1 Ma o le a tupu mai se ^atatupu mai le ^epogai o ⁱIese, ma o le a tupu a’e se lālā mai ona a’a.

2 Ma o le a afio i ona luga le ^aAgaga o le Alii, o le agaga o le atamai ma le malamalama, o le agaga o le faufautua ma le malosi, o le agaga o le poto ma le mata’u i le Alii;

3 Ma o le a vave ona maua ai e ia le malamalama i le mata’u i le Alii; ma o le a lē ^afaamasino o ia e tusa ma le silasila o ona fofoga, pe a’oa’i atu e tusa ma le faafofoga o ona taliga.

4 Ae o le a faamasino e ia e matitiva ma le ^aamiotonu, ma ^ea’oa’i atu o ia ma le tutusa mo e ⁱagamalu o le lalolagi; ma o le a taia e ia le lalolagi i le tootoo o lona fofoga, ma o le mānava a ona laufofoga o le a fasioti ai e ia e amioleaga.

5 Ma o le a avea le amiotonu ma fusi o ona sulugatiti, ma fai le faamaoni ma fusi i ona suilapalapa.

6 O le a nonofo faatasi foi le luko ma le tamai mamoe, ma o le a taoto le nameri faatasi ma le tamai oti, ma o le a faatasi le tamai povi ma le tamai leona ma povi pepeti; ma o le a taitaiina i latou e le tamaitiiti.

7 Ma o le a aai faatasi le povi ma le urosa; o le a taooto faatasi a laua tama; ma o le a ’ai e le leona ’au o saito e pei o le povi.

8 Ma o le a taalo le tama e lei te’a ma le susu i le lua o le gata uogo o le ^aasipi, ma o le tama ua te’a ma le susu o le a tuu lona lima i le lua o le gata uogo o le kokaterise.

9 O le a latou ^alē faatiga pe faaumatia i lo’u mauga paia uma, ona o le a tumu le lalolagi i le ^emalamalama o le Alii, e pei ona ufitia le sami i le vai.

10 Ma i ^alena aso o le a i ai se ^ea’a o Iese, o le a tu mai e fai ma se tagavai o le nuu; o ⁱia o le a saili atu i ai ^oNuuese; ma o lona malologa o le a matagofie.

11 Ma o le a oo mai foi i lena aso o le a toe faatu ai e le Alii lona aao i le ^ataimi lona lua e laveai i le vaega o totoe o lona nuu e totoe, mai Asuria, ma mai Aikupito, ma mai Patoro, ma mai Kusa, ma mai Elama, ma mai Senara, ma mai Amato, ma mai motu o le sami.

12 Ma o le a faatū e ia se ^atagavai mo atunuu, ma faapotopoto mai e ua ^etulia o Isaraelu, ma ⁱfaapotopoto faatasi mai e ua faataapeapeina o Iuta mai i tulimanu e fa o le lalolagi.

13 O le a mavae atu foi le ^amatau’a o Efaraima, ma o le a vavae ese fili o Iuta; o le a lē matau’a ^eEfaraima ia ⁱIuta, ma o le a lē faatiga Iuta ia Efaraima.

14 Ae o le a laua ^afelelei atu i luga o tauau o Filisitia agai i sisifo; o le a laua veteina faatasi i latou o sasa’e; o le a la faaee o laua lima i luga o Etoma ma Moapi; ma o le a usiusitai le fanau a Amoni ia te i laua.

15 Ma o le a matuā ^afaaumatia lava e le Alii le faga o le sami o Aikupito; ma o le a ia lūlū lona aao i luga o le vaitafe i lana matagi malosi, ma taia i ni magāvai e fitu, ma faaui atu ai tagata i pa’umātū.

16 Ma o le a i ai se ^aalatele faapitoa mo le vaega o totoe o lona nuu e totoe, mai Asuria, e pei ona faia ia Isaraelu i le aso na alu a’e ai o ia mai le laueleele o Aikupito.