1 Ket manen: Denggendak, O balay ti Israel, dakayo amin a naisina ken napapanaw gapu iti kinadakes dagiti pastor dagiti tattaok; wen, dakayo amin a naisina, a naiwaraswaras iti ganggannaet a lugar, a tattaok, O balay ti Israel. Imdengandak, O ^adakayo nga isla, ken dumngngegkayo a tattao iti ^badayo; inawaganak ti Apo manipud iti saklulo; dinakamatna ti naganko manipud pay kadagiti lalaem ti inak.

2 Ket pinagbalinna ti ngiwatko a kas iti natadem nga espada; inlemmengnak iti anniniwan ti imana, ken pinagbalinnak a nasileng nga urong; inlemmengnak iti baina;

3 Ket kinunana kaniak: Sika ti ^aadipenko, O Israel, nga isunto ti pakaigloriaak.

4 Kalpasanna kinunak, awan serbi ti nagbambannogak, inibusko ti pigsak awan mamaay ken awan kaes-eskanna; awan duadua nga adda ti pangngeddeng ti Apo kaniak; ken ti aramidko adda iti Diosko.

5 Ket ita, kinuna ti Apo—a ^anangbukel kaniak manipud iti saklulo a siakto ti katulonganna, a mangisubli manen ken ni Jacob kenkuana—nupay saan a maummong ti Israel, ngem maigloriaakto latta iti imatang ti Apo, ket ti Diosko isunto ti pigsak.

6 Ket kinunana: Nalag-an a banag ti panagbalinmo nga katulongak a mangbangon ^akadagiti tribu ni Jacob, ken mangisubli dagiti nataginayon iti Israel. Agbalinkanto a pagtaudan ti ^bsilaw kadagiti ^cGentil, tapno babaen kenka maisalakan dagiti tattao iti entero a daga.

7 Kastoy ti kinuna ti Apo, ti Mannubbot ti Israel, ti Nasantuan, isu nga inumsi ti tao, isu a ginura dagiti pagilian, iti katulongan dagiti agturay: Kumita ken tumakderto dagiti ari, agdayawto met dagiti prinsipe, gapu iti Apo a napudno.

8 Kastoy ti kinuna ti Apo: Mangngegkanto iti maanamongan a panawen, O dagiti isla ti baybay, ken tulongankanto iti aldaw ti panakaisalakan; ken taginayonenkanto, ken itdekto kenka ti ^akatulongak para iti katulagan dagiti tattaok, a mangbangon iti daga, a mangipatawid kadagiti langalang a daga.

9 Tapno masaomto ^akadagiti balud: Inkayo; kadakuada nga adda iti ^bkasipngetan: Ipakitayo ti bagbagiyo. Mataraonandanto iti daldalan, ket iti nangato a lugar ti ^cpagipastorandanto.

10 Saandanto nga agbisin wenno mawaw, kasta met a saandanto a madangran ti pudot wenno ti init; ta ti mangaasi kadakuada ti mangiturongto kadakuada, kasta met a tarabayenanto ida kadagiti ubbog.

11 Ket pagbalinekto a dalan dagiti amin a bantayko, ket maitan-okto ^adagiti nalawa a kalsadak.

12 Ket kalpasanna, O balay ti Israel, kitaen, aggapunto ^adagitoy iti adayo; ken kitaen, aggapu dagitoy iti amianan ken iti laud; ket aggapu dagitoy iti daga ti Sinim.

13 ^aAgkantaka, O langit; ket agrag-oka, O daga; ta maipasdekto ti saksaka dagiti adda iti daya; agkakantakayo, O bambantay; ta saandanton a madangran; ta liwliwaen ti Apo dagiti taona, ken kaasiannanto dagiti agsagsagaba.

14 Ngem, kitaen, kinuna ti Zion: Binaybay-annak ti Apo, ken nalipatannakon ti Apo—ngem ipakitananto a saan.

15 Ta malipatan kadi ti ^ababai ti agsussuso nga anakna, nga awan ti kaasina iti anak a nagtaud iti saklulona? Wen, mabalin a ^bmalipatanda, ngem saankanto a malipatan, O balay ti Israel.

16 Kitaen, naikitikitkan kadagiti ^adakulapko; agnanayon iti imatangko dagiti padermo.

17 Darsento dagiti annakmo a labanan dagiti mangdadael kenka; ket panawandakanto dagiti ^anangdadael kenka.

18 Ipalawlawmo ti panagkitam ket kitaen; ^aaguummong amin dagitoy, ket umasidegdanto kenka. Ket bayat a sibibiagak, kinuna ti Apo, kawesanyonto amin ida, a kas iti arkos, begkesenyonto ida a kas iti nobia.

19 Ta dagiti natikag ken langalang a luglugarmo, ken ti daga a pakadadaelam, uray ita ket nailet unayen gapu kadagiti agindeg; ket mayadayonto dagiti mangalun-on kenka.

20 Dagiti ubbing nga iyanakmo, kalpasan iti pannapukawmo ti immuna, kunaendanto manen iti lapayagmo: Nailet unay ti lugar a para kaniak; ikkannak iti lugar a mabalinko a pagindegan.

21 Ket ^asamonto kunaen iti pusom: Asino ti nangted kaniak kadagitoy, agsipud ta napukawkon dagiti annakko, ken ^bmalmaldayak, balud, ken agallaalla? Ken asino ti nangpatanor kadagitoy? Kitaen, nabatiak nga agmaymaysa; dagitoy, nagapuanda?

22 Gapuna kinuna ti Apo a Dios: Kitaen, itanggayak ti imak ^akadagiti Gentil, ket itudingko ti ^bpagrukodak kadagiti tattao; ket bagkatendanto dagiti lallaki nga annakda kadagiti ^ctakiagda, ken ibaklaydanto dagiti babbai nga annakda.

23 Ken dagitinto ^aari dagiti ^bmanaripato nga ammada, ken dagiti reyna ti inna a mangtaripatonto kadakuada; agtameddanto kenka a maiturong dagiti rupada iti daga, ket dilpatanda ti tapok kadagiti dapanmo; ket maammuandanto a siak ti Apo; ta saandanto nga agbain a ^cmanguray kaniak.

24 Ta maagawto kadi dagiti sinamsam kadagiti maingel, wenno mawayawayaanto dagiti ^analinteg a balud?

25 Gapuna kinuna ti Apo, uray pay maagawto dagiti balud dagiti maingel, ken mawayawayaanto dagiti sinamsam ti naranggas; ta kasupangetkonto dagiti mangsupanget kenka, ket isalakankonto dagiti annakmo.

26 Ket ^aipakankonto kadagiti mangirurumen kenka ti bukodda a lasag; mabartekdanto iti bukodda a dara a kasla nasam-it nga arak; ket ^bmaammuanto ti amin a tao a siak, ti Apo, ti Mangisalakan ken Mannubbotmo, ti ^cNaindaklan ni Jacob.