፩ እናም እንዲህ ሆነ ለወንድሞቼ እንዲህ ስል ተናገርኩ፥ ተመልሰን ወደ ኢየሩሳሌም እንሂድ፣ እናም የጌታን ትዕዛዝ በመጠበቅ ^ሀታማኝ እንሁን፣ እነሆም እርሱ ከምድር ላይ ካለው ሁሉ ^ለኃያል ነው፣ ከላባንና ከአምሳዎቹ ሰዎች፣ አዎን፣ ወይንም ከአስር ሺዎቹ እንኳ ለምን የበለጠ ኃያል አይሆንምን?

፪ ስለዚህ እንሂድ፣ ልክ እንደ ^ሀሙሴ ^ለጠንካሮች እንሁን፣ እነሆ እርሱ በእውነት ^ሐየቀይ ባሕርን ውሃ ተናገረው፣ ውሃውም ወዲያና ወዲህ ተከፈለ፣ አባቶቻችንም በውስጡ ተሻግረው ከግዛት በደረቅ ምድር ወጡ፣ እናም የፈርዖን ሰራዊት ተከተሉትና፣ በቀይ ባሕር ውሃ ውስጥ ሰጠሙ።

፫ አሁን እነሆ ይህ እውነት እንደሆነ አውቃችኋል፣ እናም ደግሞ ^ሀመልአክ እንደተናገራችሁ ታውቃላችሁ፣ ስለዚህ፣ ልትጠራጠሩ ትችላላችሁን? እንሂድ ጌታ እኛን እንደአባቶቻችን ሊያድነን ላባንን እንደግብፃውያን ሊያጠፋ ይቻለዋል።

፬ አሁን እነዚህን ቃላት በተናገርኩ ጊዜ፣ እንደተቆጡና አሁንም ማጉረምረማቸውን እንደቀጠሉ ነበር፣ ይሁን እንጂ እስከ ኢየሩሳሌም ግንብ ውጪ እስከደረስን ድረስ ተከተሉኝ።

፭ እና ይህም በምሽት ነበር፤ እራሳቸውን ከግንቡ ውጪ እንዲደብቁ አደረኳቸው። እነርሱም ራሳቸውን ከደበቁ በኋላ እኔ ኔፊ ወደ ከተማው ሾለኩና፣ ወደ ላባን ቤት ሄድኩ።

፮ እናም ማድረግ ያለብኝን ነገሮች ቀድሜ ^ሀሳላውቅ በመንፈስ ^ለተመራሁ።

፯ ይሁን እንጂ፣ እኔም ወደፊት ሄድኩ፣ እናም ወደ ላባን ቤት እየቀረብኩ ስሄድ አንድ ሰው አየሁ፣ እና የወይን ጠጅ ጠጥቶ ሰክሮ ስለነበረ ከፊቴ በመሬት ላይ ወድቆ ነበር።

፰ እና ወደ እርሱ በመጣሁ ጊዜ ይህም ላባን እንደሆነ አወቅኩኝ።

፱ የእርሱን ^ሀጎራዴ አየሁ፣ ከአፎቱም መዘዝኩት፣ የጎራዴውም መያዣ የተሰራው ከንፁህ ወርቅ ነበር፣ አሰራሩም እጅግ ያማረ ነበር፣ እናም ስለቱ በጣም ከከበረ ብረት መሆኑን አየሁ።

፲ እናም እንዲህ ሆነ ላባንን እገድለው ዘንድ በመንፈስ ^ሀተገፋፋሁ፤ ነገር ግን በልቤ፣ በማንኛውም ጊዜ የሰው ደም አፍስሼ አላውቅም አልኩ። እና እኔ ተሸማቀቅሁና፣ እርሱን ላለመግደል ፈለግሁ።

፲፩ እናም መንፈስ በድጋሚ እንዲህ አለኝ፥ እነሆ ^ሀጌታ እርሱን በእጆችህ አሳልፎ ሰጥቶሀል። አዎን፣ እኔም ደግሞ ሕይወቴን ሊወስድ እንደፈለገ አውቃለሁ፤ አዎን የጌታን ትዕዛዝ አያዳምጥም፤ እናም ንብረታችንንም ደግሞ ^ለወስዷል።

፲፪ እናም እንዲህ ሆነ መንፈስ ለእኔ እንደገና እንዲህ አለኝ፥ ግደለው፣ ጌታ በእጆችህ አሳልፎ ሰጥቶሀልና፤

፲፫ እነሆ ጌታ ጻድቃዊ ዓላማውን ያሟላ ዘንድ ^ሀክፉዎችን ^ለይገድላል። አንድ አገር እምነት በማጣት ከሚመነምንና ከሚሞት አንድ ሰው ቢሞት ^ሐይሻላል።

፲፬ እናም አሁን፣ እኔ፣ ኔፊ፣ እነዚህን ቃላት ስሰማ ጌታ በምድረበዳ እንዲህ ብሎ የተናገረኝን ቃላት አስታወስኩ፥ ዘርህ ^ሀትዕዛዛቴን ^ለእስከጠበቁ ድረስ ^ሐበቃልኪዳኑ ምድር ላይ ^መይበለፅጋሉ።

፲፭ አዎን ሕጉ ከሌላቸው በስተቀር በሙሴ ህግ መሰረት የጌታን ትዕዛዛት ሊጠብቁ እንደማይችሉ ደግሞ አሰብኩ።

፲፮ እናም እኔ ደግሞ ^ሀህጉ በነሀስ ሰሌዳው ላይ እንደተቀረፀም አውቃለሁ።

፲፯ እናም እንደገና ጌታ በትዕዛዙ መሰረት መዝገቦቹን አገኝ ዘንድ ላባንን በእጄ አሳልፎ የሰጠኝ ለዚህ ምክንያት መሆኑን አወቅሁ።

፲፰ ስለዚህ ለመንፈስም ድምፅ ታዘዝኩ፣ እና ላባንን የራሱን ፀጉር ይዤ በራሱ ^ሀጎራዴ አንገቱን ቆረጥኩት።

፲፱ እናም በራሱ ጎራዴ አንገቱን ከቆረጥኩ በኋላ፣ የላባንን ልብስ ወስጄ ለበስኩት፣ አዎን፣ አንድ ነገር ሳይቀር፣ እናም የእርሱን ጥሩር በወገቤ ላይ ታጠቅሁት።

፳ ይህን ካደረግሁ በኋላ ወደ ላባን ግምጃ ቤት ተጓዝኩ። ወደ ላባን ግምጃ ቤት ስሄድ፣ እነሆም የግምጃ ቤቱን ቁልፍ የያዘውን የላባንን ^ሀአገልጋይ አየሁ። እናም በላባን ድምፅ ወደ ግምጃ ቤቱ ከእኔ ጋር እንዲሄድ አዘዝኩት።

፳፩ እናም እርሱ የላባንን ልብስና ጎራዴውን በወገቤ መታጠቄን በማየቱ የእርሱ አለቃ መሰልኩት።

፳፪ እናም እርሱ አለቃው ላባን ሌሊቱን ከአይሁድ ሽማግሌዎች ጋር መሆኑን ስለሚያውቅ፣ ስለእነርሱ አነጋገረኝ።

፳፫ እናም እኔ ልክ ላባን እንደሆንኩኝ አስመስዬ ከእርሱ ጋር ተነጋገርኩ።

፳፬ እኔ ከግንቡ ውጭ ወደ ሚገኙት ታላላቅ ወንድሞቼ ^ሀበነሀስ ሰሌዳ ላይ የተቀረፁትን ተሸክሜ መውሰድ እንዳለብኝ ተናገርኩት።

፳፭ እናም እኔ ደግሞ ሊከተለኝ እንደሚገባው አዘዝኩት።

፳፮ እርሱ የተናገርኩት ስለቤተክርስቲያን ወንድሞች መሰለው፣ እና እውነት እኔ የገደልኩትን ላባንን መሰልኩት፣ ስለዚህም ተከተለኝ።

፳፯ እናም እርሱ ከግንቡ ውጭ ወዳሉት ወንድሞቼ ስጓዝ ብዙ ጊዜ አይሁዶች ሽማግሌዎችን በተመለከተ ተናገረኝ።

፳፰ እናም እንዲህ ሆነ ላማን ባየኝ ጊዜ እጅግ ፈራ፣ እንዲሁም ልሙኤልና ሳምም። እናም እነርሱም ላባን ነው ብለው ስላሰቡ እኔንም የገደለኝና የእነርሱንም ህይወት የሚያጠፋ ስለመሰላቸው ከፊቴ ሸሹ።

፳፱ እናም እንዲህ ሆነ እኔም ጠራኋቸው፣ እናም ሰሙኝ፤ ስለዚህ ከፊቴ መሸሻቸውን አቆሙ።

፴ እናም እንዲህ ሆነ የላባን አገልጋይ ወንድሞቼን ሲያይ መንቀጥቀጥ ጀመረና፣ ከእኔ ሸሽቶ ወደ ኢየሩሳሌም ሊመለስ ፈለገ።

፴፩ እናም አሁን እኔ፣ ኔፊ፣ በአቋሜ ግዙፍ በመሆኔና ከጌታም ^ሀጥንካሬን በማግኘቴ የላባንን አገልጋይ እንዳይሸሽ ያዝኩት።

፴፪ እናም እንዲህ ሆነ ጌታ ህያው እንደሆነ እኔም እስካለሁ ድረስ የእኔን ቃላት ከሰማ እንዲሁም ቃላታችንን ለመስማት ፈቃደኛ ከሆነ ሕይወቱን እኛ እንደምናተርፍለት ተናገርኩት።

፴፫ እናም እርሱ ከእኛ ጋር ወደ ምድረበዳ የሚሄድ ከሆነ መፍራት እንደሌለበት ልክ እንደ እኛ ነፃ ሰው እንደሚሆን ^ሀበመሃላ ጭምር ተናገርኩት።

፴፬ እናም እኔ እንዲህ ብዬ ተናገርኩት፥ በእርግጥ ጌታ ይህን እንድናደርግ ^ሀአዞናል፣ እናም የጌታንስ ትዕዛዛት በመጠበቅ መትጋት የለብንምን? ስለዚህ አንተ ወደ ምድረበዳ ወደ አባቴ የምትወርድ ከሆነ ከእኛ ጋር ትኖራለህ።

፴፭ እናም እንዲህ ሆነ ^ሀዞራም እኔ በተናገርኳቸው ቃላት ተበረታታ። ዞራም የአገልጋዩ ስም ነበር፤ እናም እርሱ ወደ ምድረበዳ ወደ አባታችን እንደሚሄድ ቃል ገባ። አዎን፣ ደግሞም ከዚያን ጊዜ ጀምሮ እርሱ ከእኛ ጋር እንደሚቆይ ማለልን።

፴፮ አሁን እርሱ ከእኛ ጋር እንዲቆይ የፈለግንበት ለዚህ ምክንያት ነበር፣ አይሁዶች እኛን እንዳያሳድዱን እናም እንዳያጠፉን በመፍራት ወደ ምድረበዳ መሸሸታችንን እንዳያውቁ ዘንድ ነው።

፴፯ እናም እንዲህ ሆነ ዞራም ^ሀመሃላ ሲገባልን እርሱን በተመለከተ የነበሩን ፍርሃቶች አቆሙ።

፴፰ እናም እንዲህ ሆነ የነሀስ ሰሌዳዎችንና የላባንን አገልጋይ ወሰድንና፣ ወደ ምድረበዳው ሄድን፣ እንዲሁም ወደ አባታችን ድንኳን ተጓዝን።