1 Ma o lenei, o a’u, o Iakopo, ou te toe tautala atu ia te outou, o’u uso pele e, e uiga i lenei ^alala amiotonu na ou tautala atu ai.

2 Aua faauta, o ^afolafolaga ua tatou maua o folafolaga ia ia te i tatou e tusa ai ma la le tino; o le mea lea, e pei ona faaali mai ia te a’u, e toatele a tatou fanau o le a fano i la le tino ona o le lē talitonu, ae ui i lea, o le a alofa mutimutivale le Atua i le toatele o i latou; ma o le a toefuatai mai a tatou fanau, ina ia mafai ona latou o mai i le mea o le a tuu mai ai ia te i latou le malamalama moni e uiga i lo latou Togiola.

3 O le mea lea, e pei ona ou fai atu ia te outou, e tatau ia Keriso—ona o le po anapo na fetalai mai ai le ^aagelu ia te a’u o lona suafa lea—ona ^eafio mai i totonu o tagata Iutaia, i totonu o i latou o e o le vaega amioleaga tele o le lalolagi; ma o le a latou ⁱfaasatauroina o ia—ona ua faapea ona tatau ai i lo tatou Atua, ma ua leai se isi lava atunuu i luga o le lalolagi latou te ^ofaasatauroina lo latou ^uAtua.

4 Aua a na faapea e faia ni ^avavega tetele i totonu o isi atunuu po ua latou salamo, ma iloa o ia o lo latou Atua.

5 Ae ona o ^afaitaulaga pepelo ma amioletonu, o le a faamaaa ai e i latou o i Ierusalema o latou ūa e faasaga ia te ia, ina ia faasatauroina o ia.

6 O le mea lea, ona o a latou amioletonu, o le a oo mai ai i o latou luga faafanoga, o oge, o faama’i, ma le faamaligiina o le toto; ma o i latou o e o le a lē faaumatiaina, o le a ^afaataapeapeina i totonu o atunuu uma.

7 Ae faauta, ua faapea ona fetalai mai o le ^aAlii le Atua: ^eA oo mai le aso latou te talitonu ai ia te a’u, o A’u o le Keriso, o le taimi lena na Ou osifeagaiga ai ma o latou tamā o le a toefuatai ai i latou i la le tino, i luga o le lalolagi, i laueleele o o latou tofi.

8 Ma o le a oo mai foi o le a ^afaapotopotoina i latou mai lo latou faataapeapeina umi, mai ^emotu o le sami, ma mai i itu e fa o le lalolagi; ma o le a sili atunuu o Nuuese i la’u vaai, ua fetalai mai ai le Atua, i le ⁱaveina atu o i latou i laueleele o o latou tofi.

9 ^aIoe, o le a avea tupu o Nuuese ma tamā tausitama ia te i latou, ma o o latou masiofo o le a avea ma tinā faafailele; o le mea lea, ua taua tele lava ^efolafolaga a le Alii i Nuuese, ona ua fetalai mai ai o ia, ma o ai e mafai ona finau atu i ai?

10 Ae faauta, o le laueleele lenei, ua fetalai mai ai le Atua, o le a avea ma laueleele o lo outou tofi, ma o le a faamanuiaina ^aNuuese i luga o le laueleele.

11 Ma o lenei laueleele o le a avea ma laueleele o le ^asaolotoga i Nuuese, ma o le a leai ni ^etupu i luga o le laueleele, o e e tutulai mai i Nuuese.

12 Ma o le a Ou faamalosia lenei laueleele e faasaga i isi atunuu uma.

13 Ma o ia o lē e ^afaasagatau ia Siona o le a ^efano, ua fetalai mai ai le Atua.

14 Ona o ia o lē na te faatu mai se tupu e faasaga mai ia te a’u o le a fano o ia, aua o A’u, o le Alii, le ^atupu o le lagi, o le a avea ma o latou tupu, ma o le a avea A’u o se ^emalamalama e faavavau ia te i latou, o e e faalogo mai i a’u upu.

15 O le mea lea, ona o lenei pogai, ina ia mafai ona faataunuuina o a’u ^afeagaiga na Ou faia i le fanauga a tagata, ia o le a Ou faia ia te i latou a’o latou i ai i la le tino, e tatau ai ona Ou faaumatia o galuega ^efaalilolilo a le ⁱpouliuli, ma fasioti tagata, ma mea inosia.

16 O le mea lea, o ia o lē e faasagatau ia ^aSiona, o Iutaia ma Nuuese, o e ua pologa ma e ua saoloto, o tane ma fafine, o le a fano; ona o i ^elatou ia o e o fafine talitane o le lalolagi uma; ona o i ⁱlatou o e ua ^olē mo a’u, ua ^utetee ia te au, ua fetalai mai ai lo tatou Atua.

17 Ona o le a Ou ^afaataunuuina a’u folafolaga na Ou faia i le fanauga a tagata, ia o le a Ou faia ia te i latou a’o latou i ai i la le tino—

18 O le mea lea, o’u uso pele e, ua faapea ona fetalai mai o lo tatou Atua: O le a Ou faapuapuagatiaina au fanau i le lima o Nuuese; ae ui i lea, o le a Ou faamalūlūina loto o ^aNuuese, ina ia avea i latou e pei o se tamā ia te i latou; o le mea lea, o le a ^efaamanuiaina ma ⁱfaitauina Nuuese i totonu o le aiga o Isaraelu.

19 O le mea lea, o le a Ou ^afaapaiaina le laueleele lenei mo au fanau, ma i latou o le a faitauina i totonu o au fanau, e faavavau, e avea ma laueleele o lo latou tofi; ona o se laueleele ua sili ona lelei, ua fetalai mai ai le Atua ia te a’u, i luga o isi laueleele uma, o le mea lea Ou te loto ai ia tapua’i mai ia te a’u tagata uma o e e nonofo ai, ua fetalai mai ai le Atua.

20 Ma o lenei, o’u uso pele e, talu ai ona ua tatou iloa ua tuu mai e lo tatou Atua alofa mutimutivale ia te i tatou se malamalama tele naua e uiga i nei mea, ia tatou manatua o ia, ma tuu ese a tatou agasala, ma aua le faanounou i lalo o tatou ulu, ona ua lē lafoaiina ese i tatou; ae ui i lea, ua ^atutuli ese i tatou mai le laueleele o lo tatou tofi; peitai ua taitai mai i tatou i se laueleele ua ^esili atu ona lelei, ona ua faia e le Alii le sami ma o tatou ⁱala, ma ua tatou i ai i luga o se ^omotu o le sami.

21 Ae ua tetele lava folafolaga a le Alii ia te i latou o e o i luga o ^amotu o le sami; o le mea lea e pei ona fai mai o motu, ua tatau ai ona i ai o ni isi e tele atu nai lo lenei, ma ua ainā foi i latou e o tatou uso.

22 Aua faauta, sa ^ataitai ese e le Alii le Atua mai lea taimi i lea taimi ni isi mai le aiga o Isaraelu, e tusa ma lona faamoemoega ma lona finagalo. Ma o lenei faauta, e manatua e le Alii i latou uma o e ua fa’i ese, o le mea lea e manatua ai foi e ia i tatou.

23 O le mea lea, ia fiafia o outou loto, ma ia manatua ua outou ^asaoloto e ^efai mo outou lava—e ⁱfilifili le ala o le oti tumau e faavavau, po o le ala o le ola e faavavau.

24 O le mea lea, o’u uso pele e, ia outou faaleleia outou lava ma le finagalo o le Atua, ae lē ma le loto o le tiapolo faapea ma le tino; ma ia manatua, pe a uma ona outou faalelei ma le Atua, ua nao i le alofa tunoa ma ala i le ^aalofa tunoa o le Atua, e ^efaaolaina ai outou.

25 O le mea lea, talosia ia faatutu mai outou e le Atua mai le oti e ala i le mana o le toetu, ma mai le oti foi e faavavau e ala i le mana o le ^atogiola, ina ia mafai ona talia o outou i le malo e faavavau o le Atua, ina ia mafai ona outou viia o ia e ala i le alofa tunoa paia. Amene.