1 Fa indro ny Tompo, ny Tompon’ny maro dia manaisotra amin’i Jerosalema sy amin’i Joda ny vatsy sy tohana, ny tohan’aina rehetra amin’ny mofo sy ny vatsy manontolo amin’ny rano—

2 Ny lehilahy mahery sy ny lehilahy mpianady, ny mpitsara sy ny mpaminany ary ny malina sy ny anti-panahy;

3 Ny mpifehy ny dimampolo sy ny manan-kaja ary ny mpanolotsaina sy ny ombiasy fatsora ary ny mpandahateny mahay.

4 Ary Izaho hanome azy ankizy ho printsiny, ary zazakely no hanapaka azy.

5 Ary hampahoriana ny vahoaka, ny tsirairay hampahory ny hafa, ary ny tsirairay dia hampahorian’ny namany; ny ankizy haneho fiavonavonana amin’ny anti-panahy, ary ny olon-tsotra amin’ny manan-kaja.

6 Rehefa hazonin’ny olona iray ny rahalahiny ao an-tranon-drainy ka hilazany hoe: Ianao no manana lamba, aoka ho mpifehy anay, ary aza avela ho tonga eo an-tananao izao ^afaharavana izao—

7 Hiozonozona izy amin’izany andro izany, hanao hoe: Tsy te ho ^ampanasitrana aho; satria tsy misy hanina na lamba ao an-tranoko; aza atao mpifehy ny vahoaka aho.

8 Fa ^arava i Jerosalema ary ^bmirodana i Joda, satria ny lelany sy ny asany dia samy manohitra ny Tompo, ka mihantsy ny mason’ny voninahiny.

9 Ny toetry ny tarehiny dia vavolombelona miampanga azy sy mampiharihary fa mitovy amin’ny an’i ^aSodoma ny fahotany, tsy azony afenina. Lozan’ny fanahiny fa efa nampidi-doza tamin’ny tenany izy.

10 Lazao amin’ny marina fa efa ^amandry ny aminy; fa hihinana ny vokatry ny asany izy.

11 Lozan’ny olon-dratsy fa ho fongana izy; fa hanody azy ny valin’ny nataon’ny tanany!

12 Ary zaza no mpampahory ny vahoakako ary vehivavy no manapaka azy. Ry vahoakako, ireo izay ^amitarika anao no mampaniasia anao sy mandrava ny soritry ny lalanao.

13 Mitsangana ny Tompo ^ahisolo vava ary mitsangana Izy hitsara ny vahoaka.

14 Ny Tompo dia hitsara anao miaraka amin’ireo anti-panahin’ny vahoakany sy ny ^aprintsiny; satria efa ^blaninareo ny teo amin’ny ^dtanimboly ary ny fananan’ny ^emahantra nendahina taminy dia ao an-tranonareo.

15 Inona no tianareo holazaina? Montsamontsaninareo ny vahoakako ary torotoroinareo ny tavan’ny mahantra, hoy ny Tompo Andriamanitry ny Maro.

16 Ary hoy koa ny Tompo hoe: Satria miavonavona ny zanakavavin’i Ziona sy mandeha milanjalanja loha sy maolamaola fijery, ^akasikasy famindra raha mandeha ary mampikorintsana ny fehin-tongony.

17 Noho izany dia hampisy takopery ny tampon-dohan’ny zanakavavin’i Ziona ny Tompo ary ^ahampiseho ny fitanjahany.

18 Ary amin’izany andro izany dia hoesorin’ny Tompo ny hakanton’ny firavany mikorintsana mbamin’ny ^afehiloha sy ny ^brado mitarehim-bolan-tsinanana;

19 Ny rojo sy ny haba ary ny ^alamba fisalobonana;

20 Ny satroka sy ny haba amin’ny ranjo mbamin’ny fehiloha sy ny fitehirizan-dranomanitra ary ny kavina;

21 Ny peratra sy ny kavina amin’ny orona;

22 Ny ^afitafiana miraratra sy ny palitao ary ny kapaoty sy ny poketra;

23 Ny ^afitaratra sy ny lamba hariry madinika ary ny saly sy ny voaly.

24 Ary ny zavatra hitranga dia ny manitra hosoloana maimbo; ary ny sikina hosoloana ^atady; ary ny volo voamboatra hosoloana loha sola; ary ny ^bakanjo miebanebana hosoloana lamba fisaonana; ary ny hatsaran-tarehy hosoloana marika ^dmahamay.

25 Ho lavon-tsabatra ny lehilahy ao aminao ary ho lavo an’ady ny mahery fo ao aminao.

26 Ary hitomany sy hisaona ny vavahadiny ary ho aolo izy sy hipetraka amin’ny tany.