taunuu i le laueleele na folafolaina, o le a outou ailoa o Aʼu, o le Alii, o le eAtua; ma o Aʼu o le Alii, na laveaʼia outou mai le faafanoga; ioe, ma o Aʼu na aumaia outou i fafo o le laueleele o Ierusalema.

 15 O le mea lea, o aʼu, o Nifae, sa ou taumafai ai e tausi poloaiga a le Alii, ma sa ou apoapoai atu i oʼu uso ia faamaoni ma filiga.

 16 Ma sa oo ina ou faia ni meafaigaluega mai ʼoa na ou faaliusuavaia mai le papa.

 17 Ma ina ua vaai mai oʼu uso o le a ou afauina se vaa, sa amata ona laua muimui faasaga mai ia te aʼu, fai mai: O lo tatou uso o se vale, ona ua ia manatu e mafai ona ia fauina se vaa; ioe, ma ua manatu foi o ia e mafai ona ia sopoia nei vai e tele.

 18 Ma sa faapea ona tomumumu oʼu uso ia te aʼu, ma sa mananao ia laua lē galulue, ona sa laua lē talitonu e mafai ona ou fauina se vaa; pe la te fia talitonu foi sa faatonuina ai aʼu e le Alii.

 19 Ma o lenei sa oo, o aʼu, o Nifae, sa ou faanoanoa tele ona o le maaa o o laua loto; ma o lenei, ina ua laua vaai mai ua amata ona ou faanoanoa sa laua fiafia i o laua loto, sa oo ina laua aolioli i oʼu luga, fai mai: Sa matou iloa lava e lē mafai ona e fauina se vaa, ona ua matou iloa ua leai se faautaga o ia te oe; o le mea lea, e lē mafai ai ona e faia o se galuega tele faapena.

 20 Ma ua pei oe o lo tatou tamā, ua taitai ese e amafaufauga valea o lona loto; ioe, ua ia taitai ese i tatou i fafo o le laueleele o Ierusalema, ma ua tatou feoaʼi ai i le vao i nei tausaga e tele; ma galulue o tatou fafine, aʼo mamafa i latou i fanau; ma ua latou fanauina fanau i le vao ma mafatia i mea uma, vagana ai le oti; ma sa sili ona lelei pe ana latou feoti ae latou te lei o ese mai i fafo o Ierusalema nai lo le mafatia i nei puapuaga.

 21 Faauta, ua tatou mafatia i le vao i nei tausaga e tele, o se taimi lea po o tatou olioli ai ia tatou mea ua maua ma le laueleele o lo tatou tofi; ioe, ma po o tatou fiafia.

 22 Ma ua matou iloa o tagata sa i le laueleele o Ierusalema o ni tagata aamiotonu; ona sa latou tausia tulafono ma faamasinoga a le Alii, ma ana poloaiga uma, e tusa ma le tulafono a Mose; o le mea lea, ua matou iloa ai o i latou o ni tagata amiotonu; ma ua faamasino lo tatou tamā ia te i latou, ma ua ia taitai ese i tatou ona ua tatou faalogologo i ana upu; ioe, ma ua faapei lo tatou uso o ia. Ma sa faapea le ituaiga o gagana sa muimui ma tomumumu ai oʼu uso faasaga mai ia te i maʼua.

 23 Ma sa oo ina tautala atu aʼu o Nifae, ia te i laua, ua fai atu: Tou te talitonu ea e taitai ese i fafo o tatou tamā, o e o le fanauga a Isaraelu, mai lima o tagata Aikupito, pe a na latou lē faalogologo i fetalaiga a le Alii?

 24 Ioe, tou te manatu ea e mafai ona taitai ese i latou i fafo mai le nofopologa, pe a na lē poloaiina Mose e le Alii e tatau ona ia ataitai ese i latou i fafo mai le nofopologa?

 25 O lenei ua outou iloa sa i ai le fanauga a Isaraelu i le apologa; ma ua outou iloa foi sa faafafa ia te i latou egaluega, sa faigata ona tauaveina; o le mea lea, ua outou iloa sa tatau ona avea ma mea lelei mo i latou, le tatau ai ona aumai o i latou i fafo mai le nofopologa.

 26 O lenei ua outou iloa sa poloaiina aMose e le Alii e faia lena galuega tele; ma ua outou iloa o lana eupu, na vaelua ai vai o le Sami Ulaula i lea itu ma lea itu, ma latou ui atu ai i luga o le eleele matutu.

 27 Ae ua outou iloa sa malelemo i le Sami Ulaula tagata Aikupito, o e o ʼau a Farao.

 28 Ma ua outou iloa foi sa fafaga i latou i le amanai i le vao.

 29 Ioe, ma ua outou iloa foi sa ata e Mose le papa e ala i lana upu, e tusa ma le mana o le Atua sa ia te ia, ma sau ai le vai, ina ia mafai ona faamalilie ai e le fanauga a Isaraelu lo latou fia feinu.

 30 Ma e ui lava ina sa taitaia i latou i le muaʼau o le Alii lo latou Atua, lo latou Togiola, i o latou luma, ma taitai i latou i le ao ma tuu mai le malamalama ia te i latou i le po, ma faia mo i latou mea uma sa atatau ai mo se tagata ona ia maua, sa latou faamaaa o latou loto ma faatauaso o latou mafaufau, ma efaifai faasaga ia Mose ma faasaga i le Atua moni ma soifua.

 31 Ma sa oo ina afaaumatia i latou e ia e tusa ma lana afioga; ma sa ia etaitaia i latou e tusa ma lana afioga; ma sa ia faia mea uma mo i latou e tusa ma lana afioga; ma sa leai se mea e tasi na faia vagana ai na faia i lana afioga.

 32 Ma ina ua mavae ona latou sopoia o le vaitafe o Ioritana sa faia e ia ia latou malolosi tele i le atutulieseina i fafo o fanau o le laueleele, ioe, i le faataapeapeina o i latou i le faafanoga.

 33 Ma o lenei, tou te manatu ea o fanau o lenei laueleele, o e sa i le laueleele o le folafolaga, o e na tutuli ese i fafo e o tatou tamā, pe tou te manatu ea sa amiotonu i latou? Faauta, ou te fai atu ia te outou, E leai.

 34 Tou te manatu ea e sili atu ona lelei o tatou tamā nai lo i latou pe a na latou amiotonu? ʼOu te fai atu ia te outou, E leai.

 35 Faauta, ua tasi atagata uma i le finagalo o le Alii; o lē ua eamiotonu ua ifaapitoa e le Atua. Ae faauta, sa teena e ia tagata afioga uma a le Atua, ma sa matua i latou i le agasala; ma sa i ai i o latou luga le atoatoa o le toasa o le Atua; ma sa fetuu e le Alii le laueleele e faasaga ia te i latou, ma faamanuiaina mo o tatou tamā; ioe, sa fetuu e ia e faasaga ia te i latou mo lo latou faafanoga, ma sa faamanuia e ia mo o tatou tamā i lo latou mauaina o le pule i luga o lea laueleele.

 36 Faauta, ua afoafoa e le Alii le elalolagi ina ia iʼainā; ma ua ia foafoaina ana fanau ina ia latou mauaina.

 37 Ma e afaatu mai e ia se atunuu amiotonu, ma faaumatia atunuu o e ua amioleaga.

 38 Ma e taitai ese atu e ia e amiotonu i alaueleele peleina, ma o e amioleaga e efaaumatia e ia, ma fetuu le laueleele ia te i latou ona o i latou.

 39 Ua pule maualuga o ia i le lagi, ona o lona nofoalii lea, ma o le lalolagi lenei o alona tuugaaao.

 40 Ma e alofa o ia ia te i latou o e e mananao e avea o ia ma o latou Atua. Faauta, sa alofa o ia i o tatou tamā, ma sa aosifeagaiga o ia ma i latou, ioe, o Aperaamo lava, eIsaako, ma iIakopo; ma sa manatua e ia feagaiga na ia faia; o le mea lea, na aumai ai e ia i latou i fafo mai le laueleele o oAikupito.

 41 Ma sa faasaʼosaʼoina e ia i latou i le vao i lona tootoo; ona sa latou afaamaaa o latou loto, e pei lava o outou; ma sa faasaʼosaʼoina i latou e le Alii ona o lo latou amioletonu. Sa auina mai e ia ia i latou egata lele mumū; ma ina ua mavae ona utia o i latou sa saunia e ia se ala e mafai ai ona ifaamaloloina i latou; ma o le galuega sa ia te i latou e fai, o le vaai lea; ma ona o le ofaatauvaa o le ala, po o lona faigofie tele, sa i ai le toatele o e na fano.

 42 Ma sa latou faamaaa o latou loto mai lea taimi i lea taimi, ma sa latou afaifai faasaga ia eMose, ma faasaga foi i le Atua; e ui i lea, ua outou iloa sa taitai atu i latou i luma e lona mana lē mafaatusalia i le laueleele o le folafolaga.

 43 Ma o lenei, e ui i nei mea uma, ua oo mai le taimi ua avea ai i latou ma e amioleaga, ioe, ua toeitiiti matutua i le agasala; ma ou te lē iloa ae atonu ua lata ona faaumatia o i latou i le aso nei; ona ua ou iloa e oo moni mai lava le aso e faaumatia ai i latou, vagana ai nao se toaitiiti, o e o le a taitai ese atu i le faatagataotauaina.

 44 O le mea lea, na apoloaiina ai e le Alii loʼu tamā e tatau ona alu ese atu o ia i le vao; ma sa saili foi tagata Iutaia e aveese lona ola; ioe, sa eoulua saili foi e aveese lona ola; o le mea lea, o oulua o ni tagata fasioti tagata i o oulua loto ma ua pei oulua o i latou.

 45 Ua avave ona oulua fai o le amioletonu ae gese ona oulua manatua o le Alii lo oulua Atua. Ua oulua vaai i se eagelu, ma sa fetalai mai o ia ia te oulua; ioe, sa oulua faalogo i lona siufofoga mai lea taimi i lea taimi; ma sa fetalai mai foi o ia ia te oulua i se leo filemu itiiti, peitai ua oulua iteʼa atu ma le toe lagonaina, na oulua lē mafafai ai ona lagona ana fetalaiga; o le mea lea, na fetalai mai ai o ia ia te oulua e pei o le leo o le faititili, lea na mafua ona luluina ai o le eleele e pei a vaeluaina.

 46 Ma ua oulua iloa foi e mafai e ala i le amana o lana fetalaiga mamana aoao ona faia e ia ia mavae atu le lalolagi; ioe, ma ua oulua iloa e mafai i lana fetalaiga ona ia faia o mea gaoā ia laugatasi, ma mea laugatasi ia vetevete. O lea, la, aisea ea, ua mafai ai ona oulua maaa tele faapea i o oulua loto?

 47 Faauta, ua saeia loʼu agaga i le mafatia ona o oulua, ma ua tiga loʼu loto; ou te fefe neʼi lafoai ese oulua e faavavau. Faauta, ua atumu aʼu i le Agaga o le Atua, ua oo ina eleai se malosi i loʼu tino.

 48 Ma o lenei, sa oo ina ua uma ona ou tautala atu o ia upu sa laua feitai mai ia te aʼu, ma mananao e lafo aʼu i le loloto o le sami; ma aʼo laua o mai i luma e fetagofi mai o laua lima ia te aʼu sa ou tautala atu ia te i laua, ua ou fai atu: I le suafa o le Atua Malosi Aoao, ou te faatonu atu ia te oulua ia aua lua te apaʼi mai ia te aʼu, ona ua tumu aʼu i le emana o le Atua, e oo lava i le faaumatiaina o loʼu tino; ma ai se tasi e paʼi mai ona lima ia te aʼu o le a imamae e pei lava o se utuutu mago; ma o le a tusa o ia o se meanoa i luma o le mana o le Atua, ona o le a taia o ia e le Atua.

 49 Ma sa oo ina fai atu aʼu o Nifae, ia te i laua e lē tatau ona laua toe muimui e faasaga i lo laua tamā; pe tatau foi ona laua taofi mai ia te aʼu lo laua galulue, ona ua poloaiina aʼu e le Atua ia ou fausia se vaa.

 50 Ma sa ou fai atu ia te i laua: aAfai na poloaiina aʼu e le Atua ou te faia mea uma, e mafai ona ou faia. Afai na te poloaiina aʼu ia ou fai atu i lenei vai, ia eleele oe, e eleele lava; ma afai ou te fai atu ai, o le a faia lava.

 51 Ma o lenei, afai ua i ai i le Alii se mana tele faapea, ma e tele vavega ua faia e ia i totonu o le fanauga a tagata, e faapefea la ona lē mafai ona ia aoaʼoina o aʼu, ia ʼou fausia se vaa?

 52 Ma sa oo o aʼu, o Nifae, sa tele mea sa ou fai atu ai i oʼu uso, sa oo ina laua maasiasi, ma lē mafafai ona finau faasaga mai ia te aʼu; pe na totoa e fetagofi mai o laua lima ia te aʼu pe paʼi mai ia te aʼu i o laua tamatamailima, mo le va o aso e tele. O lenei sa fefefe i laua e fai lenei mea neʼi o laua mamae i oʼu luma, ona o le malosi tele o le aAgaga o le Atua; ma sa faapea ona galue i luga o i laua.

 53 Ma sa oo ina fetalai mai le Alii ia te aʼu: Ia toe faaloaloa atu lou lima i ou uso, ma o le a laua lē mamae ai i ou luma, ae o le a Ou faateia i laua, ua fetalai mai ai le Alii, ma o le a Ou faia lenei mea, ina ia iloa ai o Aʼu o le Alii o lo laua Atua lea.

 54 Ma sa oo ina ou faaloaloa atu loʼu lima i oʼu uso, ma sa lei mamae i laua ai i oʼu luma, ae sa luluina i laua e le Alii, e tusa lava ma le fetalaiga na fetalai mai ai o ia.

 55 Ma o lenei, sa fai mai i laua: Ua ma iloa ma le mautinoa ua faatasi le Alii ma oe, ona ua ma iloa o le mana o le Alii na luluina i maua. Ma sa la faapauu i lalo i oʼu luma, ma fai o le a aifo mai ia te aʼu, peitai sa ou lē tuua i laua, ua ou fai atu: O aʼu o lo oulua uso, ioe, o lo oulua lava uso laitiiti; o le mea lea, ifo atu i le Alii lo oulua Atua, ma ava i lo oulua tamā ma lo oulua tinā, ina ia faalevaleva ai o oulua easo i le laueleele o le a foaiina mai e le Alii lo oulua Atua ia te oulua.