Mga Kasulatan
1 Nephi 9


Kapitulo 9

Si Nephi mihimo og duha ka hugpong sa mga talaan—Ang matag usa gitawag og mga palid ni Nephi—Ang mas dagkong mga palid naglangkob sa kalibotanong kasaysayan; ang mas gagmay niini naghisgot sa sagradong mga butang. Mga 600–592 B.C.

1 Ug kining tanan nga butang nakita, ug nadungog, ug gipamulong sa akong amahan, samtang nagpuyo siya sa tolda sa awalog sa Lemuel, ug usab sa daghan pa nga mahinungdanong mga butang, nga dili ikasulat niini nga mga palid.

2 Ug karon, sigon sa akong gipamulong mahitungod niini nga mga palid, tan-awa dili kini mao ang mga palid nga akong gitipon-tipon ang tibuok nga asoy bahin sa kasaysayan sa akong katawhan; kay ang mga apalid nga akong gitipon-tipon ang tibuok nga asoy bahin sa akong katawhan akong ginganlan og Nephi; mao nga, kini gitawag og mga palid ni Nephi, sunod sa akong kaugalingon nga ngalan; ug kini nga mga palid gitawag usab og mga palid ni Nephi.

3 Bisan pa niana, nakadawat ako og sugo gikan sa Ginoo nga kinahanglan mohimo ako niini nga mga palid, alang sa linahi nga akatuyoan nga kinahanglan adunay asoy nga makulit bahin sa bpagpangalagad sa akong katawhan.

4 Diha sa uban nga mga palid kinahanglan nga adunay makulit nga asoy bahin sa pagmando sa mga hari, ug sa mga gubat ug sa mga panagbingkil sa akong katawhan; mao nga kini nga mga palid gihimo alang sa dakong bahin sa pagpangalagad; ug ang auban nga mga palid gihimo alang sa dakong bahin sa pagmando sa mga hari ug sa mga gubat ug mga panagbingkil sa akong katawhan.

5 Mao nga, ang Ginoo misugo kanako sa paghimo niining mga palid alang sa amaalamon nga katuyoan diha kaniya, nga niana nga katuyoan ako wala masayod.

6 Apan ang Ginoo anahibalo sa tanan nga butang gikan sa sinugdanan; mao nga, nag-andam siya og paagi nga matuman ang iyang mga buhat diha sa mga anak sa mga tawo; kay tan-awa, siya aduna sa tanan nga bgahom ngadto sa katumanan sa iyang tanan nga pulong. Ug mao gayod kini. Amen.