1 Anplis, pawòl Senyè a te di m: Pran yon gwo woulo, epi ekri ladan l avèk yon plim moun fè, konsènan ^aMayè-chalal-achbaz.

2 Epi m te pran ^atemwen fidèl pou anrejistre, prèt ki rele Iri a, ak Zakari, pitit gason Jeberekya a.

3 Epi, m te ale kote ^apwofetès la; li te ansent e l te fè yon pitit gason. Epi Senyè a te di m: Rele l Mayè-chalal-achbaz.

4 Paske gade, ^atimoun nan ^bp ap kò konnen kòman pou l di, papa, manman, anvan richès Damas yo ak ^cpiyay Samari yo disparèt devan wa Asiri a.

5 Senyè te pale avèk mwen ankò, li di:

6 Paske pèp sa a te meprize dlo k ap koule dous nan ^aSiloye a, e rejwi yo nan ^bRetsen ak pitit gason Remalya a;

7 Kounyeya poutèt sa, gade Senyè a ap voye gwo dlo rivyè yo ^asou yo, epi ak fòs, wa Asiri a menm avèk tout laglwa li; epi li pral ranpli tout kanal yo, li pral anvayi tout rivaj yo.

8 Epi ^ali pral travèse Jida; li pral anvayi ak debòde, li pral ranpli jis nan kou; epi zèl li pral gaye pou l kouvri lajè peyi w la, O ^bEmanyèl.

9 ^aMete tèt nou ansanm, O pèp yo, men nou pral kraze fè ti mòso; epi koute, tout moun ki nan peyi lwen yo; mare senti nou, paske nou pral kraze fè miyèt mòso; mare senti nou, paske nou pral kraze fè miyèt mòso.

10 Reyini Reyini ansanm, men sa p ap sèvi anyen; pale pawòl la; men li p ap kanpe; ^apaske Bondye avèk nou.

11 Paske Senyè a te di m sa avèk fèmte, e li te ban m enstriksyon pou m pa mache nan chemen pèp sa a, li te di m konsa:

12 Pa rele ^aKonplo tout sa pèp sa a rele Konplo; ni tou pa pè, e pa krenn.

13 Sanktifye Senyè tout Lame yo, ^ase Limenm nou dwe pè, se Limenm nou dwe krenn.

14 Li pral tankou yon ^arefij; men tou li pral tankou yon ^bpyèdachopman, ak yon wòch pou tou de kay Izrayèl yo, tankou yon pyèj ak yon pèlen pou abitan Jerizalèm yo.

15 Epi anpil ladan yo pral ^afrape pye yo e tonbe, yo pral kraze, yo pral tonbe nan pyèj, e moun pral pote y ale.

16 Mare temwayaj la, sele ^alalwa a nan pami disip mwen yo.

17 Epi, m pral rete tann Senyè a ki ^akache figi l pou kay Jakòb la, e m pral chèche l.

18 Gade, mwen menm ak pitit Senyè a te ban mwen yo, nou se ^asiy ak mirak nan Izrayèl pou Senyè tout Lame yo, ki rete nan Mòn Siyon an.

19 Epi, lè yo di nou: Chèche moun ki gen ^alespri zansèt yo, ak sòsye k ap fè maji yo—^bèske yon pèp pa ta dwe chèche nan men Bondye yo ki vivan an pou yo tande ^cnouvèl mò yo?

20 pou lalwa a ak temwayaj la; epi pou si ^ayo pa pale konsa, yo pa gen limyè nan yo.

21 Epi, ^ayo pral pasipala, grangou ak akable, e se pral konsa, lè yo grangou, se paske yo pral fè kòlè, yo pral modi wa yo ak Bondye yo a, e yo pral leve je yo anlè.

22 Epi yo pral bese je yo atè, e yo pral wè detrès, fènwa, tenèb ak lapenn e yo pral chase yo al nan fènwa.