Koroboki Aika Tabu
1 Nibwaai 19


Mwakoro 19

E karaoi bwaatua Nibwaai man te biti ao e koroi rongorongoia ana botanaomata—E na roko Atuan Iteraera onobubua te ririki man te tai are kitana iai Ierutarem Riaai—E taekin Nibwaai aron karawawatana ma taurakin Iesu—A na ribaki ma ni kamaenakoaki Iutaia ni karokoa boong aika kaitira, are a na manga oki iai nakon te Uea. Uakaan ma 588–570 I.K.

1 Ao e koro bukina bwa e tuatua te Uea nakoiu, mangaia ae I a karaoi bwaatua man te biti bwa I aonga ni koroi i aoia rongorongoia au botanaomata. Ao I a koroi i aon taian abwaatua ake I karaoi ana rongorongo btamau, ao taekan naba mwanangara i nanon te rereua, ao ana taeka ni burabeti tamau; ao I koroi naba i aoia taekan naba oin au taeka ni burabeti.

2 Ao I aki ataia n te tai arei ngke I karaoi ae E na tuatua nakoiu te Uea bwa N na karaoi taian abwaatua aikai; mangaia ae ana rongorongo tamau, ma kateirikian ana bakatibu ma angiin riki ara waaki i nanon te rereua a bon koreaki i aon taian moan bwaatua ake i moan taekin; mangaia ae bwaai aika a riki i mwaain karaoan bbwaatua aikai a bane ni koaua, ao a babane riki taekaia ni koreaki i aon taian moan bwaatua.

3 Ao ngke I a tia ni karaoi taian bwaatua aikai n aron tuangakiu, ao Ngai ae Nibwaai, I karekea te tua bwa a riai ni koreaki i aon taian bwaatua aikai taekan te mwakuri n ibuobuoki ma taeka ni burabeti, mwakorona aika maataata ma ni kakawaki, a na koreaki i aon abwaatua aikai; ao a na kawakinaki bwaai aika koreaki aikai ibukin reiakinaia au botanaomata, aika a na abaaba i aon te aba, ao ibukin naba bwaai tabeua aika briai, aika ti te Uea ae atai.

4 Mangaia ae Ngai ae Nibwaai, I a koroi rongorongo i aon bwaatua ake tabeua, are a taekinaki iai, ke are a taekinaki iai bwaninin taekan aia bubuaka ma itabaraara ma tiringakia au botanaomata. Ao I a tia ni karaoa aio, ao n tuatua nakoia au botanaomata bwa tera ae a na karaoia i mwin mateu; ao a na kawakinaki bwaatua aikai man te roro teuana nakon teuana, ke man te burabeti temanna nakon temanna, ni karokoa rokon tua riki tabeua mai iroun te Uea.

5 Ao rongorongon akaraoan taian bwaatua irou a na kaotaki rimwi; ao taraia, I a waaki ngkanne n aron are I a tia n taekinna; ao I a karaoa aio bwa aonga bwaai aika rang n tabu ni kona ni bkawakinaki ibukin aia atatai au botanaomata.

6 E ngae n anne I aki koroboki i aon taian bwaatua ti ngkana I taku bwa te bwai ae atabu. Ao ngkai, ngkana arona bwa I kaairua, n aiaroia ake a kaairua ngkoa; tiaki bwa N na kamaurai ni bukina aia kaairua aomata tabeman, ma bon ibukin bkabwakau, ni kaineti ma te rabwata, ao I a kabwara bure ibukin kaairuau.

7 Bwa bwaai ake a tarai aomata tabemwaang bwa moan te kakawaki, ibukin te rabwata ao te tamnei, tabemwaang a akaakeai bonganaia ao n btoubekai i aan waeia. Eng, n aiaron naba Atuan Iteraera are a toua aomata i aan waeia; I taekinna, bwa a toua i aan waeia ma N na taekinna riki n te aro teuana—a kaakea, ao a aki ongo n ana taeka n reirei.

8 Ao taraia, e na aroko, n aron ana taeka te anera, bonobubua te ririki i mwin kitanan Ierutarem iroun tamau.

9 Ao te aonaba ibukin buakakaia, a na taraia bwa te bwai ae akea bonganana; mangaia ae a na bwainikirinna, ao e na kariaia; ao a na oroia, ao e na kariaia. Eng, a na abawareia, ao e na kariaia, ibukin ana tangira n akoakoi ma ana taotaonakinnano ae korakora nakoia natiia aomata.

10 Ao aAtuaia ara bakatibu, ake a bkairaki mai Aikubita, mai i aan te tautoronaki, ao ni kamaiuaki i nanon te rereua i rouna, eng, ae cAtuan Aberaam, ma Itaaka, ao Atuan Iakobwa, e danga ngaia ae te aomata, n aron ana taeka te anera, nako nanon baia aomata aika buakaka, bwa e na etabekakirake, n aron ana taeka fTinoki, ao n gtauraki, n aron ana taeka Neum, ao n taunaki i nanon te hbwaro, n aron ana taeka iTinoti, are taekinna ni kaineti ma boong n jroo aika teniua, ake kanikinaean matena nakoia ake a maeka iaon aban marawa, ai moarara riki ibukiia ake kaain te kbata are Iteraera.

11 Bwa e taku te burabeti: Te Uea ae te Atua e na akawaria ni kabane kaain te bata are Iteraera n te bong arei, tabemwaang ni bwanaana, ibukin raoiroia, ao a na rootaki n te kimwareirei ae korakora ma te kamaiuaki, ao tabemwaang a na kawaraki n brebwen te baa ma itin mwaakana, ni buakan marawa, n te ai, ao n te bubu, ao maabubun te croo, ao n ukin daontano, ao n taian emaunga aika a ana uotakirake.

12 Ao a na abane n riki bwaai aikai, e taku te burabeti ae bTinoti. Ao taian cbwa i aon te aba a na raeuaki, ao ibukin tangitangin te aonaba, a mwaiti uean aban marawa aika ana kairaki iroun tamnein te Atua bwa a na takarua: E a rootaki n te rawawata Atuan te aonaba.

13 Ao naake a mena i Ierutarem, e taku te burabeti, a na abwainikirinaki irouia aomata ni kabane, ngkai ngaia aika a btaura Atuan Iteraera, ao ni katannakoi nanoia, n aki butimwaai kanikina ma kakai, ma mwaakan ao mimitongin Atuan Iteraera.

14 Ao ibukina bwa a katannakoi nanoia ma n ariba Atuaia Iteraera ae Tabu e taku te burabeti, a na tiotio i nanon maiuia n rabwata, ao ni mate, ao n riki ni bkatinanikuaki ma n ctaetae buakaki, ao n ribaki n aba nako.

15 E ngae n anne, ao ngkana e roko te bong arei e taku te burabeti, are a akatoka iai katannakoakin nanoia, n aki kaitaraa Atuaia Iteraera ae Tabu, ao ngkanne e na uring ana bberita aika tabu ake e a tia ni karaoi nakoia aia bakatibu.

16 Eng, ao e na uring naba aaban marawa; eng, ao ni kabane aomata ake kaain te bata are Iteraera, N na bikotiia, e taku te Uea, n aron are taekinna te burabeti are Tinoti, man mwakoron te aonaba ake aua.

17 Eng, ao ni kabane te aonaba a na anoora ana kamaiu te Uea, e taku te burabeti; a na kakabwaiaki aba, reeti, neewe, ma aomata ni kabane.

18 Ao Ngai, Nibwaai, I a tia ni koroi bwaai aikai ni kabane ibukiia au botanaomata, bwa e aonga n ae I kaira nanoia bwa a na uringa te Uea ae aia Tia Kaboia.

19 Mangaia ae I taetae nakon te bata are Iteraera ni kabane, ngkana arona bwa a na karekei abwaai aikai.

20 Bwa nooria, e korakai tamneiu n te aro ae I a kua ao a mamaara toman riiu ibukiia ake a mena i Ierutarem, bwa ngke arona bwa e aki nanoanga te Uea, ni kaoti nakoiu bwaai ake a na riki nakoia, n aron are kaoti nakoia burabeti ni kawai, ao are N na tia ni mate naba.

21 Ao e koaua ae e a tia ni akaoti nakoia burabeti ni kawai bwaai ni kabane aika a bkaineti ma ngaiia; ao e a tia naba ni kaotia nakoia aomata aika mwaiti bwaai aika a kaineti nakoira; mangaia ae e riai bwa ti na atai aroia bwa a tia ni koreaki i nanon bwaatua aika buraati.

22 Ngkai e koro bukina bwa Ngai, Nibwaai, I a tia n reireinia tariu bwaai aikai; ao e koro bukina bwa I a tia naba ni wareki bwaai aika mwaiti nakoia, aika a tia ni koreaki i nanon abwaatua aika buraati, bwa a aonga n atai bwaai ake e karaoi te Uea n aaba tabeua, i buakoia aomata ni kawai.

23 Ao I wareki bwaai aika mwaiti nakoia aika a koreaki i nanon ana aboki Mote; bwa I aonga ni kairi nanoia bwa a na kakoaua te Uea ae aia Tia Kaboia, ao I wareki naba nakoia bwaai aika koreaki iroun te burabeti ae bItaia; bwa I ckabootaui kanoan koroboki aika a tabu nakon maiura, bwa ti aonga n draka man reireinaki iai.

24 Mangaia ae I taetae nakoia, ni kangai: Kam na ongo ana taeka te burabeti, ngkami nikiraia kaain te bata are Iteraera, te amwanga are e a tia n oteaki mai iai; kam na ongo ana taeka te burabeti, aika a tia ni koreaki nakoia ni kabane kaain te bata are Iteraera, ao kabotaui nakoimi, bwa e aonga n reke te kantaninga iroumi ao irouia naba tarimi ake kam a tia ni kamaenakoaki mai irouia; bwa n aron aio e a tia te burabeti ni koroi.