1 Ma sa oo ina ua matou o ifo i le vao i lo matou tamā, faauta, sa tumu o ia i le olioli, ma o lo’u tinā foi, o ^aSarai, sa fiafia tele, ona sa faanoanoa tele lava o ia ona o i matou.

2 Ona fa te ia ua fano i matou i le vao; ma sa muimui foi o ia e faasaga i lo’u tamā, ua fai atu ia te ia o ia o se tagata mau faaaliga; fai mai: Faauta ua e taitaieseina i matou mai le fanua o lo tatou tofi, ma ua lē toe i ai a’u tama tane, ma o le a tatou fano i le vao.

3 Ma sa faapea le ituaiga o gagana na muimui ai lo’u tinā i lo’u tamā.

4 Ma sa oo ina fai atu lo’u tamā ia te ia, e faapea: Ua ou iloa o a’u o se ^atagata mau faaaliga; aua a na ou lē vaai i mea a le Atua i se ^efaaaliga vaaia po ua ou lē iloa le agalelei o le Atua, ae ua ou nofo pea i Ierusalema, ma fano ai faatasi ma o’u uso.

5 Ae faauta, ua ou maua se ^alaueleele o le folafolaga, o mea ia ua ou olioli ai; ioe, ma ua ou ^eiloa o le a laveaiina e le Alii o’u atalii mai lima o Lapana, ma toe aumai i latou ia te i ta’ua i le vao.

6 Ma sa faapea le ituaiga o gagana sa faamafanafana atu ai lo’u tamā, o Liae, i lo’u tinā, o Sarai, e uiga ia i matou, a’o matou malaga i le vao e o a’e i le laueleele o Ierusalema, ina ia maua mai le talafaamaumau o tagata Iutaia.

7 Ma ina ua matou foi mai i le faleie o lo’u tamā, faauta, sa atoatoa lo laua olioli, ma sa faamafanafanaina lo’u tinā.

8 Ma sa fai mai o ia, e faapea: Ua ou iloa nei ma le mautinoa sa ^apoloaiina e le Alii la’u tane ia sola i le vao; ioe, ma ua ’ou iloa foi ma le mautinoa sa puipuia e le Alii a’u tama tane, ma laveai i latou mai lima o Lapana, ma tuu mai ia te i latou le mana e mafai ai ona latou ^efaia o le mea na poloaiina ai i latou e le Alii. Ma sa faapea le ituaiga o gagana sa tautala ai o ia.

9 Ma sa oo ina matua’i olioli lava i laua, ma osi atu taulaga ma ^ataulaga mu i le Alii; ma sa laua avatu le ^efaafetai i le Atua o Isaraelu.

10 Ma ina ua uma ona laua tuuina atu o le faafetai i le Atua o Isaraelu, sa ave e lo’u tamā, o Liae, talafaamaumau sa togitogia i luga o ^apapatusi apamemea, ma suesue i ai o ia mai i le amataga.

11 Ma sa vaai o ia, ua i ai ^atusi e lima a Mose, sa tuu mai ai se tala o le foafoaga o le lalolagi, faapea foi ma Atamu ma Eva, o e o o tatou uluai matua;

12 Ma se ^atalafaamaumau foi o tagata Iutaia mai le amataga, e oo ifo lava i le amataga o le nofoaiga a Setekaia, le tupu o Iuta;

13 Ma valoaga foi a perofeta paia, mai le amataga, seia oo ifo i le amataga o le nofoaiga a ^aSetekaia; ma le tele foi o valoaga na fetalai i ai le fofoga o ^eIeremia.

14 Ma sa oo ina maua foi e lo’u tamā, o Liae, i luga o ^apapatusi apamemea se gafa o ona tamā; o le mea lea na ia iloa ai o ia o se e tupuga mai ia ^eIosefa; ioe, o Iosefa lava lea le atalii o ⁱIakopo, o lē na ^ofaatau atu i Aikupito, ma o lē na ^ufaasaoina e le aao o le Alii, ina ia mafai ona faasaoina e ia lona tamā, o Iakopo, ma lona aiga uma mai le fano i le oge.

15 Ma sa ^ataitaieseina foi i latou mai le faatagataotauaina ma mai le laueleele o Aikupito, e lena lava Atua o lē na faasaoina i latou.

16 Ma sa faapea ona iloa ai e lo’u tamā, o Liae, le gafa o ona tamā. Ma o Lapana foi o se e tupuga mai ia ^aIosefa, o le mea lea na tausi ai e ia ma ona tamā talafaamaumau.

17 Ma o lenei ina ua vaai lo’u tamā i nei mea uma, sa tumu o ia i le Agaga, ma amata ona vavalo e uiga i ana fanau—

18 E faapea o nei papatusi apamemea o le a oo atu i atunuu uma, ituaiga, gagana, ma nuu, o e e tupuga mai i ana fanau.

19 O le mea lea, na fai mai ai o ia o nei papatusi apamemea o le a ^alē faaumatiaina lava; pe toe faanenefuina foi e le taimi. Ma e tele mea sa valoia e ia e uiga i ana fanau.

20 Ma sa oo ina e oo mai i lea lava taimi o tausia pea e a’u ma lo’u tamā poloaiga sa poloaiina ai i ma’ua e le Alii.

21 Ma ua matou maua talafaamaumau sa poloaiina ai i matou e le Alii, ma matou suesueina i latou ma matou iloa ai ua manaomia i latou; ioe, ua ^aaoga tele lava ia te i matou, ina ia mafai ai ona matou ^efaasaoina o poloaiga a le Alii mo a matou fanau.

22 O le mea lea, o le poto sa i le Alii sa tatau ai ona matou ave o nei papatusi faatasi ma i matou, a o matou malaga i le vao agai i le laueleele o le folafolaga.