ບົດທີ 22
ອິດສະຣາເອນຈະກະຈັດກະຈາຍໄປທົ່ວທຸກແຫ່ງຂອງຜືນແຜ່ນດິນໂລກ—ຄົນຕ່າງຊາດຈະບຳລຸງ ແລະ ລ້ຽງດູອິດສະຣາເອນດ້ວຍພຣະກິດຕິຄຸນໃນຍຸກສຸດທ້າຍ—ອິດສະຣາເອນຈະເຕົ້າໂຮມກັນ ແລະ ຈະລອດ, ແລະ ຄົນຊົ່ວຈະຖືກໄຟເຜົາຄືກັນກັບເຟືອງເຂົ້າ—ອານາຈັກຂອງຊາຕານຈະຖືກທຳລາຍ ແລະ ຊາຕານຈະຖືກມັດໄວ້. ປະມານ 588–570 ປີ ກ່ອນ ຄ.ສ.
1 ແລະ ບັດນີ້ເຫດການໄດ້ບັງເກີດຂຶ້ນຄື ຫລັງຈາກຂ້າພະເຈົ້ານີໄຟໄດ້ອ່ານເລື່ອງເຫລົ່ານີ້ທີ່ມີຈາລຶກໄວ້ໃນ ກແຜ່ນຈາລຶກທອງເຫລືອງແລ້ວ, ພວກອ້າຍຂອງຂ້າພະເຈົ້າໄດ້ມາຫາຂ້າພະເຈົ້າ ແລະ ຖາມວ່າ: ເລື່ອງທີ່ເຈົ້າອ່ານມານັ້ນໝາຍຄວາມວ່າແນວໃດ? ຈົ່ງເບິ່ງ, ຈະໃຫ້ພວກເຮົາເຂົ້າໃຈເລື່ອງເຫລົ່ານີ້ວ່າມັນເປັນຕາມເລື່ອງທາງວິນຍານທີ່ຈະເກີດຂຶ້ນຝ່າຍວິນຍານ ແລະ ບໍ່ແມ່ນຝ່າຍເນື້ອໜັງບໍ?
2 ແລະ ຂ້າພະເຈົ້ານີໄຟກ່າວກັບພວກເຂົາວ່າ: ຈົ່ງເບິ່ງ ເລື່ອງເຫລົ່ານີ້ໄດ້ຖືກ ກສະແດງໃຫ້ປະຈັກແກ່ ຂສາດສະດາໂດຍສຸລະສຽງຂອງພຣະວິນຍານ; ເພາະໂດຍ ຄພຣະວິນຍານທຸກຢ່າງທີ່ຈະເກີດກັບລູກຫລານມະນຸດຕາມທາງເນື້ອໜັງຍ່ອມເປັນທີ່ຮູ້ແກ່ສາດສະດາ.
3 ດັ່ງນັ້ນ, ເລື່ອງທີ່ເຮົາອ່ານມານັ້ນ ຈຶ່ງເປັນເລື່ອງກ່ຽວກັບທັງ ກຝ່າຍໂລກ ແລະ ຝ່າຍວິນຍານເພາະເບິ່ງວ່າບໍ່ຊ້າກໍໄວທີ່ເຊື້ອສາຍອິດສະຣາເອນຈະ ຂກະຈັດກະຈາຍໄປທົ່ວຜືນແຜ່ນດິນໂລກ ແລະ ໃນບັນດາປະຊາຊາດທັງປວງນຳອີກ.
4 ແລະ ຈົ່ງເບິ່ງ, ມີຄົນຈຳນວນຫລວງຫລາຍທີ່ຫາຍສາບສູນໄປແລ້ວຈາກຄວາມຮູ້ຂອງຜູ້ທີ່ຢູ່ໃນເຢຣູຊາເລັມ. ແທ້ຈິງແລ້ວ, ສ່ວນໃຫຍ່ຂອງຄົນທຸກ ກເຜົ່າໄດ້ຖືກ ຂພາໄປ; ແລະ ເຂົາໄດ້ກະຈັດກະຈາຍໄປຕາມ ຄເກາະໃນທະເລ; ແລະ ເຂົາຢູ່ໃສບໍ່ມີໃຜໃນພວກເຮົາຮູ້ເລີຍ, ນອກຈາກພວກເຮົາຮູ້ມາວ່າເຂົາໄດ້ຖືກພາໄປເທົ່ານັ້ນ.
5 ແລະ ເນື່ອງຈາກເຂົາຖືກພາໄປ ຈຶ່ງມີສາດສະດາທຳນາຍເຖິງເລື່ອງເຫລົ່ານີ້ ຊຶ່ງກ່ຽວກັບເຂົາ ແລະ ກ່ຽວກັບທຸກຄົນຊຶ່ງຕໍ່ຈາກນີ້ຈະກະຈັດກະຈາຍໄປ ແລະ ສັບສົນເພາະພຣະຜູ້ບໍລິສຸດຂອງອິດສະຣາເອນ; ເພາະເຂົາເຮັດໃຈແຂງກະດ້າງຕໍ່ພຣະອົງ; ດັ່ງນັ້ນ, ເຂົາຈຶ່ງຈະກະຈັດກະຈາຍໄປໃນບັນດາປະຊາຊາດທັງປວງ ແລະ ຈະເປັນທີ່ ກກຽດຊັງຂອງທຸກຄົນ.
6 ເຖິງຢ່າງໃດກໍຕາມ, ຫລັງຈາກເຂົາໄດ້ຮັບການ ກບຳລຸງລ້ຽງດູຈາກ ຂຄົນຕ່າງຊາດແລ້ວ, ພຣະເຈົ້າຍົກພຣະຫັດໃຫ້ຄົນຕ່າງຊາດ, ແລະ ຕັ້ງເຂົາໄວ້ເປັນຫລັກສັນຍານ, ແລະ ຄລູກຫລານຂອງເຂົາຈະຖືກອູ້ມມາໃນອ້ອມແຂນ ແລະ ລູກສາວຂອງເຂົາຈະຖືກແບກມາເທິງບ່າ, ຈົ່ງເບິ່ງ ເລື່ອງເຫລົ່ານີ້ ຊຶ່ງມີເວົ້າໄວ້ເປັນເລື່ອງຝ່າຍໂລກ; ເພາະພັນທະສັນຍາຂອງພຣະຜູ້ເປັນເຈົ້າກັບບັນພະບຸລຸດຂອງພວກເຮົາເປັນດັ່ງນັ້ນ; ແລະ ໝາຍເຖິງພວກເຮົາໃນວັນທີ່ຈະມາເຖິງ, ແລະ ພີ່ນ້ອງທຸກຄົນຂອງພວກເຮົາທີ່ເປັນເຊື້ອສາຍອິດສະຣາເອນນຳອີກ.
7 ແລະ ໝາຍຄວາມວ່າ ເວລາຈະມາເຖິງຄື ຫລັງຈາກເຊື້ອສາຍອິດສະຣາເອນທັງໝົດໄດ້ກະຈັດກະຈາຍໄປ ແລະ ສັບສົນແລ້ວ, ອົງພຣະຜູ້ເປັນເຈົ້າຈະຍົກປະເທດທີ່ຍິ່ງໃຫຍ່ປະເທດໜຶ່ງຂຶ້ນໃນບັນດາ ກຄົນຕ່າງຊາດ, ແທ້ຈິງແລ້ວ, ມັນແມ່ນຜືນແຜ່ນດິນນີ້ ແລະ ໂດຍພວກເຂົາລູກຫລານຂອງພວກເຮົາຈຶ່ງຈະ ຂກະຈັດກະຈາຍໄປ.
8 ແລະ ຫລັງຈາກທີ່ລູກຫລານຂອງພວກເຮົາໄດ້ກະຈັດກະຈາຍໄປແລ້ວ ອົງພຣະຜູ້ເປັນເຈົ້າຈະເຮັດ ກສິ່ງອັດສະຈັນຢ່າງໜຶ່ງໃນບັນດາ ຂຄົນຕ່າງຊາດ ຊຶ່ງຈະ ຄມີຄຸນຄ່າທີ່ຍິ່ງໃຫຍ່ກັບລູກຫລານຂອງພວກເຮົາ; ດັ່ງນັ້ນ, ມັນຈຶ່ງເປັນເໝືອນກັບພວກເຂົາຖືກບຳລຸງລ້ຽງຈາກຄົນຕ່າງຊາດ ແລະ ຖືກອູ້ມມາໃນອ້ອມແຂນຂອງພວກເຂົາ ແລະ ແບກໃສ່ບ່າຂອງພວກເຂົາມາ.
9 ແລະ ມັນຈະ ກມີຄຸນຄ່າກັບຄົນຕ່າງຊາດ, ແລະ ບໍ່ພຽງແຕ່ກັບຄົນຕ່າງຊາດເທົ່ານັ້ນ ແຕ່ ຂຍັງມີຄຸນຄ່າກັບ ຄເຊື້ອສາຍອິດສະຣາເອນທັງໝົດນຳອີກ, ໃນວັນທີ່ຈະໃຫ້ຮູ້ຈັກເຖິງ ງພັນທະສັນຍາຂອງພຣະບິດາເທິງສະຫວັນທີ່ຊົງກະທຳໄວ້ກັບອັບຣາຮາມ, ໂດຍກ່າວວ່າ: ໃນ ຈລູກຫລານຂອງເຈົ້າທຸກຕະກຸນຂອງແຜ່ນດິນໂລກຈະໄດ້ ສຮັບພອນ.
10 ແລະ ພວກອ້າຍຂອງເຮົາເອີຍ, ເຮົາຢາກໃຫ້ພວກເຈົ້າຮູ້ວ່າ ທຸກຕະກຸນຂອງແຜ່ນດິນໂລກຈະຮັບພອນບໍ່ໄດ້ ເວັ້ນເສຍແຕ່ພຣະອົງຈະ ກກາງແຂນຂອງພຣະອົງຕໍ່ສາຍຕາຂອງປະຊາຊາດເສຍກ່ອນ.
11 ດັ່ງນັ້ນ, ອົງພຣະຜູ້ເປັນເຈົ້າຈະດຳເນີນການກາງແຂນຂອງພຣະອົງຕໍ່ສາຍຕາຂອງປະຊາຊາດ, ໂດຍນຳເອົາພັນທະສັນຍາຂອງພຣະອົງ ແລະ ພຣະກິດຕິຄຸນຂອງພຣະອົງມາໃຫ້ຜູ້ທີ່ເປັນເຊື້ອສາຍອິດສະຣາເອນ.
12 ດັ່ງນັ້ນ, ພຣະອົງຈະນຳພວກເຂົາອອກມາຈາກການເປັນຊະເລີຍນຳອີກ, ແລະ ພວກເຂົາຈະຖືກ ກເຕົ້າໂຮມເຂົ້າມາຫາແຜ່ນດິນຊຶ່ງເປັນມູນມໍລະດົກຂອງພວກເຂົາ; ແລະ ພວກເຂົາຈະຖືກນຳອອກຈາກການປິດບັງ ແລະ ອອກຈາກ ຂຄວາມມືດ; ແລະ ພວກເຂົາຈະຮູ້ຈັກວ່າ ຄພຣະຜູ້ເປັນເຈົ້າຄື ງພຣະຜູ້ຊ່ວຍໃຫ້ລອດ ແລະ ພຣະຜູ້ໄຖ່ຂອງພວກເຂົາ, ຈພຣະຜູ້ມີລິດທານຸພາບຂອງອິດສະຣາເອນ.
13 ແລະ ເລືອດຂອງສາດສະໜາຈັກໃຫຍ່ ແລະ ກໜ້າກຽດຊັງນັ້ນ ຊຶ່ງເປັນໂສເພນີຂອງແຜ່ນດິນໂລກທັງໝົດ ຈະໄຫລລົງໃສ່ຫົວຂອງພວກເຂົາເອງ, ເພາະພວກເຂົາຈະເຮັດ ຂສົງຄາມລະຫວ່າງພວກເຂົາເອງ, ແລະ ດາບໃນມືຂອງພວກເຂົາ ຄເອງຈະຕົກໃສ່ຫົວຂອງພວກເຂົາເອງ ແລະ ພວກເຂົາຈະມຶນເມົາດ້ວຍເລືອດຂອງພວກເຂົາເອງ.
14 ໂອ້ ເຊື້ອສາຍອິດສະຣາເອນເອີຍ ແລະ ທຸກ ກປະຊາຊາດທີ່ຈະເຮັດສົງຄາມຕໍ່ຕ້ານເຈົ້າຈະຫັນມາຕໍ່ສູ້ກັນເອງ ແລະ ພວກເຂົາຈະ ຂຕົກຫລຸມຊຶ່ງຂຸດໄວ້ດັກຜູ້ຄົນຂອງພຣະຜູ້ເປັນເຈົ້າ; ແລະ ທຸກຄົນທີ່ ຄຕໍ່ສູ້ກັບຊີໂອນຈະຖືກທຳລາຍ; ແລະ ໂສເພນີໃຫຍ່ຜູ້ນັ້ນ, ຜູ້ເຮັດໃຫ້ທາງທີ່ຖືກຕ້ອງຂອງພຣະຜູ້ເປັນເຈົ້າບິດເບືອນໄປ, ແທ້ຈິງແລ້ວ, ສາດສະໜາຈັກໃຫຍ່ ແລະ ໜ້າກຽດຊັງຈະເພພັງລົງຢູ່ ງພື້ນດິນ ແລະ ການຕົກຂອງມັນຈະໃຫຍ່ຫລວງທີ່ສຸດ.
15 ເພາະຈົ່ງເບິ່ງ, ສາດສະດາໄດ້ກ່າວວ່າ, ເວລາຈະມາເຖິງຢ່າງວ່ອງໄວຄື ຊາຕານຈະບໍ່ມີອຳນາດເໜືອໃຈຂອງລູກຫລານມະນຸດອີກ; ເພາະວັນເວລາຈະມາເຖິງໃນບໍ່ຊ້ານີ້ ເມື່ອຄົນທີ່ອວດດີ ແລະ ຄົນທີ່ເຮັດຄວາມຊົ່ວຮ້າຍ ຈະເປັນຄືກັນກັບ ກເຟືອງເຂົ້າ; ແລະ ວັນເວລາຈະມາເຖິງເມື່ອພວກເຂົາຈະຕ້ອງຖືກ ຂໄຟເຜົາ.
16 ເພາະວັນເວລາຈະມາເຖິງໃນບໍ່ຊ້ານີ້ຄື ຄວາມສົມບູນຂອງ ກພຣະພິໂລດຂອງພຣະເຈົ້າຈະເທລົງມາເທິງລູກຫລານມະນຸດທຸກຄົນ; ເພາະພຣະອົງຈະບໍ່ຍອມໃຫ້ຄົນຊົ່ວມາທຳລາຍຄົນຊອບທຳ.
17 ດັ່ງນັ້ນ, ພຣະອົງຈະ ກຮັກສາ ຂຄົນຊອບທຳໄວ້ໃນອຳນາດຂອງພຣະອົງເຖິງແມ່ນຈະເປັນໄປວ່າ ຄວາມສົມບູນຂອງພຣະພິໂລດຂອງພຣະອົງຕ້ອງມາເຖິງ ແລະ ຄົນຊອບທຳຈະໄດ້ຮັບການຮັກສາ ເຖິງແມ່ນຈະເປັນການທຳລາຍສັດຕູຂອງພວກເຂົາດ້ວຍໄຟ. ດັ່ງນັ້ນຄົນຊອບທຳບໍ່ຕ້ອງຢ້ານກົວ ເພາະສາດສະດາໄດ້ກ່າວໄວ້ວ່າ, ພວກເຂົາຈະລອດເຖິງແມ່ນວ່າມັນຈະເປັນຄືກັນກັບໄຟກໍຕາມ.
18 ຈົ່ງເບິ່ງ, ພວກອ້າຍຂອງເຮົາເອີຍ, ເຮົາເວົ້າກັບພວກເຈົ້າວ່າ ສິ່ງເຫລົ່ານີ້ຈະຕ້ອງມາເຖິງໃນບໍ່ຊ້ານີ້; ແທ້ຈິງແລ້ວ, ແມ່ນເລືອດກັບໄຟ, ແລະ ອາຍຄວັນຈະຕ້ອງມາເຖິງ; ແລະ ມັນຈະຕ້ອງມີຂຶ້ນໃນຜືນແຜ່ນດິນໂລກນີ້; ແລະ ມັນຈະມາເຖິງມະນຸດຕາມທາງເນື້ອໜັງຖ້າຫາກພວກເຂົາເຮັດໃຈແຂງກະດ້າງຕໍ່ພຣະຜູ້ບໍລິສຸດຂອງອິດສະຣາເອນ.
19 ຈົ່ງເບິ່ງ, ຄົນຊອບທຳຈະບໍ່ຕາຍ; ເພາະເວລາຈະຕ້ອງມາເຖິງຢ່າງແນ່ນອນຄື ທຸກຄົນທີ່ຕໍ່ຕ້ານຊີໂອນຈະຖືກຕັດອອກ.
20 ແລະ ພຣະຜູ້ເປັນເຈົ້າຈະຕຽມທາງໄວ້ໃຫ້ຜູ້ຄົນຂອງພຣະອົງຢ່າງແນ່ນອນ ເພື່ອໃຫ້ຄຳເວົ້າຂອງໂມເຊສຳເລັດ, ຊຶ່ງເພິ່ນໄດ້ກ່າວໄວ້ ມີຄວາມວ່າ: ພຣະຜູ້ເປັນເຈົ້າອົງເປັນພຣະເຈົ້າຂອງເຈົ້າຈະຍົກ ກສາດສະດາທ່ານໜຶ່ງຂຶ້ນຄືກັນກັບຂ້າພະເຈົ້າໃຫ້ເຈົ້າ; ເຈົ້າຈະໄດ້ຍິນຈາກເພິ່ນຜູ້ນັ້ນທຸກຢ່າງ ບໍ່ວ່າເລື່ອງອັນໃດກໍຕາມທີ່ເພິ່ນຜູ້ນັ້ນເວົ້າກັບເຈົ້າ. ແລະ ເຫດການຈະບັງເກີດຂຶ້ນຄື ຜູ້ໃດທີ່ບໍ່ຟັງສາດສະດາຜູ້ນັ້ນຈະຖືກ ຂຕັດອອກຈາກບັນດາຜູ້ຄົນ.
21 ແລະ ບັດນີ້ຂ້າພະເຈົ້ານີໄຟປະກາດກັບພວກເຈົ້າວ່າ ກສາດສະດາຜູ້ທີ່ໂມເຊເວົ້າເຖິງຄື ພຣະຜູ້ບໍລິສຸດຂອງອິດສະຣາເອນ; ດັ່ງນັ້ນ, ພຣະອົງຈະກະທຳ ຂການພິພາກສາດ້ວຍຄວາມຊອບທຳ.
22 ແລະ ຄົນຊອບທຳບໍ່ຕ້ອງຢ້ານກົວເພາະພວກເຂົາຄືຜູ້ທີ່ຈະບໍ່ຖືກທຳລາຍ, ແຕ່ຈະເປັນອານາຈັກຂອງມານ ຊຶ່ງມັນຈະຖືກສ້າງຂຶ້ນໃນບັນດາລູກຫລານມະນຸດ, ຊຶ່ງອານາຈັກນັ້ນຖືກສະຖາປະນາຂຶ້ນໃນບັນດາຜູ້ຄົນທີ່ຢູ່ໃນເນື້ອໜັງ—
23 ເພາະວັນເວລາຈະມາເຖິງຢ່າງວ່ອງໄວຄື ເມື່ອ ກສາດສະໜາຈັກທຸກແຫ່ງທີ່ສ້າງຂຶ້ນເພື່ອຫາຜົນປະໂຫຍດ, ແລະ ສາດສະໜາຈັກທີ່ສ້າງຂຶ້ນເພື່ອມີອຳນາດທາງເນື້ອໜັງ, ແລະ ສາດສະໜາຈັກທີ່ສ້າງຂຶ້ນເພື່ອເປັນທີ່ ຂນິຍົມໃນສາຍຕາຂອງໂລກ, ແລະ ສາດສະໜາຈັກທີ່ສະແຫວງຫາຄວາມໂລບມາກທາງເນື້ອໜັງ ແລະ ສິ່ງຂອງທາງໂລກ ແລະ ເຮັດຄວາມຊົ່ວຮ້າຍນາງໆປະການ; ແທ້ຈິງແລ້ວ, ໂດຍສະຫລຸບ, ພວກທີ່ເປັນອານາຈັກຂອງມານຄື ຜູ້ທີ່ຕ້ອງຢ້ານກົວຕົວສັ່ນ ແລະ ຄຫວັ່ນໄຫວ, ພວກເຂົາຈະຕ້ອງຖືກນຳລົງຕ່ຳຢູ່ພື້ນດິນ; ພວກເຂົາຈະຕ້ອງຖືກ ງໄຟເຜົາຄືກັນກັບເຟືອງເຂົ້າ ແລະ ນີ້ຈະເປັນຕາມຄຳເວົ້າຂອງສາດສະດາ.
24 ແລະ ວັນເວລາຈະມາເຖິງຢ່າງວ່ອງໄວຄື ຄົນຊອບທຳຈະຕ້ອງຖືກພາຂຶ້ນໄປຄືກັນກັບ ກລູກງົວໃນຄອກ ແລະ ພຣະຜູ້ບໍລິສຸດຂອງອິດສະຣາເອນຈະປົກຄອງດ້ວຍລິດເດດ, ດ້ວຍອຳນາດ ແລະ ລັດສະໝີພາບອັນຍິ່ງໃຫຍ່.
25 ແລະ ພຣະອົງຈະ ກເຕົ້າໂຮມລູກຫລານຂອງພຣະອົງຈາກສີ່ສ່ວນຂອງແຜ່ນດິນໂລກ ແລະ ພຣະອົງຈະນັບຈຳນວນແກະຂອງພຣະອົງ, ແລະ ພວກເຂົາກໍຈະຮູ້ຈັກພຣະອົງ ແລະ ຈະມີແກະຄອກດຽວ ແລະ ມີ ຂຜູ້ລ້ຽງຜູ້ດຽວ, ແລະ ພຣະອົງຈະລ້ຽງແກະຂອງພຣະອົງ, ແລະ ໃນຕົວຂອງພຣະອົງ ພວກເຂົາຈະພົບ ຄທົ່ງຫຍ້າ.
26 ແລະ ເພາະຄວາມຊອບທຳຂອງຜູ້ຄົນຂອງພຣະອົງ, ກຊາຕານຈຶ່ງບໍ່ມີອຳນາດ; ດັ່ງນັ້ນ, ມັນຈຶ່ງຫລຸດອອກມາບໍ່ໄດ້ເປັນເວລາ ຂຫລາຍປີ ເພາະມັນບໍ່ມີອຳນາດເໜືອໃຈຂອງຜູ້ຄົນ; ເພາະພວກເຂົາຢູ່ໃນຄວາມຊອບທຳ ແລະ ພຣະຜູ້ບໍລິສຸດຂອງອິດສະຣາເອນ ຄປົກຄອງ.
27 ແລະ ບັດນີ້ຈົ່ງເບິ່ງ, ຂ້າພະເຈົ້ານີໄຟກ່າວກັບພວກເຈົ້າວ່າ ເລື່ອງທັງໝົດນີ້ຕ້ອງມາເຖິງຕາມທາງຝ່າຍເນື້ອໜັງ.
28 ແຕ່, ຈົ່ງເບິ່ງ, ທຸກປະຊາຊາດ, ທຸກຕະກຸນ, ທຸກພາສາ, ແລະ ທຸກຜູ້ຄົນທັງປວງຈະຢູ່ຢ່າງປອດໄພໃນ ພຣະຜູ້ບໍລິສຸດຂອງອິດສະຣາເອນ ຖ້າຫາກເປັນໄປວ່າພວກເຂົາຈະ ກກັບໃຈ.
29 ແລະ ບັດນີ້ຂ້າພະເຈົ້ານີໄຟຂໍຈົບພຽງເທົ່ານີ້; ເພາະວ່າເຮົາບໍ່ກ້າເວົ້າກ່ຽວກັບເລື່ອງເຫລົ່ານີ້ອີກຕໍ່ໄປ.
30 ດັ່ງນັ້ນ, ພວກອ້າຍຂອງເຮົາເອີຍ, ເຮົາຢາກໃຫ້ພວກເຈົ້າພິຈາລະນາວ່າ ເລື່ອງຊຶ່ງມີຂຽນໄວ້ໃນ ກແຜ່ນຈາລຶກທອງເຫລືອງນີ້ເປັນຄວາມຈິງ; ແລະ ມັນໃຫ້ຖ້ອຍຄຳວ່າມະນຸດຕ້ອງເຊື່ອຟັງພຣະບັນຍັດຂອງພຣະເຈົ້າ.
31 ດັ່ງນັ້ນ, ພວກເຈົ້າບໍ່ຕ້ອງຄິດວ່າເຮົາກັບບິດາຂອງເຮົາເທົ່ານັ້ນທີ່ເປັນຜູ້ໃຫ້ຖ້ອຍຄຳ ແລະ ສິດສອນສິ່ງເຫລົ່ານີ້. ດັ່ງນັ້ນ, ຖ້າພວກເຈົ້າຈະເຊື່ອຟັງ ກພຣະບັນຍັດ ແລະ ອົດທົນຈົນເຖິງທີ່ສຸດ, ພວກເຈົ້າຈະລອດໃນວັນສຸດທ້າຍ. ແລະ ເປັນໄປດັ່ງນັ້ນ. ອາແມນ.