1 Ket addanto tumaud a ^asaringit manipud iti ^bpuon ni ^cJesse, ket dumakkelto ti sanga manipud iti ramutna.

2 Ket agtalinaedto ti ^aEspiritu ti Apo kenkuana, ti espiritu ti sirib ken pannakaawat, ti espiritu ti pammagbaga ken kinamaingel, ti espiritu ti pannakaammo ken iti panagbuteng iti Apo;

3 Ket aramidennanto a nalaka a makaawat iti panagbuteng iti Apo; ket saanto a ^amangukom a maibatay ti makitana, wenno mamabalaw a maibatay ti mangngegna.

4 Ngem babaen iti ^akinalinteg ukomennanto dagiti nakurapay, ket ^bbabalawennanto nga addaan iti panagpapatas dagiti ^cnaemma iti daga; ket saplitennanto ti daga iti panaplit nga agtaud iti ngiwatna, ken ti angsen nga agtaud kadagiti bibigna ti manggudas kadagiti nadangkes.

5 Ket tinto kinalinteg ti barikes dagiti lomona, ket ti kinapudno ti barikes dagiti ^apanagturayna.

6 Makipagnaedto met ti lobo iti karnero, ket makikaiddanto ti leopardo iti urbon ti kalding, ken aglalangento ti urbon ti baka ken ti urbon ti leon ken urbon ti paamo; ket ubingto ti mangpastor kadakuada.

7 Ket agkakapanganto dagiti baka ken oso; agkakaiddanto dagiti urbonda; ket manganto ti leon iti garami a kas iti baka.

8 Ket ti ubing nga agsuso agay-ayamto iti abut ti ^auleg, ken ti kappusot nga ubing ikautnanto ti imana iti rukib ti ^bkarasaen.

9 ^aSaandanto a mangranggas wenno mangdadael iti amin a bantayko a nasantuan, agsipud ta mapnonto iti ^bpannakaammo iti Apo ti daga, kas la dagiti dandanum saknapanda ti baybay.

10 Ket iti ^adayta nga aldaw addanto ti ^bramut ni Jesse, a pakaibayugan ti wagayway dagiti tattao; ^cdaytoy ti sapulento dagiti ^dGentil; ket naglorianto ti paginanaanna.

11 Ket mapasamakto iti dayta nga aldaw nga isaadnanto manen ti Apo ti imana iti ^amaikadua a daras a mangsubbot iti matda ti taona a mabatinto, aggapu iti Asiria, ken aggapu iti Egipto, ken aggapu iti Patros, ken aggapu iti Cush, ken aggapu iti Elam, ken aggapu iti Sinar, ken aggapu iti Hamath, ken aggapu iti purpuro ti baybay.

12 Ket mangitag-ayto iti maysa a ^awagayway a maipaay kadagiti nasnasion, ken ummongennanto dagiti ^bnapagtalaw ti Israel, ken ^curnongenna dagiti nasinasina ti Juda manipud kadagiti uppat a suli ti daga.

13 Pumanawto met ti ^aapal ni Efraim, ket maisinanto dagiti kabusor ti Juda; saanto nga apalan ti ^bEfraim ti ^cJuda, ken ti Juda saandanto a riribuken ti Efraim.

14 Ngem ^atumayabdanto iti abaga dagiti Filisteo nga agturong iti laud; sangsangkamaysadanto nga agsamsam iti daya; dangrandanto da Edom ken Moab; ken tungpalento ida dagiti annak ni Ammon.

15 Ket naan-anay a ^adadaelento ti Apo ti dila ti baybay ti Egipto; ket wagwagennanto ti imana babaen ti nabileg nga anginna iti karayan, ken saplitenna iti pito a waig, ket pagballasiwenna dagiti lallaki a namaga ti saksakada.

16 Ket addanto ^adalan a maipaay kadagiti natda iti taona a mabatinto, aggapu iti Asiria, a kas la adda idi a maippay iti Israel idi aldaw nga isangsang-atna a rimmuar iti daga ti Egipto.