ບົດທີ 14
ຊີໂອນ ແລະ ທິດາຂອງມັນຈະຖືກໄຖ່ ແລະ ເຮັດໃຫ້ສະອາດພາຍໃນພັນປີ—ປຽບທຽບກັບເອຊາຢາ 4. ປະມານ 559–545 ປີ ກ່ອນ ຄ.ສ.
1 ແລະ ໃນມື້ນັ້ນ, ຜູ້ຍິງເຈັດຄົນຈະຍຶດຜູ້ຊາຍຄົນດຽວໄວ້, ໂດຍກ່າວວ່າ: ພວກເຮົາຈະກິນເຂົ້າຈີ່ຂອງພວກເຮົາເອງ, ແລະ ນຸ່ງເສື້ອຜ້າຂອງພວກເຮົາເອງ; ຂໍພຽງແຕ່ໃຫ້ພວກເຮົາໃຊ້ຊື່ຂອງທ່ານ ໃຫ້ພົ້ນຈາກ ກຄວາມຕິຕຽນເຖີດ.
2 ໃນມື້ນັ້ນ ກກິ່ງງ່າຂອງພຣະຜູ້ເປັນເຈົ້າຈະສວຍງາມ ແລະ ຮຸ່ງເຫລື້ອມ; ໝາກຜົນຂອງແຜ່ນດິນໂລກຈະດີເລີດ ແລະ ໜ້າຊື່ນຊົມແກ່ຊາວອິດສະຣາເອນຜູ້ໜີລອດມາໄດ້.
3 ແລະ ເຫດການຈະບັງເກີດຂຶ້ນຄື, ຜູ້ທີ່ເຫລືອຢູ່ໃນຊີໂອນ ແລະ ຄ້າງຢູ່ເຢຣູຊາເລັມ ຈະຖືກເອີ້ນວ່າຜູ້ບໍລິສຸດ, ທຸກຄົນຈະຖືກບັນທຶກໄວ້ໃນບັນດາຜູ້ມີຊີວິດໃນເຢຣູຊາເລັມ—
4 ກເມື່ອນັ້ນ ພຣະຜູ້ເປັນເຈົ້າຈະ ຂລ້າງຄວາມສົກກະປົກອອກຈາກທິດາຂອງຊີໂອນ, ແລະ ຈະຊຳລະເລືອດຂອງເຢຣູຊາເລັມຈາກທ່າມກາງພວກນັ້ນໂດຍວິນຍານແຫ່ງການພິພາກສາ ແລະ ໂດຍວິນຍານແຫ່ງ ຄການເຜົາໄໝ້.
5 ແລະ ພຣະຜູ້ເປັນເຈົ້າຈະສ້າງເມກ ແລະ ກຄວັນເພື່ອຕອນກາງເວັນ ແລະ ແສງຂອງແປວໄຟ ເພື່ອຕອນກາງຄືນຢູ່ເໜືອທີ່ອາໄສທຸກແຫ່ງຂອງພູຊີໂອນ, ແລະ ຢູ່ເໜືອບ່ອນຊຸມນຸມເມືອງນັ້ນ; ເພາະຈະມີການປ້ອງກັນ ເໜືອລັດສະໝີພາບທັງມວນຂອງຊີໂອນ.
6 ແລະ ຈະມີສະຖານທີ່ນະມັດສະການເປັນຮົ່ມບັງແດດໃນຕອນກາງເວັນ, ແລະ ເປັນ ກບ່ອນລີ້ໄພ, ແລະ ເປັນບ່ອນກຳບັງພະຍຸ ແລະ ຝົນ.