Dagiti Kapitulo 

Iti pakaammuan ni Lehi, ken ti asawana a ni Saria ken dagiti uppat a lallaki nga annakna, a mainaganan, (manipud iti inauna) Laman, Lemuel, Sam, ken Nephi. Patigmaanan ti Apo ni Lehi a pumanaw iti ili ti Jerusalem, gapu ta impadtona kadagiti umili ti maipapan kadagiti kinamanagbasolda ket gapu iti daytoy kayatda a gudasen ti biagna. Umabut iti tallo nga aldaw ti panagdaliasatna iti langalang a kaduana ti kaamaanna. Kuyugen ni Nephi dagiti kabsatna ket agsublida iti ili ti Jerusalem tapno alaenda ti kasuratan dagiti Hudio. Dagiti pakaammuan iti panagsagabada. Alaenda dagiti annak a babbai ni Ismael tapno agbalinda nga asawada. Alaenda dagiti kaamaanda ket agturongda iti langalang. Dagiti panagitured ken panagsagabada iti langalang. Iti dalan ti panagdaliasatda. Madanonda dagiti dadakkel a danum. Sumalungasing kenkuana dagiti kabsat ni Nephi. Tubngarenna ida ket mangaramid iti bapor. Nagananda ti lugar iti Bountiful. Ballasiwenda dagiti dadakkel a danum nga agturong iti naikari a daga, ken dadduma pay. Babaen daytoy ti panangipakaammo ni Nephi; wenno iti sabali a pannao, siak, ni Nephi, insuratko daytoy a kasuratan.
Kapitulo 1
Irugi ni Nephi ti kasuratan dagiti kailianna—Makita ni Lehi iti parmata ti adigi nga apuy ken binasana manipud iti libro ti padto—Agdaydayaw iti Dios, ipadtona ti yaay ti Mesias, ken ipadtona ti pannakadadael ti Jerusalem—Parigaten dagiti Hudio. Agarup 600 s.c.
Kapitulo 2
Ipan ni Lehi ti kaamaanna iti langalang nga abay ti Nalabaga a Baybay—Panawanda dagiti gamengda—Mangidaton iti sakripisio ni Lehi iti Apo ken isurona dagiti annakna a mangtungpal kadagiti bilin—Agdayamudom da Laman ken Lemuel a maibusor iti amada—Agtulnog ni Nephi ket napnuan pammati iti panagkararagna; makisao ti Apo kenkuana, ket isu ti mapili a mangidaulo kadagiti kakabsatna. Agarup 600 s.c.
Kapitulo 3
Agsubli dagiti lallaki nga annak ni Lehi idiay Jerusalem a manggun-od iti pinanid a gambang—Saan a kayat ni Laban nga ited dagiti pinanid—Bagbagaan ken ay-aywen ni Nephi dagiti kabsatna—Takawen ni Laban dagiti gamengda ken panggepenna a papatayen ida—Dangran da Laman ken Lemuel da Nephi ken Sam ngem babalawen ida ti maysa nga anghel. Agarup 600–592 s.c.
Kapitulo 4
Patayen ni Nephi ni Laban babaen ti bilin ti Apo sananto alaen dagiti pinanid a gambang babaen ti nainsiriban a pamuspusan—Kaykayat ni Zoram ti maitipon iti kaamaan ni Lehi iti langalang. Agarup 600–592 s.c.
Kapitulo 5
Agreklamo ni Saria a maibusor ken ni Lehi—Agpadpadada a maragsakan iti panagsubli dagiti annakda a lallaki—Nagidatonda—Linaon dagiti pinanid a gambang dagiti surat ni Moises ken dagiti propeta—Paneknekan dagiti pinanid a naggapu ni Lehi iti kaputotan ni Jose—Ipadto ni Lehi ti maipapan iti bukelna ken ti pannakataginayon dagiti pinanid. Agarup 600–592 s.c.
Kapitulo 6
Isurat ni Nephi dagiti banag a maipapan iti Dios—Panggep ni Nephi nga allukoyen dagiti tao a sumurot iti Dios ni Abraham ket maisalakanda. Agarup 600–592 s.c.
Kapitulo 7
Agsubli dagiti lallaki nga annak ni Lehi iti Jerusalem ket awisenda ni Ismael ken ti kameng ti kaamaanna a sumurot iti panagdaliasatda—Sumuppiat da Laman ken dagiti dadduma—Allukoyen ni Nephi dagiti kabsatna nga agtalek iti Apo—Punguenda iti tali ken panggependa a patayen—Maruk-atan babaen iti pannakabalin ti pammati—Dumawat dagiti kabsatna iti pammakawan—Mangyawat da Lehi ken dagiti kaduana iti sakripisio ken napuoran a daton. Agarup 600–592 s.c.
Kapitulo 8
Makita ni Lehi ti parmata iti kayo ti biag—Mairanud iti bungana ket tinarigagayanna a mairanud met ti kaamaanna—Makitana ti landok a pagkaptan, ti nailet ken akikid a dana, ken ti nangisit nga angep a nangsallukob kadagiti tao—Mairanud da Saria, Nephi, ken Sam iti bunga, ngem agkedked da Laman ken Lemuel. Agarup 600–592 s.c.
Kapitulo 9
Agaramid ni Nephi iti dua nga asmang a kasuratan—Maawagan dagitoy iti pinanid ni Nephi—Aglaon dagiti daddadakkel a pinanid iti nailubongan a pakasaritaan; ad-adda a dagiti sagrado a banag ti laonen dagiti babbabassit. Agarup 600–592 s.c.
Kapitulo 10
Ipadles ni Lehi nga ibaludto dagiti taga-Babilonia dagiti Hudio—Ibagana ti idadateng kadagiti Hudio ti Mesias, ti Mangisalakan, ti Mannubbot—Ibaga met ni Lehi ti idadateng ti maysa a nasken a mangbuniag iti Kordero ti Dios—Ibaga ni Lehi ti ipapatay ken panagungar ti Mesias—Idiligna ti pannakasayyasayya ken panagtitipon ti Israel iti kayo ti olibo—Agsao ni Nephi iti maipanggep iti Anak ti Dios, iti sagut ti Espiritu Santo, ken ti kasapulan iti panagbalin a nalinteg. Agarup 600–592 s.c.
Kapitulo 11
Makita ni Nephi ti Espiritu ti Apo ken maipakita iti parmata ti kayo ti biag—Makitana ti ina ti Anak ti Dios ken maadalna ti pannakipulapol ti Dios—Makitana ti panamuniag, ti naespirituan a panagserbi, ken ti pannakailansa iti krus ti Kordero ti Dios—Makitana met ti akem ken naespirituan a panagserbi dagiti Sangapulo-ket-dua nga Apostol ti Kordero. Agarup 600–592 s.c.
Kapitulo 12
Makita ni Nephi iti parmata ti naikari a daga; ti kinalinteg, panagbasol, ken ti pannakaabak dagiti agindeg; ti idadateng kadakuada ti Kordero ti Dios; no kasano nga ukomen dagiti Sangapulo-ket-dua a Disipulo ken dagiti Sangapulo-ket-dua nga Apostol ti Israel; ken ti makarimon ken narugit a kasasaad dagiti mapukpukawan iti pammati. Agarup 600–592 s.c.
Kapitulo 13
Makita ni Nephi iti parmata a mabangon ti simbaan ti sairo kadagiti Gentil, ti pannakatakuat ken pannakadappat ti America, ti pannakapukaw ti adu a nalawag ken napateg a paset ti Biblia, ti naimbanagan a kasasaad ti ikakalilis ti Gentil, ti idadateng ti nasantuan a kasuratan iti ud-udina nga aldaw, ken ti pannakabangon ti Zion. Agarup 600–592 s.c.
Kapitulo 14
Ibaga ti anghel ken ni Nephi dagiti parabur ken lunod a maipaay kadagiti Gentil—Dudua ti simbaan: ti Simbaan ti Kordero ti Dios ken ti simbaan ti sairo—Papatayento ti nabileg ken makarimon a simbaan dagiti Santo ti Dios iti amin a pagilian—Isuratto ni Apostol Juan ti maipanggep iti panungpalan ti lubong. Agarup 600–592 s.c.
Kapitulo 15
Umawatto dagiti bukel ni Lehi iti ebanghelio manipud kadagiti Gentil iti ud-udina nga aldaw—Mayarig ti panaguummong ti Israel iti kayo ti olibo a maisilponto manen dagiti sangana—Ibuksilan ni Nephi ti parmata iti kayo ti biag ken nagsao maipanggep iti linteg ti Dios ti pannakailasin dagiti nadangkes kadagiti nalinteg. Agarup 600–592 s.c.
Kapitulo 16
Narigat ti panangawat dagiti nadangkes iti kinapudno—Asawaen dagiti lallaki nga annak ni Lehi dagiti babbai nga annak ni Ismael—Ti Liahona ti mangiturong kadakuada iti pannagnada iti langalang—No manen maisurat iti Liahona ti damdamag manipud iti Apo—Matay ni Ismael; agdayamudom ti kaamaanna gapu iti panagrigrigatna. Agarup 600–592 s.c.
Kapitulo 17
Mabilin ni Nephi a mangbangon iti bapor—Sumuppiat dagiti kabsatna—Bagbagaanna ida babaen ti panangipalagipna iti pannakilangen ti Dios iti Israel—Mapnuan ni Nephi iti bileg ti Dios—Maiparit kadagiti kabsatna ti panangsagidda kenkuana, amangan no maangragda a kas iti nagango a runo. Agarup 592–591 s.c.
Kapitulo 18
Maileppas ti bapor—Maagapad ti pannakayanak da Jacob ken Jose—Aglayag ti grupo nga agturong iti naikari a daga—Agkaykaysa dagiti annak ni Ismael ken dagiti assawada iti panagragragsak ken yaalsada—Mairaked ni Nephi, ket mapasanud ti bapor gapu iti napigsa a bagyo—Maruk-atan ni Nephi, ket agtalna ti bagyo babaen ti kararagna—Makadanon dagiti tao iti naikari a daga. Agarup 591–589 s.c.
Kapitulo 19
Agaramid ni Nephi iti pinanid a minas ket isuratna ti pakasaritaan dagiti taona—Umay ti Dios ti Israel innem a gasut a tawen manipud iti panawen nga ipapanaw ni Lehi iti Jerusalem—Ibaga ni Nephi dagiti panagitured ken pannakailansana—Maumsi ken mawarawaranto dagiti Hudio agingga iti ud-udina nga aldaw, inton agsublida iti Apo. Agarup 588–570 s.c.
Kapitulo 20
Ipalgak ti Apo dagiti panggepna iti Israel—Mapili ti Israel iti urno ti panagsagaba ket nasken a pumanawda iti Babilonia—Idilig iti Isaias 48. Agarup 588–570 s.c.
Kapitulo 21
Siawto ti Mesias kadagiti Gentil ken wayawayaannanto dagiti balud—Maurnongto ti Israel babaen ti bileg kadagiti ud-udina nga aldaw—Dagitinto ari ti manaripato nga amma kadakuada—Idilig iti Isaias 49. Agarup 588–570 s.c.
Kapitulo 22
Maiwaraswarasto ti Israel iti amin a dagdaga—Taripatuen ken taraonanto dagiti Gentil ti Israel iti ebanghelio kadagiti ud-udina nga aldaw—Maurnong ken maisalakanto ti Israel, ket mapuoranto dagiti nadangkes a kas iti garami—Madadaelto ti pagarian ti sairo, ket mapungonto ni Satanas. Agarup 588–570 s.c.