Mataupu 16

Ua vaai Isaia i le Alii—Ua faamagaloina agasala a Isaia—Ua valaauina o ia e vavalo atu—Ua ia valoia le teena e Iutaia o aoaoga a Keriso—O le a toe foi mai se toe vaega—Faatusatusa i le Isaia 6. E tusa o le 559–545 T.L.M.

 I le atausaga na maliu ai le tupu o Usia, na ou vaai ai i le Alii o afio i se nofoalii, maualuga ma tu maualuga, ma o le elau o lona ofu sa faatumulia ai le malumalu.

 I luga aʼe o le nofoalii sa tutu ai aserafi; sa i ai i serafi taitasi ni apaau e ono; e lua sa ufitia ai e ia ona mata, ma le lua sa ufitia ai e ia ona vae, ma le lua sa lele ai o ia.

 Ma sa alaga atu le tasi i le isi, ua fai atu: Ua paia, ua paia, ua paia lava, le Alii o Au; ua tumu le lalolagi atoa i lona mamalu.

 Ma sa luluina apou o le faitotoa i le leo o ia o lē na alaga, ma sa tumu le fale i le asu.

 Ona ou fai atu lea: Oi talofa ia te aʼu! ona ua afaaumatia aʼu; ona o aʼu o se tagata laugutu lē mamā; ma ua ou mau i ni tagata laugutu lē mamā; ona ua vaai oʼu mata i le Tupu, le Alii o Au.

 Ona lele mai lea o le tasi o serafi ia te aʼu, ma se amalala ola i lona lima, lea na aveese e ia mai le fatafaitaulaga i le iʼofi;

 Ma sa tuu e ia i luga o loʼu gutu, ma fai mai: Faauta, ua paʼi lenei malala ola i ou laugutu; ma ua aveese lou aamioletonu, ma ua faamamāina au agasala.

 Sa ou faalogo foi i le siufofoga o le Alii, ua fetalai mai: O ai ea Ou te auina atu, ma o ai e alu mo i tatou? Ona ou fai atu lea: O aʼu lenei; auina atu aʼu.

 Ma sa fetalai mai o ia: Inā alu atu ia ma taʼu atu i lenei nuu—Ia outou faalogo moni mai, peitai sa latou lē malamalama; ma ia outou vaai moni mai, peitai sa latou lē iloaina.

 10 Ia faia loto o lenei nuu ia maaa, ma faia o latou taliga ia tutuli, ma pupuni o latou mata—neʼi o latou vaai ma o latou mata, ma afaalogo ma o latou taliga, ma malamalama i o latou loto, ma liliu mai ai ma faamaloloina.

 11 Ona ou fai atu ai lea: Le Alii e, o le a le umi? Ma sa fetalai mai o ia: Seia faagaogaoina aai ia aunoa ma se e nofo ai, ma fale ia aunoa ma se tagata e i ai, ma faatuufua atoa le laueleele;

 12 Ma ua aaveese mamao atu tagata e le Alii, ona o le a i ai se tuulafoaiina tele i totonu o le laueleele.

 13 Ae peitai o le a i ai se tasi vaesefulu, ma o le a latou toe foi mai, ma o le a ʼaina, e pei o le laau-tapeneto, ma e pei o le aluna o lona ola ua i ai i totonu o i latou pe a toulu o latou lau; o le a faapea foi ona i ai i le fatu paia lona lava aola.