1 Ae ui i lea, o le a lē tusa le puaoa e pei ona i ai i lona puapuaga, i le taimi muamua na māmā ona ia faamafatiaina le ^anuu o Sepulona, ma le nuu o Nafatali, ae mulimuli ane ona faamafatia teleinaatunuu i le ala o le Sami Ulaula i tala atu o Ioritana i Kalilaia.

2 O tagata sa savavali i le ^apouliuli ua vaai i se malamalama tele; o i latou o e ua nonofo i le laueleele o le ata o le oti, ua susulu ifo i o latou luga le malamalama.

3 Ua e faatoateleina le atunuu, ma ^afaateleina le olioli—ua latou olioli i ou luma e tusa ma le olioli o le seleselega, ma e pei ona olioli tagata pe a latou vaevaeina le vete.

4 Ona ua ia gauia le amo o lana avega, ma le tootoo o lona tau’au, le sasa o lē ua sauā ia te ia.

5 Ona o taua uma a le tagata-tau ua i ai le vāvāō fenumia’i, ma ofu ua ta’ai i le toto; ae o lenei taua o le a i ai ma le susunuina ma fafie o le afi.

6 Ona ua fanau mai mo i tatou se ^atama, ua foaiina mai mo i tatou se atalii; ma o le a i luga o lona tau’au le ^emalo; ma o lona igoa o le a ta’ua, o le Ofoofogia, Faipule, O le ⁱAtua Malosi, O le ^oTamā Tumau-Faavavau, O le Aloalii o le ^uFilemu.

7 O le faateleina o le ^amalo ma le filemu e leai sona ^egataaga, i luga o le nofoalii o Tavita, ma luga o lona malo ina ia faatulaga ai, i le faamasinosa’o ma le faamasinotonu mai le taimi nei e agai i luma, e oo lava i le faavavau. O le malosi o le Alii o ’Au o le a faia ai lenei mea.

8 Na auina mai e le Alii lana afioga ia Iakopo ma ua i ai i luga o ^aIsaraelu.

9 Ma o le a iloa e le nuu uma, e oo ia Efaraima ma e o nonofo i Samaria, o e e fai mai i le faamaualuga ma le malosi o le loto:

10 Ua solo i lalo piliki sima, ae o le a matou atia’e i maa tipi molemole; ua tatuu i lalo sukamoru, ae o le a matou suia i arasi.

11 O lea o le a faatutū mai ai e le Alii fili o ^aResina e faasaga ia te ia, ma tuufaatasia ona fili;

12 O Suria i luma ma Filisitia i tua; ma o le a laua fa^a’aumatia Isaraelu ma le faaloloto. E ui i ia mea uma e lē liliu ese ai lona ^etoasa, ae faaloaloa atu pea lona aao.

13 Ona ua lē ^aliliu mai le nuu ia te ia o lē na taia i latou, pe ua latou saili foi i le Alii o ’Au.

14 O lea pe le vavae ese ai e le Alii mai ia Isaraelu le ulu ma le i’u, o le lālā ma le fiso i le aso e tasi.

15 O le toeaina, o ia lea o le ulu; ma o le perofeta na te aoao atu pepelo, o ia lea o le i’u.

16 Ona o taitai o lenei nuu ua ala ai ona latou sese; ma o i latou o e ua taitaia e i latou ua faaumatia.

17 O lea o le a leai ai se olioli o le Alii i o latou alii talavou, pe o le a i ai sona ^aalofa mutimutivale i luga o i latou ua maliliu o latou tama ma fafine ua oti a latou tane; ona o i latou uma taitoatasi o se pepelo ma se fai mea leaga, ma ua tautala gutu uma i ^emea valea. E ui i ia mea uma ua lē liliu ese ai lava lona to’asā, ae ua faaloaloa atu pea lona ⁱaao.

18 Ona e mu le amioleaga e pei o le afi; o le a ia faaumatia laau tuitui ma laau talatala, ma o le a mumū i laau filifili o le vao, ma o le a sasao i luga e pei o le pusa a’e o le asu.

19 O le a faapouliuligia le laueleele i le toasa o le Alii o ’Au, ma o le a avea tagata e pei o ni fafie o le afi; e ^aleai se tagata na te faasao i lona uso.

20 Ma o le a se’i e ia se meaai i le lima taumatau ae fia ’ai pea; ma o le a ^a’ai o ia i le lima tauagavale ae o le a latou lē maoona; o le a latou ’ai e tagata taitoatasi le aano o lona lava lima;

21 O ^aManase, o ^eEfaraima; ma Efaraima, o Manase; o le a faasaga i laua uma faatasi ia ⁱIuta. E ui i ia mea uma ua lē liliu ese ai lava lona toasa, ae ua faaloaloa atu pea lona aao.