Tusitusiga Paia
2 Nifae 11


Mataupu 11

Sa vaai Iakopo i lona Togiola—O le tulafono a Mose o se faatusa o Keriso ma ua faamaonia ai o le a afio mai o Ia. E tusa o le 559–545 T.L.M.

1 Ma o lenei, e tele mea sa tautala atu ai aIakopo i lo’u nuu i le taimi lena; ae ui i lea ua nao mea nei sa ou faatonuina ia etusia, ona o mea ua ou tusia ua lava ia te a’u.

2 Ma o lenei, o a’u, o Nifae, ou te tusia ni isi upu e tele a aIsaia, ona ua fiafia lo’u agaga i ana upu. Ona o le a ou faatatauina ana upu i o’u tagata, ma o le a ou auina atu ia upu i a’u fanau uma, ona na vaai moni lava o ia i lo’u eTogiola, e pei lava ona ou vaai ia te ia.

3 Ma o lo’u uso, o Iakopo, sa avaai foi ia te ia e pei ona sa ou vaai ia te ia; o le mea lea, o le a ou auina atu ai a laua upu i a’u fanau e faamaonia ai ia te i latou ua moni a’u upu. O le mea lea, o upu a le etoatolu, ua fetalai mai ai le Atua, o le a Ou faamautu ai la’u upu. Ae ui i lea, e auina mai e le Atua ni isi molimau e toatele, ma e faamaonia e ia ana fetalaiga uma.

4 Faauta, e fiafia lo’u agaga i le afaamaonia atu i o’u tagata le moni o le eafio mai o Keriso; ona, o le faamoemoega lenei na tuu mai ai le itulafono a Mose; ma o mea uma na tuu mai e le Atua mai le amataga o le lalolagi, i le tagata, o ni faatusatusaga o ia.

5 Ma e fiafia foi lo’u agaga i afeagaiga a le Alii na faia e ia i o matou tamā; ioe, e fiafia lo’u agaga i lona alofa tunoa, ma lana faamasinotonu, ma le mana, ma le alofa mutimutivale i le fuafuaga tele ma faavavau o le laveaiina mai le oti.

6 Ma e fiafia lo’u agaga e faamaonia atu i o’u tagata e fano tagata uma avagana ai ua afio mai Keriso.

7 Ona afai ua aleai se Keriso ua leai se Atua; ma afai ua leai se Atua ua leai i tatou, ma po ua leai se efoafoaga. Peitai ua i ai se Atua, ma o ia o Keriso, ma e afio mai o ia i le atoatoaga o lona lava taimi.

8 Ma o lenei, ou te tusia ni isi o upu a Isaia, ina ia mafai e soo se tasi o lo’u nuu e vaai i nei upu ona siitia a’e o latou loto ma olioli mo tagata uma. O lea o upu nei, ma e mafai ona outou faatatau ia upu ia te outou ma i tagata uma.