1 Dia izao indray: Mihainoa ianareo ry mpianakavin’i Isiraely, dia ianareo rehetra izay sarahina sy roahina hiala noho ny faharatsian’ny mpiandry ny oloko; eny, ianareo rehetra izay sarahina sy naely patrana lavitra, izay anisan’ny oloko, ry mpianakavin’i Isiraely. Mihainoa ry ^anosy ary mandrenesa ianareo ry vahoaka avy ^blavitra; efa nantsoin’ny Tompo hatrany am-bohoka aho; hatrany an-kibon’i neny no efa niantsoany ny anarako.

2 Ary efa nataony tahaka ny sabatra maranitra ny vavako; tao amin’ny aloky ny tanany no efa nanafenany ahy, ary nataony zana-tsipika voalambolambo aho; tao amin’ny tranon-jana-tsipikany no efa nanafenany ahy;

3 Ary hoy Izy tamiko: ^aMpanompoko ianao ry Isiraely izay ao aminao no hankalazana Ahy.

4 Hoy aho tamin’izay, efa niasa maina aho, efa nandany ny heriko tamin’ny zava-poana sy ny tsinontsinona; ny fitsarana ahy dia miaraka amin’ny Tompo marina tokoa ary ny asako dia miaraka amin’ Andriamanitro.

5 Ary ankehitriny, hoy ny Tompo—izay ^anamorona ahy hatrany am-bohoka ho mpanompony mba hampodiana indray an’i Jakoba Aminy—na dia tsy voangona aza i Isiraely, dia mbola hankalazaina aho eo imason’ny Tompo ary ny Andriamanitro no heriko.

6 Ary hoy Izy: Zava-maivana ihany ny haha-mpanompoko anao, dia ny hanangana ny ^afokon’i Jakoba sy ny hampody an’i Isiraely sisa voatsimbina. Homeko anao koa ny ho ^bfahazavana ho an’ny ^dJentilisa mba hahatonga anao ho famonjeko hatrany am-paran’ny tany.

7 Izao no lazain’ny Tompo, ny Mpanavotra ny Isiraely, dia ny Iray Masiny, amin’ilay amavoin’ny olona, amin’ilay halan’ny firenena, amin’ilay mpanompon’ny mpanapaka: Hahita ka hitsangana ny mpanjaka, hitsaoka koa ny printsy noho ny amin’ny Tompo izay mahatoky.

8 Izao no lazain’ny Tompo: Tamin’ny fotoam-pankasitrahana no efa nihainoako anao ry nosin-dranomasina ary tamin’ny androm-pamonjena no efa namonjeko anao; ary hotsimbiniko ianao ka homeko anao ny ^ampanompoko ho fanekempihavanan’ny olona mba hanorina ny tany sy hampandova ny lova aolo;

9 Mba hahazoanao miteny amin’ny ^ampifatotra hoe: Mivoaha; ary amin’ireo izay mitoetra ao amin’ny ^bhaizina hoe: Misehoa ianareo. Hiraotra eny an-dalana izy ireo, ary ho any amin’ny toerana avo rehetra ny ^dkijanany.

10 Tsy ho noana na hangetaheta izy, sady tsy hamely azy na ny hafanana na ny masoandro; fa Ilay mamindra fo aminy no hitarika azy, any akaikin’ny lohan’ny rano mihitsy no hitondrany azy.

11 Hataoko lalana ny tendrombohitro rehetra ary hasandratra ny ^aarabeko migodana.

12 Ary amin’izany, ry mpianakavin’i Isiraely, indro ho tonga avy lavitra ^aireto; ary indreo avy any avaratra sy andrefana ireto; ary avy any amin’ny tanin’i Sinima ireto.

13 ^aMihirà ry lanitra; ary mifalia ry tany; fa ny tongotr’ireo izay any atsinanana dia hajoro; ary velomy ny hira ry tendrombohitra; fa tsy hokapohina intsony izy; fa ny Tompo efa nampionona ny olony, ary hamindra fo amin’ny olony nijaly Izy.

14 Nefa indro i Ziona efa nanao hoe: Ny Tompo efa nahafoy ahy ary ny Tompoko efa nanadino ahy—saingy hasehony fa tsy izany.

15 Fa moa mety manadino ny zanany minono va ny ^avehivavy ka tsy hanana fangorahana ny zanakalahy naloaky ny kibony? Eny, mety ^bmanadino izy kanefa Izaho tsy hanadino anao Ry mpianakavin’i Isiraely.

16 Indro efa vitako tombokavatsa eo amin’ny ^afelatanako ianao; ny mandanao dia eo anatrehako mandrakariva.

17 Ny zanakao ho avy faingana hanohitra ny mpandrava anao; ary ireo izay ^anandrava anao hanalavitra anao.

18 Atopazo manodidina ny masonao ka tazano; ireo rehetra ireo dia miara-^amivory ary hanatona anao. Ary raha velona koa Aho hoy ny Tompo, izy rehetra ireo dia hiakanjoanao marina tokoa toy ny firavaka ary hisikinanao ireo na dia toy ny sikin’ny ampakarina aza.

19 Satria ny taninao simba sy ny fonenanao aolo ary ny taninao rava dia ho tery loatra hatramin’izao noho ny habetsahan’ny mponina; ary ho lasa lavitra ireo izay nitelina anao.

20 Ny zanaka ho azonao, rehefa nafoinao iretsy voalohany, dia hilaza indray eo an-tsofinao hoe: ^aEty loatra ho ahy ity toerana ity; omeo toerana aho hahazoako mitoetra.

21 Amin’izany ^aianao dia hanao anakampo hoe: Iza no niteraka ireto ho ahy, satria efa namoy ny zanako aho sy ^bmitsaha-jaza, babo aho sady roahina etsy sy eroa? Ary iza no efa nitaiza ireto? Indro, nilaozana ho irery aho; fa mba taiza kosa ireto?

22 Izao no lazain’ny Tompo Andriamanitra: Indro hanandratra ny tanako amin’ny ^aJentilisa Aho sy hanangana ny ^bfanevako ho an’ny vahoaka; ary hitrotro ny zanakao lahy eo an-^dtratrany ireo, ary ny zanakao vavy hoentiny eny an-tsorony.

23 Ary ny ^ampanjaka no ho ray ^bmpitaiza anao ary ny andriambaviny no ho reny mpampinono anao; hiankohoka amin’ny tany eo anatrehanao ireo ka hilelaka ny vovoka amin’ny tongotrao; ary dia ho fantatrao fa Izaho no Tompo; fa tsy ho menatra izay ^dmiandry Ahy.

24 Fa moa hoesorina amin’ny mahery va ny hazany na moa hafahana va ny ^ababo ara-dalàna?

25 Nefa izao no lazain’ny Tompo, na dia ny babon’ny mahery aza dia hoesorina aminy ary ny hazan’ilay mahatahotra dia hafahana; fa Izaho no hiady amin’izay miady aminao ary Izaho no hamonjy ny zanakao.

26 Ary ^ahofahanako ny nofon’ny tenany ihany ireo izay mampahory anao; ho mamon’ny rany ihany ireo toy ny amin’ny divay mamy; ary ny nofo rehetra ^bhahafantatra fa Izaho Tompo no Mpamonjy anao ary ny Mpanavotra anao, dia ilay ^dMaherin’i Jakoba.