1 Ket napasamak a kinasaritak dagiti lallaki a kakabsatko, a kinunak: Intayo manen idiay Jerusalem, ken ^anapudnotayo koma nga agtungpal kadagiti bilin ti Apo; ta kitaen naturturay ti Apo ngem iti amin a tattao ditoy daga, ngarud apay koma a saan a ^bnabilbileg ngem ni Laban ken dagiti limapulona, wen, wenno uray pay kadagiti pinullo a rinibribuna?

2 Ngarud intayo; ^aagpapigsatayo a kas ken ni ^bMoises; gapu ta talaga a pudno nga imbagana iti danum ti ^cNalabaga a Baybay ket nagbingay ti danum ket bimmallasiw dagiti ammatayo, manipud iti pannakabalud, iti namaga a daga, ket simmurot dagiti armada ti Faraon ket nalmesda kadagiti danum ti Nalabaga a Baybay.

3 Ita kitaenyo ammoyo a pudno daytoy; ket ammoyo met a nakisarita ti ^aanghel kadakayo; ngarud mabalin kadi nga agduaduakayo? Intayon; kabaelan ti Apo nga isalakanatayo, uray pay a kas kadagiti ammatayo, ken papatayen ni Laban, a kas kadagiti taga-Egipto.

4 Ita idi naisaok dagitoy a balikas, nakapungtotda pay laeng, ket talaga nga agtulutloy nga agdaydayamudomda pay laeng; nupay kasta talaga a simmurotda kaniak agingga iti ruar dagiti pader ti Jerusalem.

5 Ket rabii idi; ket imbilinko a nasken nga aglemmengda iti ruar dagiti pader. Ket kalpasan a naglemmengda, siak, ni Nephi, sililimed a simrekak iti siudad ket napanak iti balay ni Laban.

6 Ket ^anaiturongak ti Espiritu, a saanko ^bammo a nasakbayan dagiti bambanag a rebbeng nga aramidek.

7 Nupay kasta napanak, ket bayat iti yaasidegko iti balay ni Laban, nakitak ti maysa a lalaki, ket nadalupo isuna iti daga iti sangok, gapu ta nabartek isuna iti arak.

8 Ket idi makaasidegak kenkuana natakuatak a ni Laban.

9 Ket nakitak ti ^aespadana, ket inasutko manipud iti kalubanna; ket puro a balitok ti putanna, ket napino unay ti pannakaaramidna, ket nakitak a naaramid ti tademna iti kapatgan nga asero.

10 Ket napasamak a ^anapilitak ti Espiritu a rumbeng a patayek ni Laban; ngem kinunak iti pusok: Saannak pay pulos nangpatay iti tao iti aniaman a tiempo. Ket nagkedkeddak ken saanko kayat a papatayen isuna.

11 Ket kinuna manen kaniak ti Espiritu: Kitaen, inyawat ti ^aApo isuna kadagita imam. Wen, ket ammok met nga pinadasna a mangkettel iti biagko; wen, ket nagkedkeddak isuna a dumngeg kadagiti bilin ti Apo; ket ^binnalana pay dagiti sanikuami.

12 Ket napasamak a kinuna manen kaniak ti Espiritu: Patayem isuna, gapu ta inyawat ti Apo isuna kadagita imam;

13 Kitaem ti Apo ^apatayenna dagiti ^bnadangkes tapno maaramid dagiti nalinteg a panggepna. Isu a ^cnasaysayaat a matay ti maysa a tao ngem ti maysa a pagilian ti kumapsut ken maungaw gapu iti kinaawan pammati.

14 Ket ita, siak ni Nephi, idi nangngegko dagitoy a balikas, nalagipko dagiti imbaga ti Apo kaniak iti langalang, a kinunana: ^aNo la ketdi agtulnog dagiti kaputotam kadagiti ^bbilinko, ^crumang-aydanto iti ^dnaikari a daga.

15 Wen, ket napanunotko met a saanda a matungpal dagiti bilin ti Apo a maiyannurot iti linteg ni Moises, malaksid no adda kadakuada ti linteg.

16 Ket ammok met a naikitikit ti ^apaglintegan kadagiti pinanid a gambang.

17 Ket manen, ammok nga inyawat ti Apo ni Laban kadagiti imak para iti daytoy a panggep—tapno maalak dagiti kasuratan a maiyannurot kadagiti bilinna.

18 Ngarud tinungpalko ti timek ti Espiritu, ket innalak ni Laban babaen ti panangpungotko ti buokna ket pinutolko ti ulona babaen ti ^aespadana.

19 Ket kalpasan ti panangputolko ti ulona babaen ti espadana, innalak dagiti kawkawes ni Laban ket inyusongko ida iti bagik; wen, uray ti tunggal kabassitan a partena; ket imbarikesko ti kalasagna.

20 Ket kalpasan a naaramidko daytoy, napanak iti tesoreria ni Laban. Ket iti ipapanko iti pagidulinan ni Laban iti gamengna, kitaen, nakitak ti ^akatulongan ni Laban nga akin-iggem iti tulbek iti tesoreria ni Laban. Ket binilinko isuna iti timek ni Laban, a masapul a makikuyog kaniak iti ayan iti tesoreria ni Laban.

21 Ket impagarupna a siak ti apona, a ni Laban, gapu ta nakitana dagiti kawes ken kasta met ti espada nga imbarikesko.

22 Ket nakisarita kaniak maipapan kadagiti panglakayen dagiti Hudio, ta ammona a nakikuyog kadakuada ti apona, ni Laban, iti dayta a rabii.

23 Ket nakisaritaak kenkuana a kasla siak ni Laban.

24 Ket imbagak met kenkuana a masapul nga ipanko dagiti nakitikitan, nga adda kadagiti ^apinanid a gambang, kadagiti inauna a lallaki a kakabsatko, nga adda iti ruar dagiti pader.

25 Ket binilinko met a masapul a surutennak.

26 Ket, gapu ta impagarupna a sarsaritaek dagiti kakabsat iti simbaan, ken ta siak ti pudno a Laban a napatayko, ngarud talaga a sinurotnak.

27 Ket namin-adu a kinasaritanak maipanggep kadagiti panglakayen dagiti Hudio, bayat ti papanko kadagiti lallaki a kakabsatko, nga adda iti ruar ti pader.

28 Ket napasamak nga idi nakitanak ni Laman kasta unay ti butengna, ken kasta met da Lemuel ken Sam. Ket naglibasda iti imatangko; gapu ta impagarupda a siak ni Laban, ken pinataynak ket inkagumaanna met a patayen ida.

29 Ket napasamak nga inawagak ida, ket talaga a nangngegdak; ngarud talaga a nagsardengda nga aglibas iti imatangko.

30 Ket napasamak a nangrugi nga agtigerger ti katulongan ni Laban idi nakitana dagiti lallaki a kakabsatko, ket dandanin nga aglibas manipud iti sanguanak ket agsubli iti siudad ti Jerusalem.

31 Ket ita siak, ni Nephi, agsipud ta dakkel ti pammagik, ken gapu ta nakaawat iti adu a ^apigsa manipud iti Apo, ngarud iniggamanko ti katulongan ni Laban, ket tiniliwko isuna, tapno saan nga aglibas.

32 Ket napasamak a kinasaritak isuna, a no tungpalenna kadagiti balikasko, ingana sibibiag ti Apo, ken inggana a sibibiagak, kasta met a no tungpalenna kadagiti balikasmi, ispalenmi ti biagna.

33 Ket kinasaritak isuna, uray pay iti maysa a ^asapata, a saanna a nasken nga agbuteng; ta maysanto isuna a nawaya a tao a kas kadakami no sumurot kadakami idiay let-ang.

34 Ket kinasaritak pay isuna, a kunak: Pudno a ^abinilinnakami ti Apo nga aramiden daytoy a banag; ket saankami kadi nga agregta a mangtungpal kadagiti bilin ti Apo? Ngarud, no sumurotka iti let-ang nga ayan ti amak addanto lugarmo iti sidongmi.

35 Ket napasamak a talaga a naparegtaan ni ^aZoram babaen dagiti balikas nga imbagak. Ita, Zoram ti nagan ti katulongan; ket nagkari isuna a sumurot iti let-ang nga ayan ti amami. Wen, ket nagsapata met isuna kadakami a makipagnaed kadakami manipud iti dayta a kanito.

36 Ita tarigagaymi a masapul nga agnaed ni Zoram kadakami para iti daytoy a panggep, tapno saan a maammuan dagiti Hudio ti maipapan iti itataraymi iti let-ang, gapu ta kabutengmi no kamaten ken papatayendakami.

37 Ket napasamak nga idi ^anagsapata ni Zoram kadakami, talaga nga naawan ti butengmi maipapan kenkuana.

38 Ket napasamak nga innalami dagiti pinanid a gambang ken ti katulongan ni Laban, ket napankami iti let-ang, ket nagdaliasatkami a nagturong iti tolda ti amami.