Mga Kasulatan
2 Nephi 18


Kapitulo 18

Si Kristo mahisama sa usa ka bato nga makapandol ug sa dakong bato nga kabunggoan—Pangitaa ang Ginoo, dili ang mga maghunghong nga barangan—Dangop ngadto sa balaod ug sa pagpamatuod alang sa giya—Itandi sa Isaias 8. Mga 559–545 B.C.

1 Dugang pa, ang pulong sa Ginoo miingon kanako: Magkuha ka og dakong papel nga linukot, ug isulat diha niini gamit ang pangsulat sa tawo, mahitungod ni aMaher-shalal-hash-baz.

2 Ug mikuha ako para kanako og matinud-anong amga saksi nga maoy motala, si Uria nga pari, ug si Zacarias nga anak ni Jeberechias.

3 Ug akong giadto ang ababayeng manalagna; ug nanamkon siya ug nanganak og usa ka anak nga lalaki. Unya miingon ang Ginoo ngari kanako: Tawga ang iyang ngalan og Maher-shalal-hash-baz.

4 Kay tan-awa, ang abata bdili makahibalong mosangpit og Akong amahan, ug akong inahan, sa dili pa ang mga bahandi sa Damasco ug ang cgipangsakmit nga iya sa Samaria ilogon atubangan sa hari sa Asiria.

5 Ang Ginoo namulong usab ngari kanako pag-usab, nga nag-ingon:

6 Tungod kay kini nga katawhan midumili sa pagdawat sa mga tubig sa aSiloa nga hinay nga nagdagayday, ug nagmaya kang bResin ug sa anak nga lalaki ni Remalias;

7 Busa karon, tan-awa, ang Ginoo magpadala akanila sa mga tubig sa suba, nga kusog ug nagbul-og, gani ang hari sa Asiria ug tanan sa iyang himaya; ug molapaw kini sa iyang tanan nga agianan, ug moawas sa tanan nga tagaytay.

8 Ug moagi asiya lahos sa Juda; moawas siya ug motabok, ug moapaw siya gani hangtod sa taga-liog; ug ang pagbukhad sa iyang mga pako mopuno sa gilapdon sa imong yuta, O bEmmanuel.

9 aPaghiusa kamo, O kamong katawhan, ug kamo pagabuak-buakon; ug paminaw kamong tanan sa lagyong kanasoran; pangandam kamo, ug kamo pagabulag-bulagon; pangandam kamo, ug kamo pagabulag-bulagon.

10 Pagtinambagay kamo, ug kini makawang lamang; isulti ang pulong, ug kini dili mahitabo; akay ang Dios nagauban kanato.

11 Kay ang Ginoo namulong sa ingon niini kanako pinaagi sa gamhanan nga kamot, ug misugo kanako nga ako dili gayod mosunod sa unsay gibuhat niini nga katawhan nga nag-ingon:

12 Ayaw kamo pagsulti nga, Adunay apanagkunsabo, ngadto sa tanan kinsa sultihan niini nga katawhan nga, Adunay panagkunsabo; ayaw kahadloki ang ilang kahadlok, ni pagmahadlokon.

13 Ibalaan ang Ginoo sa mga Panon mismo, ug aitugot nga siya ang inyong kahadlokan, ug itugot nga siya ang inyong kalisangan.

14 Ug mamahimo siya nga asanktuwaryo; apan sa laing bahin bbato nga kapangdolan, ug dakong bato nga kabunggoan sa duha ka balay ni Israel, isip laang ug panglit-ag ngadto sa mga lumulupyo sa Jerusalem.

15 Ug daghan taliwala kanila ang amapandol ug mahagba, ug masakitan, ug masulod sa laang, ug madakpan.

16 Ibugkos ang pagpamatuod, iselyo ang abalaod sa akong mga disipulo.

17 Ug maghulat ako sa Ginoo, nga amitago sa iyang nawong gikan sa balay ni Jacob, ug ako mangita kaniya.

18 Tan-awa, ako ug ang mga anak kinsa gihatag sa Ginoo kanako gituyo nga mahimong mga atimailhan ug sa mga kahibulongan sa Israel gikan sa Ginoo sa mga Panon, nga nagpuyo sa Bukid sa Zion.

19 Ug kon moingon sila kaninyo: Pakigtambag kanila nga nangangkon nga amga espiritista, ug ngadto sa mga bbarangan nga maghunghong ug mangyamyam—cdili ba angay unta nga ang mga tawo makigtambag sa ilang Dios aron ang mga buhi makadungog dgikan sa mga patay?

20 Ngadto sa balaod ug sa pagpamatuod; ug kon asila dili mamulong pinasubay niini nga pulong, kana tungod kay walay kahayag diha kanila.

21 Ug moagi asila lahos niini uban sa hilabihang kalisod ug kagutom; ug mahitabo nga kon gutomon sila, ilang kasuk-an ang ilang kaugalingon, ug tunglohon ang ilang hari ug ang ilang Dios, ug mohangad.

22 Ug motan-aw sila sa yuta ug makita ang kasamok, ug ang kangitngit, kapait sa paghigwaos, ug abogon sila ngadto sa kangitngit.