1 Imdengan ken denggenyo daytoy, O balay ni Jacob, a naawagan iti nagan ni Israel, ken nagtaud manipud iti dandanum ti Judah, wenno iti ^apagbuniagan, a nagsapata babaen iti nagan ti Apo, ken nangdakamat iti Dios ti Israel, a nagsapata babaen iti nagan ti Apo, ken nangdakamat ti Dios ti Israel, ngem saanda met agsapata iti kinapudno wenno iti kinalinteg.

2 Nupay kasta, awaganda ti bagbagida iti ^anasantuan a siudad, ngem saanda met ^bintalimeng iti bagbagida ti Dios ti Israel, nga Apo ti Pangen; wen, Apo ti Pangen ti naganna.

3 Kitaen, naipakdaarkon dagiti ^aimmuna a pasamak manipud idi punganay; ket nagaonda iti ngiwatko, ken impakitak kadakuada. Kellaat nga impakitak kadakuada.

4 Ket inaramidko agsipud ta ammok a ^adakayo ket nasukir, ken landok ti piskel ti tengngedyo, ken gimmambang ti kidayyo;

5 Ken naipakdaarkon kadakayo uray pay idi punganay; impakitak kadakuada sakbay a napasamak; ket impakitak kadakuada ta amakkek a kunaenyo—Ti ^adidiosek ti nangaramid dagitoy, ken ti naikitikit a ladawak, ken ti sinukog a ladawak ti nangbilin kadakuada.

6 Nakita ken nangngegyo amin dagitoy; ket saanyo kadi nga ipakdaar ida? Ken kasta met a naipakitakon kadakayo dagiti baro a banag manipud ita a panawen, uray pay dagiti nailemmeng a banag, ngem saanyo ammo ida.

7 Ita ti pannakaaramidda, ket saan nga idi punganay, naipakdaarda kadakayo uray pay iti aldaw sakbay a nangngegyo ida, amangan ta kunayo—Kitaen am-ammok ida.

8 Wen, ket saanyo a nangngeg; wen, saanyo ammo; wen, saan pay a nalukatan ti lapayagyo iti dayta a kanito, ta ammok a sinisikap ti pannakilangenyo, ket naawaganka a ^amanagbasol manipud pay iti saklulo.

9 Nupay kasta, itantanko ti pungtotko gapu iti ^anaganko, ket liklikankayo gapu iti dayawko, ket saankayo a papatayen.

10 Ta, kitaen, dinalusankayo, pinilikayo iti urno ti ^apanagsagaba.

11 Para iti pagimbagak, wen, para iti pagimbagak aramidek daytoy, ta saanko nga ipalubos a marugitan ti ^anaganko, ken ^bsaanko nga ited iti sabali ti gloriak.

12 Denggennak, O Jacob, ken Israel ti inawagak, ta Siak isuna; Siak ti ^aimmuna, ken Siak met ti maudi.

13 Babaen ti imak ^aimpasdekko met ti pundasion ti daga, ket dinangan ti kanawan nga imak ti langit. Inawagak ida ket sangsangkamaysada a timmakder.

14 Dakayo amin, agtitiponkayo, ken dumngeg; asino kadakuada ti nangipakdaar kadagitoy a banag kadakuada? Inayat ti Apo isuna; wen, ket ^atungpalenna ti balikasna nga impakdaarna kadakuada; ket aramidenna ti pagayatanna iti ^bBabilonia, ket dusaennanto dagiti Caldeano.

15 Kasta met, kinuna ti Apo; siak ti Apo, wen, naibagakon; wen, inawagak isuna a mangipakdaar, inkuyogko, ket pagbalinennanto a narang-ay ti wagasna.

16 Umasidegkayo kaniak; saanak pay nagsao iti ^analimed; manipud idi punganay, manipud iti tiempo a naipakdaar daytoy naisaokon; ket ti Apo a Dios, ken ti Espirituna, ti nangibaon kaniak.

17 Ket kasta ti kinuna ti Apo, ti ^aMannubbotyo, ti Nasantuan ti Israel; imbaonko isuna, ti Apo a Diosyo a mangisuro kadakayo a magunggonaan, a ^bmangiturong kadakayo iti dana a surotenyo, naaramidna daytoy.

18 O no imdenganyo koma ^adagiti bilinko—kas koma iti karayan ti talinaayyo, ken kas kadagiti dalluyon ti baybay ti kinalintegyo.

19 Digiti ^akaputotanyo kas met iti darat; dagiti annak iti lalaemyo kas iti graba sadiay; ti saan koma a napukaw wenno nadadael ti naganna iti sangok.

20 ^aPanawanyo ti Babilonia, libasanyo dagiti Caldeano, ipakdaaryo iti nadayaw a timek, ibagayo daytoy, yebkasyo iti kasulinekan a paset ti daga; kunayo: Nasubboten ti Apo ni Jacob nga ^badipenna.

21 Ket saanda a ^anawaw; inturongna ida iti disierto, pinaayosna ti danum manipud iti ^bbato para kadakuada; binurakna met dagiti bato ket nagpussuak ti danum.

22 Nupay naaramidna amin dagitoy, ken ad-adu pay, awan ti ^akappia, kinuna ti Apo, kadagiti dakes.