Mga Kasulatan
1 Nephi 20


Kapitulo 20

Ang Ginoo mipadayag sa Iyang mga katuyoan ngadto sa Israel—Ang Israel napili sa hudno sa kasakit ug mobiya gikan sa Babilonia—Itandi sa Isaias 48. Mga 588–570 B.C.

1 Patalinghog ug paminawa kini, O balay ni Jacob, kinsa gitawag sa ngalan nga Israel, ug motungha gikan sa katubigan sa Juda, o gikan sa katubigan sa abunyag, kinsa nanumpa pinaagi sa ngalan sa Ginoo, ug nagadayeg sa Dios sa Israel, apan wala sila manumpa sa kamatuoran ni sa pagkamatarong.

2 Bisan pa, gihunahuna nila ang ilang kaugalingon isip lumulupyo sa abalaang siyudad, apan wala sila bmosalig sa Dios sa Israel, nga mao ang Ginoo sa mga Panon; oo, ang Ginoo sa mga Panon mao ang iyang ngalan.

3 Tan-awa, gipahayag ko nang daan ang akaraan nga mga butang sukad pa sa sinugdanan; ug naggikan kini sa akong ba-ba, ug gipakita ko kini. Gipakita ko kini sa kalit.

4 Ug gibuhat ko kini tungod kay ako nasayod nga aikaw gahi og ulo, ug ang imong liog sama ka gahi sa puthaw, ug ang imong agtang sama sa tumbaga;

5 Ug gani ako sukad sa sinugdanan mipahayag na kanimo; sa wala pa kini mahitabo gipakita ko na kini kanimo; ug gipakita ko kini basin og ikaw moingon nga—Ang akong adios-dios ang mibuhat niini, ug ang akong kinulit nga larawan, ug ang akong tinunaw nga larawan ang nagsugo niini.

6 Ikaw nakakita ug nakadungog niining tanan; ug dili ba nimo kini ipamahayag? Ug nga ako mipakita kanimo og bag-ong mga butang sukad niini nga higayon, gani sa tinago nga mga butang, ug ikaw wala masayod niini.

7 Kini gibuhat karon, ug dili sukad sa sinugdanan, gani sa adlaw nga wala pa nimo kini madungog gipamahayag na kini nganha kanimo, basin ikaw moingon—Tan-awa ako nasayod nang daan niini.

8 Oo, ug ikaw wala makadungog; oo, ikaw wala masayod; oo, sukad niana nga panahon wala pa ablihi ang imong dunggan; kay ako nasayod nga ikaw mohimo sa labihan ka mabudhiong paagi, ug gitawag nga amalapason sukad pa sa sabakan.

9 Bisan pa niana, tungod ug alang sa akong angalan pugngan ko ang akong kasuko, ug alang sa pagdayeg kanako ako maglikay kanimo, nga ako dili mosalikway kanimo.

10 Kay, tan-awa, ako milunsay kanimo, ako mipili kanimo diha sa hudno sa akasakit.

11 Alang sa kaugalingon nakong kaayohan, oo, alang sa kaugalingon nakong kaayohan ako mohimo niini, kay ako dili motugot nga ang akong angalan mahugawan, ug ako bdili mohatag sa akong himaya ngadto sa lain.

12 Patalinghogi ako, O Jacob, ug Israel nga akong tinawag, kay ako mao siya; ako ang auna, ug ako usab ang kataposan.

13 Ang akong kamot usab ang amipahimutang sa katukoran sa yuta, ug ang akong tuo nga kamot ang mipahiluna sa kalangitan. Ako nanawagan kanila ug dungan silang namarog.

14 Tanan kamo, pagpundok kamo, ug paminaw; kinsa diha kanila ang mipahayag niini nga mga butang ngadto kanila? Ang Ginoo nahigugma kaniya; oo, ug siya amotuman sa iyang pulong nga iyang gipamahayag pinaagi kanila; ug siya mobuhat sa unsay iyang ikahimuot sa bBabilonia, ug ang iyang bukton modapat ngadto sa mga taga-Caldea.

15 Usab, miingon ang Ginoo; ako ang Ginoo, oo, ako nakapamulong; oo, mitawag ako kaniya sa pagpamahayag, ako midala kaniya, ug siya mohimo nga ang iyang agianan magmauswagon.

16 Paduol kamo kanako; wala ako magsulti sa atago; sukad sa sinugdanan, sukad sa panahon nga kini gipamahayag nga ako namulong; ug ang Ginoong Dios, ug ang iyang Espiritu, ang mipadala kanako.

17 Ug sa ingon niana nag-ingon ang Ginoo nga inyong aManunubos, ang Usa nga Balaan sa Israel; ako mipadala kaniya, ang Ginoo nga inyong Dios kinsa nagtudlo kaninyo sa kaayohan, kinsa bmidala kaninyo sa dalan nga angay ninyong adtoan, ang mibuhat niini.

18 O kon kamo mipatalinghog pa sa akong mga asugo—niana ang inyong kalinaw mahisama unta sa usa ka suba, ug ang inyong pagkamatarong mahisama sa mga balod sa dagat.

19 Ang inyong abinhi usab unta mahisama sa balas; ang kaliwat sa inyong mga sabakan sama sa graba; ang iyang ngalan wala unta masalikway ni malaglag sa akong atubangan.

20 aBiya kamo gikan sa Babilonia, layas kamo gikan sa mga taga-Caldea, pinaagi sa pagpanganta ipamahayag ninyo, isulti kini, ipamulong ngadto sa mga lumulupyo sa yuta; isulti ninyo: Ang Ginoo mitubos sa iyang bsulugoon nga si Jacob.

21 Ug sila wala auhawa; siya midala kanila ngadto sa mga desyerto; iyang gihimo ang katubigan nga moagas gikan sa bdakong bato alang kanila; iya usab nga gipaliki ang dakong bato ug ang tubig mibuswak.

22 Bisan og gibuhat niya kining tanan, ug usab ang mas labaw pa, walay akalinaw, miingon ang Ginoo, ngadto sa mga daotan.