1 Ket iti dayta nga aldaw, pitonto a babbai ti manggammat iti maysa a lalaki, kunada: Kanenminto ti bukodmi a tinapay, ket ikawesminto ti bukodmi a bado; ngem palubosannakami a maawagan iti naganmo tapno maikkat ti ^apakaibabainanmi.

2 Napintasto ken nadayagto iti dayta nga aldaw ti ^asanga ti Apo; nakasaysayaatto ken makaay-ayo ti bunga ti daga kadakuada a naglibas iti Israel.

3 Ket mapasamakto, a maawaganto a nasantuan dagiti nabati iti Sion ken nagtalinaed iti Jerusalem, ti tunggal maysa a naisurat kadagiti sibibiag iti Jerusalem—

4 ^aInton ^bmaugasan ti Apo ti rugit dagiti babbai nga annak ti Sion, ken maikkaten ti naimansa a dara ti Jerusalem kadakuada babaen ti espiritu ti panangukom ken babaen ti espiritu ti ^cpannakapuor.

5 Ket parsuaento ti Apo iti tunggal pagnaedan iti bantay ti Sion, ken kadagiti ummongna, iti ^aulep ken asuk iti aldaw ken ti lawag ti gumilgilayab nga apuy iti rabii; ta pangsalaknibto ti amin a dayag ti Sion.

6 Ket addanto iti tabernakulo a salinong iti aldaw a kapudotna, ken lugar a ^apagkamangan, ken saripda iti bagyo ken iti tudo.