1 Epi kounyeya, m ta vle pou nou konnen, lè papa m Leyi te fin ^apwofetize konsènan desandan li yo, se te konsa, Senyè a te pale avèk li ankò, li di l se pa byen pou li menm, Leyi, ta mennen fanmi l yo pou kont yo nan dezè a; men pitit gason li yo ta dwe pran ^bfi pou yo ^cmarye, pou yo kapab elve desandan pou Senyè a nan tè pwomiz la.

2 Epi, se te konsa, Senyè a te ^akòmande l pou l di mwen menm, Nefi, ak frè m yo retounen ankò nan peyi Jerizalèm, e pou nou mennen Ismayèl ak fanmi l desann nan dezè a.

3 Epi, se te konsa, mwen menm Nefi, m te sòti ^aankò avèk frè m yo nan dezè a pou nou monte al Jerizalèm.

4 Epi, se te konsa, nou te monte lakay Ismayèl, Ismayèl te favorize nou, konsa nou te pale li pawòl Senyè a yo.

5 Epi, se te konsa, Senyè a te tèlman touche kè Ismayèl ak moun lakay li yo, yo te vwayaje desann nan dezè a avèk nou kote tant papa nou an.

6 Epi, se te konsa, pandan nou t ap vwayaje nan dezè a, Laman ak Lemyèl epi de nan pitit fi Ismayèl yo ak de pitit ^agason Ismayèl yo, ak fanmi yo te fè rebèl kont nou; wi, yo te fè rebèl kont mwen menm Nefi ak Sam epi papa yo, Ismayèl, ak madanm li ak twa lòt pitit fi li yo.

7 Epi, se te konsa, nan rebelyon sa a, yo te vle retounen nan peyi Jerizalèm.

8 Epi, kounyeya, mwenmenm Nefi, m ^ate tris poutèt kè yo te di, se poutèt sa m te pale avèk yo, m di, wi, m te pale menm avèk Laman e avèk Lemyèl: Nou wè, nou se gran frè m, e kòman fè kè nou di konsa, epi panse nou tèlman avèg, mwen menm ki ti frè nou, pou m oblije pale nou, wi pou m oblije trase egzanp pou nou?

9 Kòman nou fè pa koute pawòl Senyè a?

10 Kòman nou fè ^abliye nou te wè yon zanj Senyè a?

11 Wi, epi kòman nou fè bliye gran bagay yo Senyè a te fè pou nou, lè li te ^adelivre nou anba men Laban, epi pou nou te kapab jwenn rejis yo?

12 Wi, e kòman nou fè bliye Senyè a kapab fè tout ^abagay daprè volonte l pou pitit lèzòm, si yo egzèse ^blafwa nan li? Se poutèt sa, an nou gen lafwa nan li.

13 Epi si nou gen lafwa nan li, n ap jwenn ^atè pwomiz la; epi n ap konnen nan yon tan k ap vini, pawòl Senyè a gen pou l akonpli konsènan ^bdestriksyon Jerizalèm nan; paske tout bagay Senyè a te pale konsènan destriksyon Jerizalèm nan dwe akonpli.

14 Paske gade Lespri Senyè a pral sispann lite avèk yo talèkonsa; paske gade, yo te ^arejte pwofèt yo e yo te jete ^bJeremi nan prizon. Epi yo te tèlman vle detwi ^clavi papa m, yo te chase l sòti nan peyi a.

15 Kounyeya gade m di nou konsa, si nou retounen Jerizalèm n ap peri avèk yo tou. Kounyeya si se sa nou chwazi, monte nan peyi a e sonje pawòl m pale nou yo, si nou ale n ap peri tou; paske se konsa Lespri Senyè a oblije m pale.

16 Epi, se te konsa, lè mwen menm Nefi, m te fin pale frè m yo pawòl sa yo, yo te fache kont mwen. Epi, se te konsa, yo te mete men sou mwen, paske yo te fache anpil, e yo te ^amare m avèk kòd e yo te chèche detwi lavi m pou yo kapab kite m nan dezè a pou bèt sovaj devore m.

17 Men, se te konsa, m te priye Senyè a, m di: O, Senyè, daprè lafwa m gen nan ou, tanpri, delivre m anba men frè m yo; wi ban m fòs pou m kapab menm ^akase kòd sa yo ki mare m nan.

18 Epi, se te konsa, lè m te fin di pawòl sa yo, gade, kòd la te demare sòti nan men m ak pye m yo, epi m te kanpe devan frè m yo e m te pale avèk yo ankò.

19 Epi, se te konsa, yo te fache kont mwen ankò, e te vle mete men yo sou mwen; men, youn nan pitit ^afi Ismayèl yo, ak manman l, ak youn nan pitit gason Ismayèl yo te sipliye frè m yo jistan kè yo te touche; e yo te sispann chèche detwi lavi m.

20 Epi, se te konsa, yo te tèlman gen lapenn poutèt mechanste yo, yo te bese devan m epi yo te sipliye m pou m ta padone yo pou sa yo te fè kont mwen an.

21 Epi, se te konsa, m te padone yo aktoutkè pou sa yo te fè, e m te egzòte yo pou yo priye Senyè Bondye yo a pou ^apadon. Epi yo te fè sa. E, se te konsa, lè yo te fin priye Senyè a nou te vwayaje ankò nan direksyon tant papa nou an.

22 Epi, se te konsa, nou te desann nan tant papa nou an. Epi apre mwen menm ak frè m yo ak tout lafanmi Ismayèl te fin desann nan tant papa m nan, yo te bay Senyè Bondye yo a ^aremèsiman; e yo te ofri l ^bsakrifis ak olokòs yo.