1 Ket ita siak, ni Nephi, saanko nga ited ti kapuonan ti amak iti ^adaytoy a paset ti kasuratak; wenno iti uray ania a kanito dagitoy a ^bpinanid nga isursuratko; gapu ta naited daytoy iti kasuratan nga indulin ti ^camak; gapuna, a saanko nga isurat iti daytoy nga aramid.

2 Ta umanayen nga ibagak a naggapukami iti kapupuon ni ^aJose.

3 Ket awan aniamanna kaniak nga agannadak a mangted iti naan-anay a salaysay dagiti amin a bambanag maipapan iti amak, ta saanda a mabalin a maisurat ^akadagitoy a pinanid, ta tarigagayak ti pinanid a mabalinko nga isurat dagiti bambanag a maipanggep kadagiti bambanag ti Dios.

4 Ta ti naan-anay a panggepko a ^amaallukoyko dagiti tattao nga ^bumay iti Dios ni Abraham, ken iti Dios ni Isaac, ken iti Dios ni Jacob, ket maisalakanda.

5 Ngarud, saanko nga insurat dagiti bambanag a ^amakaay-ayo iti lubong, ngem dagiti bambanag a makaay-ayo iti Dios ken kadagidiay saan a nailubongan.

6 Ngarud, mangtedakto iti bilin kadagiti kaputotak, ta saandanto a suratan dagitoy a pinanid kadagiti bambanag nga awan pategna kadagiti annak ti tattao.