Dagiti Nasantuan a Kasuratan
1 Nephi 2


Kapitulo 2

Ikuyog ni Lehi ti pamiliana iti let-ang nga asideg ti Nalabaga a Baybay—Panawanda dagiti sanikuada—Mangidaton ni Lehi iti maysa a sakripisio iti Apo ken isurona dagiti annakna nga agbiag sigun kadagiti bilin—Agdayamudom da Laman ken Lemuel kontra iti amada—Agtulnog ni Nephi ken agkararag a mangipakita iti pammati; makisao ti Apo kenkuana, ken mapili isuna nga agturay kadagiti lallaki a kakabsatna. Agarup 600 B.C..

1 Ket kitaen, napasamak a nakisarita ti Apo iti amak, wen, uray pay iti tagainep, ket kinunana kenkuana: Naparaburanka Lehi, gapu kadagiti bambanag a naaramidmo; ken gapu ta napudnoka ken indeklaram kadagiti tattao dagiti bambanag nga imbilinko kenka, kitaen, ikagumaanda a akettelen ti biagmo.

2 Ket napasamak a abinilin ti Apo ti amak, uray iti maysa a btagainep, a masapul nga cikuyogna ti pamiliana ket mapanda iti let-ang.

3 Ket napasamak a anatulnog isuna kadagiti sao ti Apo, gapuna inaramidna ti imbilin ti Apo kenkuana.

4 Ket napasamak a napan isuna iti let-ang. Ket pinanawanna ti balayna, ken dagiti tinawidna a daga, ken ti balitokna, ken ti pirakna, ken dagiti napapateg a bambanagna, ket awan ti intugotna, malaksid iti pamiliana, ken dagiti probisionna, ken dagiti tolda, ket anapanda iti let-ang.

5 Ket bimmaba isuna iti beddeng nga asideg ti igid ti aNalabaga a Baybay; ket nagdaliasat iti let-ang iti beddeng nga as-asideg iti Nalabaga a Baybay; ket nagdaliasat iti let-ang a kaduana ti pamiliana, a buklen ti inak, a ni Saria, ken dagiti inauna a lallaki a kakabsatko, da bLaman, Lemuel, ken Sam.

6 Ket napasamak nga idi nakadaliasat isuna iti tallo nga aldaw iti let-ang, impatakderna ti toldana iti atanap iti abay ti maysa a karayan.

7 Ket napasamak a nangibangon isuna iti maysa nga aaltar a bbato, ken nangidaton iti Apo, ken cnagyaman iti Apo a Diostayo.

8 Ket napasamak a ninagananna ti karayan, ti Laman, ket nagayus iti Nalabaga a Baybay; ket adda ti tanap kadagiti beddeng nga asideg ti ungtona.

9 Ket idi nakita ti amak nga agayus ti danum ti karayan iti lukong ti Nalabaga a Baybay, kinasaritana ni Laman, kinunana: O sapay koma ta agbalinka a kas iti daytoy a karayan, nga agtultuloy nga agay-ayus iti ubbog ti amin a kinalinteg!

10 Ket kinasaritana met ni Lemuel: O sapay koma ta agbalinka a kas iti daytoy a tanap, a nakired ken natibker, ken saan a maisin iti panagtungpal kadagiti bilin ti Apo!

11 Ita kinunana daytoy gapu iti kinasukir da Laman ken Lemuel; gapu ta kitaen adu a bambanag ti aindaydayamudomda a kontra iti bamada, agsipud ta cmanagparmata a tao isuna, ken inturongna ida a rimmuar iti daga ti Jerusalem, tapno panawanda ti daga a tinawidda, ken ti balitokda, ken ti pirakda, ken dagiti napapateg a bambanagda, tapno matayda iti langalang. Ket kinunada nga inaramidna daytoy gapu kadagiti minamaag nga arapaap ti pusona.

12 Ket ngarud, agsipud ta in-inauna da Laman ken Lemuel, nagdayamudomda maibusor iti amada. Ket nagdayamudomda gapu ta asaanda nga ammo dagiti pannakilangen ti Dios a nangparsua kadakuada.

13 Saanda pay a mamati a ti Jerusalem, ti naindaklan a siudad, ket mabalin a amadadael a mayannurot iti sao dagiti propeta. Ket mayarigda kadagiti Hudio nga adda iti Jerusalem, a nangpanggep a mangkettel iti biag ti amak.

14 Ket napasamak a kinasao ti amak ida iti tanap ti Lemuel, nga addaan iti apannakabalin, gapu ta napnuan iti Espiritu, agingga a bnagtigerger dagiti bagida iti sangona. Ket tinubngarna ida, a saanda a naitured ti nagsao iti maibusor kenkuana; gapuna, nagtungpalda kas iti imbilinna.

15 Ket nagnaed ti amak iti tolda.

16 Ket napasamak a siak, ni Nephi, nupay ubingak unay, ngem dakkel ti pammagik, ken addaan met iti nasged a tarigagay a mangammo kadagiti apalimed ti Dios, gapuna, immawagak iti Apo; ket kitaen bsinarungkarannak a talaga, ket cpinaluknengna ti pusok ta talaga a dnamatiak kadagiti amin a balikas nga imbaga ti eamak; ngarud, saanak a nagrebelde kontra kenkuana a kas kadagiti lallaki a kakabsatko.

17 Ket kinasaritak ni Sam, tapno maipakaammo kenkuana dagiti bambanag nga imparangarang ti Apo kaniak babaen ti Espiritu Santona. Ket napasamak a namati isuna kadagiti balikasko.

18 Ngem kitaen, nagkedkedda a dumngeg da Laman ken Lemuel kadagiti balikasko; ket anagladingitak gapu iti kinatangken dagiti pusoda, ket nagkararagak iti Apo para kadakuada.

19 Ket napasamak a kinasaritanak ti Apo, a kunana: Naparaburanka, Nephi, gapu iti apammatim, ta sigagagetka nga am-ammuennak, nga addaan iti napakumbaba a puso.

20 Ket no tungpalemto dagiti bilinko, arumang-aykanto, ken maiturongkanto iti bnaikari a daga; wen, uray iti daga nga insaganak nga agpaay kenka; wen, iti daga a kasayaatan kadagiti amin a daga.

21 Ket no agsukirda kadagiti kakabsatmo a lallaki a maibusor kenka, amailaksiddanto manipud iti imatang ti Apo.

22 Ket no la ket tungpalemto dagiti bilinko, maitudingka a kas aagturay ken manursuro kadagiti lallaki a kakabsatmo.

23 Ket kitaen, iti dayta nga aldaw nga agrebeldeda kontra kaniak, ailunodkonto ida uray iti nakaro a lunod, ket awanto ti bilegda kadagiti kaputotam malaksid no agrebeldedanto met kaniak.

24 Ket no ngarud agrebeldeda kontra kaniak, agbalindanto a asaplit kadagiti kaputotam, tapno bgutugoten ida kadagiti wagas a pakalaglagipan.