1 Ia ena siga ko ya, eratou na taura e dua na tagane e lewe vitu na yalewa ka kaya: Keitou na kania na keitou madrai, ka vakaisulu ena neitou isulu; me keitou vakatokai ga ena yacamu me kau tani kina na ka keitou ^arogo ca kina.

2 Ena siga ko ya ena rairai vinaka ka lagilagi na ^acoke ni Turaga; na vuata ni vanua ena ka talei sara ka rairai vinaka kivei ira era sa dro mai Isireli.

3 Ia ena qai yaco, o ira sa vo tiko mai Saioni ka tiko ga mai Jerusalemi, era na vakatokai me tabu, io ko ira yadua kecega era sa volai vata kei ira na bula mai Jerusalemi—

4 ^aNi sa na qai ^bsavata tani na Turaga na nodra dukadukali na gone yalewa ni Saioni, ka savata tani na dra kei Jerusalemi ena kedra maliwa ena yalo ni veilewai, kei na yalo sa ^cwaqa tu.

5 Ia na Turaga ena cakava me ubia na itikotiko kecega mai na ulunivanua ko Saioni, kei na kena vei vavakoso, na ^ao kei na kubou ena siga kei na rarama ni bukawaqa caucaudre ena bogi; ni na dua na kena isasabai na lagilagi taucoko kei Saioni.

6 Ia ena dua na vale vakacevaceva me vakaruru kina ena siga mai na katakata, ka me vanua ^aidrodro ka ivakavakaruru mai na cava kei na uca.