Ngaahi Folofolá
2 Nīfai 12


Vahe 12

ʻOku mamata ʻa ʻĪsaia ki he temipale ʻi he ngaahi ʻaho fakaʻosí, ko e tānaki ʻo ʻIsilelí, mo e fakamaau mo e melino ʻo e nofo tuʻí—ʻE fakavaivaiʻi ʻa e kakai ʻulu-pupulá mo e fai angahalá ʻi he Hāʻele ʻAnga Uá—Fakafehoanaki mo e ʻĪsaia vahe 2. Taʻu 559–545 K.M. nai.

1 Ko e folofola, naʻe amamata ki ai ʻa bʻĪsaia, ko e foha ʻo ʻĀmosí, ʻo kau ki Siuta mo Selūsalemá.

2 Pea ʻe hoko ʻo pehē ʻi he ngaahi ʻaho fakaʻosí, ʻo ka fokotuʻu maʻu ʻa e amoʻunga ʻo e bfale ʻo e ʻEikí ʻi he tumutumu ʻo e ngaahi cmoʻungá, pea ʻe hakeakiʻi ia ke māʻolunga ʻi he ngaahi moʻungá, pea ʻe tafe ki ai ʻa e ngaahi puleʻanga kotoa pē.

3 Pea ʻe ʻalu ʻa e kakai tokolahi mo nau pehē, Mou haʻu, pea tau ō hake ki he moʻunga ʻo e ʻEikí, ki he fale ʻo e ʻOtua ʻo Sēkopé; pea te ne akonakiʻi ʻa kitautolu ʻi hono ngaahi halá, pea te tau aʻaʻeva ʻi hono ngaahi halá; he ʻe ʻalu atu mei Saione ʻa e bfonó pea mo e folofola ʻa e ʻEikí mei Selūsalema.

4 Pea te ne afakamaau ʻi he lotolotonga ʻo e ngaahi puleʻangá, pea valokiʻi ʻa e kakai tokolahi; pea te nau tuki ʻa ʻenau ngaahi heletaá ke hoko ko e ngaahi mataʻi huo toho, pea mo honau ngaahi taó ko e ngaahi hele ʻauhani—ʻe ʻikai toe hiki hake ʻe ha puleʻanga ʻa e heletā ki ha puleʻanga, pea ʻe ʻikai foki te nau toe ako ki he tau.

5 ʻE fale ʻo Sēkope, mou haʻu pea tau ʻaʻeva ʻi he maama ʻo e ʻEikí; ʻio, mou haʻu, he kuo mou a kotoa pē, ko e tangata taki taha ʻi hono ngaahi hala angakovi ʻoʻona.

6 Ko ia, ʻE ʻEiki, kuó ke liʻaki ʻa ho kakaí, ʻa e fale ʻo Sēkopé, koeʻuhi akuo fakafonu ʻa kinautolu mei he potu hahaké, ʻo nau tokanga ki he kau kikite loí ʻo hangē ko e kau bFilisitiá, pea nau cleleiʻia ʻi he fānau ʻa e kau muli.

7 ʻOku fonu foki ʻa honau fonuá ʻi he siliva mo e koula, pea ʻoku ʻikai hano ngataʻanga foki ʻo ʻenau ngaahi koloá; ʻoku fonu foki ʻa honau fonuá ʻi he fanga hoosi, pea ʻoku ʻikai foki hano ngataʻanga ʻo ʻenau ngaahi salioté.

8 ʻOku fonu foki ʻa honau fonuá ʻi he ngaahi atamapua; ʻoku nau hū ki he ngāue ʻa honau nima ʻonautolú, ʻa e ngaahi meʻa ko ia kuo ngaohi ʻe honau louhiʻi nimá.

9 Pea ʻoku aʻikai ke punou hifo ʻa e tangata meʻavalé, pea ko e tangata māʻolungá ʻoku ʻikai fakavaivaiʻi ia, ko ia, ʻoua naʻa fakamolemoleʻi ia.

10 ʻA kimoutolu ʻa e kau fai angahala, mou hū ki he ngaahi ʻanaʻi maká, pea afufuuʻi ʻa kimoutolu ʻi he efú, koeʻuhi ʻe hanga ʻe he manavahē ki he ʻEikí mo e nāunau ʻo hono māfimafí ʻo teʻia koe.

11 Pea ʻe hoko ʻo pehē ʻe fakavaivaiʻi ʻa e fofonga laukau ʻo e tangatá, pea ko e pōlepole ʻa e tangatá ʻe tuku hifo ki lalo, pea ko e ʻEikí pē ʻe hakeakiʻi ʻi he ʻaho ko iá.

12 He ʻe hoko vave mai ʻa e aʻaho ʻo e ʻEiki ʻo e Ngaahi Kau Taú ki he ngaahi puleʻanga kotoa pē, ʻio, ki he puleʻanga kotoa; ʻio, ki he kau bpōlepolé mo māʻolungá, mo e kau ʻulu māʻolungá, pea tuku hifo ia ki lalo.

13 ʻIo, pea ʻe hoko mai ʻa e ʻaho ʻo e ʻEikí ki he ngaahi sita kotoa pē ʻo Lepanoní, he ʻoku nau māʻolunga mo hīkisiá; pea ki he ngaahi ʻoke kotoa pē ʻo Pēsaní;

14 Pea ki he ngaahi moʻunga māʻolunga kotoa pē, pea ki he ngaahi tafungofunga kotoa pē, pea ki he ngaahi puleʻanga kotoa pē ʻoku hīkisiá, pea ki he faʻahinga kakai kotoa pē;

15 Pea ki he ngaahi taua māʻolunga kotoa pē, pea ki he ngaahi ʻā ʻo e ngaahi kolo kotoa pē;

16 Pea ki he ngaahi vaka kotoa pē ʻo e atahí, pea ki he ngaahi vaka kotoa pē ʻo Tāsisí, pea ki he ngaahi fakatātā matamatalelei kotoa pē.

17 Pea ʻe fakavaivaiʻi hifo ʻa e loto-māʻolunga ʻa e tangatá, pea ʻe fakavaivaiʻi mo e fielahi ʻa e kakaí; pea ko e ʻEikí pē ʻe hakeakiʻi ʻi he ʻaho ako iá.

18 Pea te ne fakaʻauha ʻaupito ʻa e ngaahi tamapuá.

19 Pea te nau hū ki he ngaahi ʻanaʻi maká, mo e ngaahi luo ʻi he kelekelé, he ʻe tō kiate kinautolu ʻa e manavahē ki he ʻEikí pea ʻe hanga ʻe he nāunau ʻo hono māfimafí ʻo teʻia kinautolu, ʻo ka ne ka tuʻu hake ke luluʻi lahi ʻaupito ʻa e māmaní.

20 ʻI he ʻaho ko ia ʻe a ʻe ha tangata ʻene ngaahi tamapua ʻo e silivá, mo ʻene ngaahi tamapua ʻo e koula ʻa ia kuó ne ngaohi maʻana ke hū ki ai, ki he fanga kumaá mo e fanga peká;

21 ʻE ʻalu ʻa e kakaí ki he ngaahi mafahifahi ʻi he maká, pea ki he tumutumu ʻo e ngaahi maka māsilá, he ʻe hoko kiate kinautolu ʻa e manavahē ki he ʻEikí, pea ʻe hanga ʻe he nāunau ʻo hono māfimafí ʻo teʻia ʻa kinautolu, ʻo ka ne ka tuʻu hake ke luluʻi lahi ʻaupito ʻa e māmaní.

22 Tuku hoʻomou falala ki he atangatá, ʻa ia ʻoku ʻi hono avaʻi ihú ʻa ʻene mānavá; he ko e hā hano mahuʻinga?