1 En nou gee ek, Nefi, nie die geslagsregister van my vaders in ^ahierdie deel van my kroniek nie; nóg sal ek dit te eniger tyd daarna gee op hierdie ^bplate wat ek skryf; want dit is gegee in die kroniek wat bygehou is deur my ^cvader; daarom, ek skryf dit nie in hierdie kroniek nie.

2 Want dit is genoegsaam vir my deur te sê dat ons afstammelinge is van ^aJosef.

3 En dit maak nie vir my saak dat ek nie nougeset ’n volledige kroniek kan gee van al die dinge aangaande my vader nie, want hulle kan nie geskryf word op ^ahierdie plate nie, want ek benodig die ruimte dat ek van die dinge van God mag skrywe.

4 Want die volheid van my bedoeling is dat ek mense mag ^aoorreed om na die God van Abraham, en die God van Isak en die God van Jakob te ^bkom, en gered te word.

5 Daarom, die dinge wat ^aaangenaam is vir die wêreld skryf ek nie, maar die dinge wat aangenaam is vir God, en vir diegene wat nie van die wêreld is nie.

6 Daarom, ek sal ’n bevel gee aan my saad, dat hulle nie hierdie plate sal beset met dinge wat nie van waarde is vir die kinders van mense nie.