Tusitusiga Paia
2 Nifae 1


O Le Tusi e Lua a Nifae

O se tala i le maliu o Liae. Ua fouvale uso o Nifae ia te ia. Ua lapataia Nifae e le Alii ia alu ese atu i le vao. O ana malaga i le vao, ma isi mea faapena.

Mataupu 1

Ua vavalo Liae e uiga i se laueleele o le saolotoga—O le a faataapeapeina ma fasia ana fanau pe afai latou te teena le Paia e Toatasi o Isaraelu—Ua ia apoapoai i ona atalii ia oofu i le ofutau o le amiotonu. E tusa o le 588–570 T.L.M.

1 Ma o lenei sa oo ina ua uma ona faaiu e a’u, o Nifae, le aoaoga o o’u uso, sa tautala atu foi lo matou atamā, o Liae, ia te i latou i mea e tele, ma toe faamanatu atu ia te i latou, mea sili na faia e le Alii mo i latou i le aumaia o i latou mai le laueleele o Ierusalema.

2 Ma sa ia tautala atu ia te i latou e uiga ia latou afouvalega i luga o le vasa, ma le alofa mutimutivale o le Atua i le faasaoina o o latou ola, sa lē tofatumoanaina ai i latou i le sami.

3 Ma sa ia tautala atu foi ia te i latou e uiga i le laueleele o le folafolaga, lea ua fai mo i latou—i le alofa mutimutivale tele o le Alii i le lapataiina o i matou e tatau ona matou sosola ese mai le laueleele o Ierusalema.

4 Aua faauta, sa fai mai o ia, sa ou vaai i se afaaaliga vaaia, lea ua ou iloa ai ua faaumatia eIerusalema; ma a na tatou nonofo ai pea i Ierusalema po ua tatou ifano foi.

5 Peitai, sa fai mai o ia, e ui i o tatou puapuaga, ua tatou maua se alaueleele o le folafolaga, o se laueleele ua esili ona lelei i isi laueleele uma; o se laueleele na osifeagaiga ai le Alii le Atua ma a’u e avea o se laueleele e fai ma tofi o a’u fanau. Ioe, ua iosifeagaiga mai e le Alii lenei laueleele ia te a’u, ma a’u fanau e faavavau, ma i latou uma foi o e e ta’ita’i eseina mai isi atunuu e le aao o le Alii.

6 O le mea lea, o a’u o Liae, ou te vavalo atu e tusa ma galuega a le Agaga ua i totonu ia te a’u, o le a leai se atasi e sau i lenei laueleele vagana ai o le a aumai i ai i latou e le aao o le Alii.

7 O le mea lea, ua faapaiaina lenei alaueleele mo ia o lē e aumai i ai e ia. Ma afai latou te auauna atu ia te ia e tusa ma poloaiga ua ia tuuina mai, o le a avea ma laueleele o le esaolotoga ia te i latou; o le mea lea, o le a lē tuuina ifo lava i latou e faatagataotauaina; afai o lea, ona o le amioletonu; ona afai e faateleina le amioletonu o le a ifetuuina le laueleele ona o i latou, ae o le a faamanuiaina e faavavau mo e amiotonu.

8 Ma faauta, o le poto ua tatau ai ona taofia o lenei laueleele mai i le iloa e isi atunuu; aua faauta, a iloa e isi atunuu, o le a faatumulia le laueleele i atunuu e tele, o le a leai ai se mea e fai mo se tofi.

9 O le mea lea, o a’u, o Liae, ua ou maua se folafolaga, ae tusa ai ma le tausiga o ana poloaiga e i latou o e o le a aveese mai le laueleele o Ierusalema e le Alii le Atua, o le a emanuia i latou i luga o lenei laueleele; ma o le a taofia i latou mai i le iloa e isi atunuu uma, ina ia latou fai lenei laueleele mo i latou lava. Ma afai o le a latou itausia ana poloaiga o le a faamanuiaina i latou i luga o lenei laueleele, ma o le a leai se tasi e faalavelave ia te i latou, pe aveesea le laueleele o lo latou tofi; ma o le a latou nonofo saogalemu ai e faavavau.

10 Ae faauta, a oo mai le taimi e faaitiitia ai i latou i le lē talitonu, ina ua uma lea ona latou maua o faamanuiaga tetele na’uā mai le aao o le Alii—i le maua lea o se malamalama e uiga i le foafoaga o le lalolagi, ma tagata uma, ma iloa galuega tetele ma ofoofogia a le Alii mai le foafoaga o le lalolagi; ma le tuuina mai o le mana ia te i latou e fai ai mea uma i le faatuatua; ma le mauaina o poloaiga uma mai le amataga, ma le aumaia o i latou i lenei laueleele peleina o le folafolaga e lona agalelei e lē gata—faauta, ou te fai atu, afai e oo mai le aso latou te teena ai le Paia e Toatasi o Isaraelu, le aMesia moni, lo latou Togiola ma lo latou Atua, faauta, o le a oo mai i o latou luga faamasinoga a ia o lē ua tonu.

11 Ioe, o le a aumai e ia aisi atunuu ia te i latou, ma o le a ia tuu atu ia te i latou le mana, ma o le a ia aveese mai ia te i latou laueleele ua fai mo i latou, ma o le a ia faia ia efaataapeapeina i latou ma fasia.

12 Ioe, a’o faasolo mai le tasi tupulaga i le isi tupulaga, o le a i ai le afaamasaa toto, ma asiasiga tetele i totonu ia te i latou; o le mea lea, o’u atalii e, ou te manao ai ia outou manatua; ioe, ou te manao ia outou faalogo mai i a’u upu.

13 E, pe a na outou ala mai; ala mai i le moe gase, ioe, mai le moe lava o aseoli, ma lulu ese efilifili leaga matautia ua noatia ai outou, o filifili lava ia e noatia ai le fanauga a tagata, ia ua aveese atu ai faatagataotaua i latou i lalo i le to ifaavavau o le pagatia ma le malaia.

14 Ala mai ia! ma tulai mai i le efuefu, ma faalogo mai i upu a se amatua gatete, o lē ua lata ona outou tuuina ifo lona tino i totonu o le etuugamau mālūlū ma ligoligoa, e lē mafai ai e se tagata malaga ona toe foi mai ai; e toe o ni nai aso ona ou alu ai lea i le iala e faapei o le lalolagi uma.

15 Ae faauta, ua atogiolaina lo’u agaga mai seoli e le Alii; ua ou vaai i lona mamalu, ma ua siosiomia a’u e faavavau i eaao o lona ialofa.

16 Ma ou te manao ia outou manatua e tausi i atulafono ma faamasinoga a le Alii; faauta, o le mea lenei sa sili ona popole i ai lo’u agaga mai le amataga.

17 Sa mamafa tele lo’u loto i le faanoanoa mai lea taimi i lea taimi, ona sa ou fefe, ne’i afio mai le Alii lo outou Atua i o outou luga i le atoatoa o lona atoasa ona o le maaa o o outou loto, ina ia evavae ese outou ma faaumatia e faavavau;

18 Pe, ne’i oo mai se fetuu i o outou luga mo le va o atupulaga e tele; ma asia ai outou i le pelu, ma i le oge, ma inosia, ma taitaiina ai outou e tusa ma le loto ma le faatagataotauaina a le etiapolo.

19 E, o’u atalii e, pe a na lē mafai ona oo mai o nei mea i o outou luga, ae ia mafai ona avea o outou ma tagata sili ona lelei ma afaapitoa o le Alii. Ae faauta, ia faia lava lona finagalo; ona o ona eala e amiotonu e faavavau.

20 Ma ua fetalai mai o ia e faapea: aE tusa ai ma le tou tausi i a’u epoloaiga o le a outou imanuia i le laueleele; ae e tusa ai ma le tou lē tausi i a’u poloaiga o le a vavae ese outou mai o’u luma.

21 Ma o lenei, ina ia olioli lo’u agaga ia te outou, ma ina ia tuua e lo’u loto lenei lalolagi i le fiafia ona o outou, ina ia lē tuuina ifo a’u i le tuugamau i le faavauvau ma le faanoanoa, tulai ia mai i le efuefu, o’u atalii e, ma ia afaatamatane, ma tumau i le emafaufau e tasi ma le loto e tasi, ma lotogatasi i mea uma, ina ia lē tuuina ifo outou e faatagataotauaina;

22 Ina ia lē fetuuina outou i se fetuu tiga; o lenei foi, ina ia outou lē aumai i o outou luga le lē fiafia o le aAtua faamasinotonu, e faaumatia ai, ioe, le faaumatiaga lava lea e faavavau o le agaga atoa ma le tino.

23 Ala mai ia, o’u atalii e; oofu i le aofutau o le amiotonu. L ūlū ese filifili ua noatia ai outou, ma o ese mai i le pouliuli, ma tutulai a’e mai i le efuefu.

24 ’Aua le toe fouvale i lo outou uso; o lē ua maoae lana silasila, ma o lē sa tausia poloaiga mai le taimi na tatou tuua ai Ierusalema; ma o lē ua avea o se auupega i aao o le Atua, i le aumaia o i tatou i le laueleele o le folafolaga; aua a na le seanoa o ia, po ua tatou fano i le fia aaai i le vao; ae ui i lea, sa outou saili e eaveese lona ola; ioe, sa mafatia o ia i le faanoanoa tele ona o outou.

25 Ma ua ou fefe tele ma gatete ona o outou, ne’i toe mafatia o ia; aua faauta, ua outou tuua’ia o ia e faapea ua saili e ia le mana ma le apule i luga o outou; peitai ua ou iloa sa lei saili o ia mo le mana po o le pule i luga o outou, ae ua saili e ia le mamalu o le Atua, ma lo outou lava manuia e faavavau.

26 Ma sa outou muimui ona ua tautino manino atu o ia ia te outou. Ua outou fai mai ua ia faaaoga aoaiga atuusao; ua outou fai mai ua ita o ia ia te outou; ae faauta, o lana aoaiga tuusao o le aoaiga tuusao lea o le mana o le afioga a le Atua, lea sa ia te ia; ma o le mea lea ua outou ta’ua o le ita o le upumoni lea, e tusa ai ma lea ua i ai i le Atua, lea sa lē mafai e ia ona taofi, na faailoa atu ai ma le mautinoa e uiga ia outou amioletonu.

27 Ma e tatau ona i ai ia te ia le amana o le Atua, e oo i lona poloaiina o outou ia outou usiusitai. Ae faauta, e lē o ia, ae o le eAgaga o le Alii lea sa ia te ia, lea sa itatalaina lona gutu e tautala atu ai ma sa lē mafai e ia ona tapunia.

28 Ma o lenei lo’u atalii e, Lamana, ma Lemuelu foi ma Sama, ma o’u atalii foi o atalii o Isamaeli, faauta, afai tou te faalogo i le leo o Nifae tou te lē fano. Ma afai tou te faalogo ia te ia, ou te tuu atu ia te outou se afaamanuiaga, ioe, o la’u mua’i faamanuiaga lava.

29 Ae afai tou te lē faalogo ia te ia ou te aveese la’u amua’i faamanuiaga, ioe, la’u faamanuiaga lava, ma o le a faamauina i ona luga.

30 Ma o lenei, Sorama e, ou te tautala atu ia te oe: Faauta, o oe o le aauauna a Lapana; ae ui i lea, ua aveese mai oe i le laueleele o Ierusalema, ma ua ou iloa o oe o se uo moni i lo’u atalii, o Nifae, e faavavau.

31 O le mea lea, ona o lou faamaoni o le a faamanuiaina ai au fanau afaatasi ma ana fanau, o le a faafualoa ona latou nonofo i le laueleele lenei i le manuia; ma e leai se mea, vagana ai le amioletonu i totonu o i latou, e lepetia pe faalavelavea ai lo latou manuia i luga o lenei laueleele e faavavau.

32 O le mea lea, afai e te tausi i poloaiga a le Alii, ua faapaiaina e le Alii le laueleele lenei mo le saogalemu o au fanau faatasi ma fanau a lo’u atalii.