Tusitusiga Paia
1 Nifae 4


Mataupu 4

Ua fasioti Lapana e Nifae i le poloaiga a le Alii ma maua ai e ia papatusi apamemea i se togafiti—Ua filifili Sorama e faatasi atu ma le aiga o Liae i le vao. E tusa o le 600–592 T.L.M.

1 Ma sa oo ina ou tautala atu i o’u uso, e faapea: Inā tatou toe o a’e ia i Ierusalema, ma ia tatou afaamaoni i le tausiga o poloaiga a le Alii; aua faauta ua silisili atu lona malosi i le lalolagi atoa, ona lē esili ea la i se alona malosi nai lo o Lapana ma lana toalimagafulu, ioe, po o ana sefulu o afe?

2 O lea ia tatou o a’e; ia tatou afaamalolosi e pei o eMose; ona e moni sa fetalai atu o ia i vai o le iSami Ulaula ona vaeluaina ai lea i le tasi itu ma le isi itu, ma o mai ai o tatou tamā i fafo, mai le faatagataotauaina, i le ilititai matutu, ma mulimuli atu ai ‘au a Farao, ma malelemo ai i vai o le Sami Ulaula.

3 O lenei faauta ua oulua iloa ua moni lenei mea; ma ua oulua iloa foi na fetalai mai se aagelu ia te oulua; o le mea lea e mafai ea faapefea ona oulua masalosalo? Inā tatou o a’e ia; e mafai e le Alii ona laveai i tatou, e pei lava o o tatou tamā, ma faaumatia Lapana, e pei lava o tagata Aikupito.

4 O lenei ina ua uma ona ou tautala atu o nei upu, sa laua feita pea, ma sa muimui pea; ae ui i lea sa laua mulimuli mai ia te a’u sei oo ina matou taunuu i tuapa o Ierusalema.

5 Ma o le po na faia ai; ma sa ou faatonu atu ia latou lalafi i tuapa. Ma ina ua uma ona latou lalafi, o a’u, o Nifae, sa ou tolotolo atu i le aai ma ou alu atu agai i le fale o Lapana.

6 Ma sa ataitai a’u e le Agaga, sa ou lē mua’i eiloa muamua mea e tatau ona ou faia.

7 Ae ui i lea sa ou alu atu, ma ina ua ou latalata atu i le fale o Lapana sa ou vaaia se tagata, ma sa pa’ū o ia i le eleele i o’u luma, ona ua ’onā o ia i le uaina.

8 Ma ina ua ou oo atu ia te ia sa ou iloaina o ia o Lapana.

9 Ma sa ou vaai atu i lana apelu, ma sa ou se’ia i fafo mai lona faamoega; ma o lona ’au sa faia i le auro mao’i, ma o lona gaosiga sa matua matagofie lava; ma sa ou vaai o lona lau o le sila ua sili ona lelei.

10 Ma sa oo ina auunaia a’u e le Agaga ia ou fasioti ia Lapana; ae sa ou fai ifo i lo’u loto: E lei i ai lava se taimi na ou faamasaaina ai le toto o se tagata. Ma sa ou musu ma manao ia ou lē fasioti ia te ia.

11 Ma sa toe fetalai mai le Agaga ia te a’u: Faauta ua tuu mai o ia e le aAlii i ou lima. Ioe, ma sa ou iloa foi sa taumafai o ia e aveese lo’u lava ola; ioe, ma sa lē fia faalogo o ia i poloaiga a le Alii; ma sa eave foi e ia a matou meatotino.

12 Ma sa oo ina toe fetalai mai le Agaga ia te a’u: Fasioti ia te ia, ona ua tuu mai o ia e le Alii i ou lima;

13 Faauta e afaaumatia e le Alii ee amioleaga e faataunuu ai ona faamoemoega amiotonu. E isili le fano o le tagata e toatasi nai lo le faaitiitia ma fano se atunuu i le lē talitonu.

14 Ma o lenei, ina ua uma ona faalogo atu o a’u, o Nifae, i nei upu, sa ou manatua fetalaiga a le Alii na fetalai mai ai o ia ia te a’u i le vao, e faapea: aE tusa ai ma le tausia e au fanau o a’u epoloaiga, o le a latou imanuia i le olaueleele o le folafolaga.

15 Ioe, ma sa ou manatu foi e le mafai ona latou tausia poloaiga a le Alii e tusa ma le tulafono a Mose, vagana ua ia te i latou le tulafono.

16 Ma sa ou iloa foi ua togitogia le atulafono i luga o papatusi apamemea.

17 Ma o lenei foi, sa ou iloa ua tuu mai Lapana e le Alii i o’u lima mo le pogai lenei—ina ia ou maua talafaamaumau e tusa ma ana poloaiga.

18 O lea na ou usiusitai ai i le siufofoga o le Agaga, ma tago atu ia Lapana i lauulu o le ulu, ma ou vavae ese lona ulu i lana lava apelu.

19 Ma ina ua uma ona ou vavae ese o lona ulu i lana lava pelu, sa ou ave ofu o Lapana ma ou ofuina i lo’u lava tino; ioe, i ofu uma lava; ma sa ou fusi lona ofutau i o’u sulugatiti.

20 Ma ina ua uma ona ou faia o lenei mea, sa ou alu atu i luma i le mea sa teu ai ’oa a Lapana. Ma a’o ou alu atu i luma agai i le mea sa teu ai ’oa a Lapana, faauta, sa ou vaai atu i le aauauna a Lapana o lē sa i ai ki o le mea sa teu ai ’oa. Ma sa ou faatonuina o ia i le leo o Lapana, e tatau ona alu o ia faatasi ma a’u i le mea ua teu ai ’oa.

21 Ma sa manatu o ia o a’u o lona matai, o Lapana, ona sa vaai mai o ia i ofu ma le pelu foi sa fusi i o’u sulugatiti.

22 Ma sa talanoa mai o ia ia te a’u e uiga i toeaina o Iutaia, i lona iloa o lona matai, o Lapana, sa i ai i fafo faatasi ma i latou i le po.

23 Ma sa ou tautala atu ia te ia e peiseai o Lapana.

24 Ma sa ou fai atu foi ia te ia e tatau ona ou ave togitogiga sa i luga o apapatusi apamemea, i o’u uso matutua, o e sa i tua o le pa.

25 Ma sa ou faatonuina foi o ia ia mulimuli mai ia te a’u.

26 Ma o ia, i le manatu ua ou tautala atu e uiga i uso o le ekalesia, ma o a’u moni o Lapana lena o lē na ou fasiotia, o le mea lea na mulimuli mai ai o ia ia te a’u.

27 Ma sa talanoa mai o ia ia te a’u i taimi e tele e uiga i toeaina o Iutaia, a’o ou alu atu i o’u uso, o e sa i tuapa.

28 Ma sa oo ina ua vaai mai Lamana ia te a’u sa fefe tele o ia, ma faapea foi Lemuelu ma Sama. Ma sa latou sosola mai o’u luma; ona sa latou manatu o Lapana, ma ua ia fasiotia a’u ma ua saili foi e aveese o latou ola.

29 Ma sa oo ina ou valaau atu ia te i latou, ma sa latou lagona mai a’u; o le mea lea na latou lē toe sosola ai mai o’u luma.

30 Ma sa oo ina ua vaai atu le auauna a Lapana i o’u uso sa amata ona gatete o ia, ma sa fai o le a sola ese mai o’u luma ma foi atu i le aai o Ierusalema.

31 Ma o lenei, o a’u, o Nifae, ona o a’u o se tagata tino ese, ma sa ou maua foi le amalosi tele mai le Alii, o lea na ou tago atu ai i le auauna a Lapana, ma taofi o ia, ina ia le sola o ia.

32 Ma sa oo ina ou fai atu ia te ia, afai e faalogo mai o ia i a’u upu, e pei ona soifua le Alii, ma e pei foi ona ou ola, e faapea lava pe afai e faalogo mai o ia ia matou upu, matou te faasaoina lona ola.

33 Ma sa ou fai atu ia te ia, i se atautoga lava, e le tatau ona fefe o ia; e avea o ia ma tagata saoloto e pei o i matou pe afai e alu ifo o ia i le vao faatasi ma i matou.

34 Ma sa ou fai atu foi ia te ia, ua faapea atu: E moni lava na apoloaiina i matou e le Alii e fai lenei mea; ma pe le tatau ea ona matou filiga i le tausiga o poloaiga a le Alii? O lea, afai e te alu ifo i le vao i lo’u tamā o le a maua sou nofoaga faatasi ma i matou.

35 Ma sa oo ina lototele aSorama i upu na ou fai atu ai. O lenei o Sorama o le igoa lea o le auauna; ma sa ia folafola mai o le a alu ifo o ia i le vao i lo matou tamā. Ioe, sa fai mai foi e ia se tautoga ia te i matou o le a nofo o ia faatasi ma i matou e mai lena taimi ma agai atu i le lumanai.

36 O lenei sa matou mananao ia nofo o ia faatasi ma i matou mo le pogai lenei, ina ia lē iloa e tagata Iutaia e uiga i la matou solaaga i le vao, ne’i latou tuliloa mai i matou ma faaumatia i matou.

37 Ma sa oo ina ua uma ona fai mai e Sorama se atautoga ia te i matou, sa uma lo matou popole e uiga ia te ia.

38 Ma sa oo ina matou ave papatusi apamemea ma le auauna a Lapana, ma o atu i le vao, ma malaga atu i le faleie o lo matou tamā.