ບົດທີ 15
ສວນອະງຸ່ນຂອງພຣະຜູ້ເປັນເຈົ້າ (ອິດສະຣາເອນ) ຈະເປົ່າແປນ, ແລະ ຜູ້ຄົນຂອງພຣະອົງຈະກະຈັດກະຈາຍໄປ—ວິບັດຈະມາເຖິງພວກເຂົາໃນສະພາບທີ່ຫລົງຜິດ ແລະ ການກະຈັດກະຈາຍໄປຂອງພວກເຂົາ—ພຣະຜູ້ເປັນເຈົ້າຈະຍົກເຄື່ອງສັນຍານຂຶ້ນ ແລະ ເຕົ້າໂຮມອິດສະຣາເອນ—ປຽບທຽບກັບເອຊາຢາ 5. ປະມານ 559–545 ປີ ກ່ອນ ຄ.ສ.
1 ແລະ ຈາກນັ້ນຂ້າພະເຈົ້າຈະຮ້ອງເພງເຖິງເພື່ອນທີ່ຮັກແພງຂອງຂ້າພະເຈົ້າ, ຊຶ່ງເປັນ ກເພງຂອງທີ່ຮັກຂອງຂ້າພະເຈົ້າກ່ຽວກັບສວນອະງຸ່ນຂອງພຣະອົງ. ທີ່ຮັກຂອງຂ້າພະເຈົ້າມີສວນອະງຸ່ນຢູ່ແປງໜຶ່ງໃນເນີນພູທີ່ອຸດົມສົມບູນດ້ວຍໝາກຜົນ.
2 ແລະ ພຣະອົງໄດ້ລ້ອມຮົ້ວໃຫ້ມັນ, ແລະ ເກັບຫີນໃນນັ້ນອອກ, ແລະ ປູກ ກແນວອະງຸ່ນພັນດີທີ່ສຸດ, ແລະ ສ້າງຫໍສູງໄວ້ກາງສວນ, ແລະ ເຮັດເຄື່ອງປັ່ນໝາກອະງຸ່ນໃນນັ້ນອີກ; ແລະ ພຣະອົງຫວັງວ່າມັນຈະໄດ້ໝາກອະງຸ່ນດີ, ແຕ່ໄດ້ຮັບໝາກອະງຸ່ນປ່າ.
3 ແລະ ບັດນີ້, ໂອ້ ຜູ້ອາໄສຂອງເຢຣູຊາເລັມ, ແລະ ຜູ້ຄົນຂອງຢູດາ, ເຮົາຂໍໃຫ້ເຈົ້າຕັດສິນລະຫວ່າງເຮົາກັບສວນອະງຸ່ນຂອງເຮົາ.
4 ແລະ ຍັງມີອັນໃດອີກແດ່ ທີ່ເຮົາຍັງບໍ່ໄດ້ເຮັດໃນສວນນີ້? ດັ່ງນັ້ນ, ເມື່ອເຮົາຫວັງວ່າຈະໄດ້ໝາກອະງຸ່ນ, ແຕ່ໄດ້ຮັບໝາກອະງຸ່ນສົ້ມໝົດ.
5 ແລະ ບັດນີ້ໄປເຖີດ; ເຮົາຈະບອກເຈົ້າວ່າ ເຮົາຈະເຮັດແນວໃດກັບສວນອະງຸ່ນຂອງເຮົາ—ເຮົາຈະ ກມ້າງຮົ້ວຂອງມັນອອກ, ແລະ ມັນກໍຈະຖືກກິນໝົດ; ແລະ ເຮົາຈະມ້າງກຳແພງຂອງມັນອອກ, ແລະ ມັນກໍຈະຖືກຢຽບຍ່ຳລົງ;
6 ແລະ ເຮົາຈະປ່ອຍໃຫ້ຫຍ້າເກີດເຕັມໄປທົ່ວ, ແລະ ກິ່ງງ່າຂອງມັນຈະບໍ່ຖືກລິອອກ ແລະ ດິນຈະບໍ່ຖືກພວນ; ແຕ່ຈະມີ ກເຄືອ ແລະ ກົກໜາມຂຶ້ນມາ; ເຮົາຈະສັ່ງເມກບໍ່ໃຫ້ ຂຝົນຕົກລົງມາຮຳສວນນີ້.
7 ເພາະ ກສວນອະງຸ່ນຂອງຈອມໂຍທານັ້ນຄືເຊື້ອສາຍອິດສະຣາເອນ, ແລະ ຄົນຂອງຢູດາຄືໄມ້ພັນດີຂອງພຣະອົງ; ແລະ ພຣະອົງຈະລໍຄອຍ ຂການພິພາກສາ, ແລະ ຈົ່ງເບິ່ງ, ການຂົ່ມເຫັງຄວາມຊອບທຳ; ແຕ່ຈົ່ງເບິ່ງ, ສຽງຮ້ອງໄຫ້.
8 ວິບັດແກ່ຜູ້ທີ່ເສີມ ກເຮືອນຫລັງໜຶ່ງເຂົ້າກັບເຮືອນອີກຫລັງໜຶ່ງ, ຈົນວ່າບໍ່ມີບ່ອນວ່າງເປົ່າ, ຊຶ່ງພວກເຂົາຈະໄດ້ ຂຢູ່ໂດຍລຳພັງໃນທ່າມກາງຂອງແຜ່ນດິນນັ້ນ!
9 ຈອມໂຍທາໄດ້ກ່າວໃຫ້ຂ້າພະເຈົ້າໄດ້ຍິນວ່າ, ເປັນຄວາມຈິງທີ່ບ້ານເຮືອນຫລາຍຫລັງຈະຕ້ອງຮ້າງເປົ່າ, ແລະ ບ້ານໃຫຍ່ເມືອງງາມຈະປາດສະຈາກຜູ້ອາໄສຢູ່.
10 ແທ້ຈິງແລ້ວ, ສວນອະງຸ່ນສິບເອເຄີຈະໃຫ້ຜົນເທົ່າກັບໜຶ່ງ ກບັດ, ແລະ ເມັດພືດໜຶ່ງໂຮເມີ ຈະມີຄ່າແຕ່ໜຶ່ງເອຟາ.
11 ວິບັດແກ່ຜູ້ຄົນທີ່ຕື່ນເຊົ້າ ເພື່ອ ກເລີ່ມຕົ້ນດື່ມຂອງມຶນເມົາ, ແລະ ດື່ມຕໍ່ໄປຈົນເຖິງຕອນກາງຄືນ, ເພາະ ຂເຫລົ້າອະງຸ່ນຈະເຮັດໃຫ້ພວກເຂົາມຶນເມົາ!
12 ແລະ ພິນ, ແລະ ຊໍ, ກອງ, ແລະ ປີ່, ແລະ ເຫລົ້າອະງຸ່ນໃນງານລ້ຽງພວກເຂົາ; ແຕ່ພວກເຂົາບໍ່ໄດ້ ກເອົາໃຈໃສ່ວຽກງານຂອງພຣະຜູ້ເປັນເຈົ້າເລີຍ, ທັງບໍ່ພິຈາລະນາການກະທຳຈາກພຣະຫັດຂອງພຣະອົງອີກ.
13 ສະນັ້ນ, ຜູ້ຄົນຂອງເຮົາຈຶ່ງໄປຫາການເປັນຊະເລີຍເພາະພວກເຂົາບໍ່ມີ ກຄວາມຮູ້; ແລະ ຜູ້ມີກຽດຂອງພວກເຂົາກໍຫິວໂຫຍ, ແລະ ຝູງຊົນຂອງພວກເຂົາຫ່ຽວແຫ້ງໄປດ້ວຍຄວາມຫິວກະຫາຍ.
14 ສະນັ້ນ, ນະລົກຈຶ່ງຂະຫຍາຍຕົວຂອງມັນອອກ, ແລະ ເປີດປາກຂອງມັນອອກກວ້າງຈົນແທກບໍ່ໄດ້; ແລະ ລັດສະໝີພາບຂອງພວກເຂົາ, ແລະ ຝູງຊົນຂອງພວກເຂົາ, ແລະ ຄວາມວາງທ່າຂອງພວກເຂົາ, ແລະ ຜູ້ທີ່ປິຕິຍິນດີຈະລົງໄປຫານະລົກນັ້ນ.
15 ແລະ ຄົນຕ່ຳຊ້າຈະຖືກນຳລົງໄປ, ແລະ ຄົນໃຫຍ່ໂຕຈະອ່ອນນ້ອມ, ແລະ ສາຍຕາຂອງຄົນທະນົງຕົວ ຈະອ່ອນໂຍນ.
16 ແລະ ຈອມໂຍທາຈະສູງສົ່ງໃນ ກການພິພາກສາ, ແລະ ພຣະເຈົ້າທີ່ບໍລິສຸດຈະຖືກເຮັດໃຫ້ສັກສິດໃນຄວາມຊອບທຳ.
17 ຈາກນັ້ນຝູງແກະຈະຫາກິນຕາມພາສາຂອງມັນ, ແລະ ບ່ອນຮົກຮ້າງຂອງພວກທີ່ອ້ວນພີຈະມີພວກທີ່ແປກໜ້າມາກິນນຳ.
18 ວິບັດແກ່ຜູ້ທີ່ດຶງຄວາມຊົ່ວຮ້າຍດ້ວຍເຊືອກແຫ່ງ ກຄວາມໂອ້ອວດ, ແລະ ດຶງບາບ ຂຄືກັບວ່າ ດຶງເຊືອກແກ່ກວຽນ;
19 ຜູ້ກ່າວວ່າ: ໃຫ້ພຣະອົງ ກຮີບຮ້ອນ, ໃຫ້ພຣະອົງເລັ່ງງານຂອງພຣະອົງ; ເພື່ອເຮົາຈະໄດ້ ຂເຫັນ; ແລະ ຂໍໃຫ້ຄຳແນະນຳຂອງພຣະຜູ້ບໍລິສຸດຂອງອິດສະຣາເອນເຂົ້າມາໃກ້, ເພື່ອເຮົາຈະໄດ້ຮູ້.
20 ວິບັດແກ່ຜູ້ທີ່ ກເອີ້ນຄວາມຊົ່ວວ່າດີ, ແລະ ຄວາມດີວ່າຊົ່ວ, ແລະ ເອີ້ນ ຂຄວາມມືດວ່າແຈ້ງ, ແລະ ຄວາມແຈ້ງວ່າມືດ, ແລະ ເອີ້ນຄວາມຂົມວ່າຫວານ, ແລະ ຄວາມຫວານວ່າຂົມ!
21 ວິບັດແກ່ ກຄົນສະຫລາດໃນສາຍຕາຂອງຕົນເອງ ແລະ ຄວາມສ້ຽມແຫລມໃນສາຍຕາຂອງຕົນເອງ!
22 ວິບັດແກ່ຄົນໃຫຍ່ໂຕທີ່ດື່ມເຫລົ້າອະງຸ່ນ, ແລະ ແກ່ຄົນແຂງແຮງທີ່ປະສົມເຄື່ອງດື່ມແຮງ;
23 ຜູ້ທີ່ຮັບຮອງຄົນຊົ່ວເພື່ອລາງວັນ, ແລະ ກເອົາຄວາມຊອບທຳຂອງຄົນຊອບທຳໄປຈາກເຂົາ!
24 ສະນັ້ນ, ຄືກັນກັບ ກໄຟໄໝ້ ຂເຟືອງເຂົ້າ, ແລະ ແປວໄຟລາມເລຍ ຄຂີ້ແກບ, ຮາກຂອງມັນຈະຜຸອອກ, ແລະ ດອກຂອງມັນຈະຂຸຫລົ່ນຄືກັນກັບຂີ້ຝຸ່ນ; ເພາະວ່າພວກເຂົາໂຍນກົດຂອງຈອມໂຍທາຖິ້ມ, ແລະ ງປະໝາດພຣະຄຳຂອງພຣະຜູ້ບໍລິສຸດຂອງອິດສະຣາເອນ.
25 ສະນັ້ນ, ກພຣະພິໂລດຂອງພຣະຜູ້ເປັນເຈົ້າຈຶ່ງເກີດກັບຜູ້ຄົນຂອງພຣະອົງ, ແລະ ພຣະອົງຈະເດ່ພຣະຫັດອອກໄປ ຕໍ່ຕ້ານພວກເຂົາ, ແລະ ລົງທັນພວກເຂົາ; ແລະ ເນີນພູໄດ້ສັ່ນສະເທືອນ, ແລະ ຊາກສົບຂອງພວກເຂົາສີກຂາດຢູ່ກາງຖະໜົນ. ເພາະທັງໝົດນີ້ພຣະພິໂລດຂອງພຣະອົງຍັງບໍ່ເຊົາເທື່ອ, ແຕ່ພຣະຫັດຂອງພຣະອົງຍັງຍື່ນອອກມາ.
26 ແລະ ພຣະອົງຈະຍົກ ກເຄື່ອງສັນຍານໃຫ້ແກ່ປະຊາຊາດທີ່ຢູ່ຫ່າງໄກ, ແລະ ຈະ ຂເປັ່ງສຽງເອີ້ນພວກເຂົາຈາກທີ່ສຸດຂອງແຜ່ນດິນໂລກ; ແລະ ຈົ່ງເບິ່ງ, ພວກເຮົາຈະ ຄມາດ້ວຍຄວາມຟ້າວຟັ່ງ; ບໍ່ມີຜູ້ໃດໃນບັນດາພວກເຂົາຈະອິດເມື່ອຍ ແລະ ເຕະສະດຸດ.
27 ບໍ່ມີຜູ້ໃດຈະເຫງົານອນ ຫລື ນອນຫລັບ; ທັງຜ້າຄຽນແອວກໍບໍ່ຫລຸດ, ຫລື ສາຍຮັດເກີບກໍບໍ່ຂາດ;
28 ລູກທະນູຂອງພວກເຂົາຈະແຫລມ, ແລະ ຄັນທະນູທັງໝົດຈະກົ່ງ, ແລະ ເລັບມ້າຂອງພວກເຂົາຈະຄືກັນກັບຫີນເຫລັກໄຟ, ແລະ ລໍ້ລົດຂອງພວກເຂົາຈະຄືກັນກັບລົມໝຸນ, ແລະ ສຽງຂອງມັນຈະດັງກ້ອງຄືກັນກັບສຽງສິງ.
29 ມັນຈະດັງກ້ອງຄືກັນກັບ ກສິງໜຸ່ມ; ແທ້ຈິງແລ້ວ, ມັນຈະດັງກ້ອງ, ແລະ ຄາບເຫຍື່ອ, ແລະ ມັນຈະຂົນໄປເສຍດ້ວຍຄວາມປອດໄພ, ແລະ ບໍ່ມີໃຜຍາດເອົາໄດ້.
30 ແລະ ໃນມື້ນັ້ນ, ມັນຈະສົ່ງສຽງດັງຕໍ່ຕ້ານສັດຕູຄືກັນກັບສຽງດັງຂອງນ້ຳທະເລ; ແລະ ຖ້າຫາກຜູ້ໃດຜູ້ໜຶ່ງຫລຽວເບິ່ງແຜ່ນດິນ, ຈົ່ງເບິ່ງ, ຄວາມມືດ ແລະ ຄວາມເສົ້າສະຫລົດໃຈ, ແລະ ຄວາມສະຫວ່າງກໍຖືກເຮັດໃຫ້ມືດມົວໃນຟ້າສະຫວັນເສຍ.