ບົດທີ 22
ພາຍໃນພັນປີມະນຸດທຸກຄົນຈະສັນລະເສີນພຣະຜູ້ເປັນເຈົ້າ—ພຣະອົງຈະຢູ່ໃນບັນດາພວກເຂົາ—ປຽບທຽບກັບເອຊາຢາ 12. ປະມານ 559–545 ປີ ກ່ອນ ຄ.ສ.
1 ແລະ ໃນມື້ນັ້ນທ່ານຈະກ່າວວ່າ: ໂອ້ ພຣະຜູ້ເປັນເຈົ້າ, ຂ້ານ້ອຍຈະສັນລະເສີນພຣະອົງ; ເຖິງແມ່ນວ່າ ພຣະອົງຈະພຣະພິໂລດໃຫ້ຂ້ານ້ອຍກໍຕາມ ພຣະພິໂລດຂອງພຣະອົງຍັງຫັນກັບໄປ, ແລະ ພຣະອົງປອບໃຈຂ້ານ້ອຍ.
2 ຈົ່ງເບິ່ງ, ພຣະເຈົ້າເປັນຄວາມລອດຂອງຂ້ານ້ອຍ; ຂ້ານ້ອຍຈະ ກວາງໃຈ ແລະ ຈະບໍ່ຢ້ານກົວເພາະພຣະຜູ້ເປັນເຈົ້າ ຂພຣະເຢໂຮວາ ເປັນກຳລັງຂອງຂ້ານ້ອຍ ແລະ ບົດເພງຂອງຂ້ານ້ອຍ; ແລະ ພຣະອົງເປັນຄວາມລອດຂອງຂ້ານ້ອຍອີກ.
3 ສະນັ້ນ, ດ້ວຍຄວາມສຸກ ທ່ານຈະຕັກ ກນ້ຳຈາກບໍ່ແຫ່ງຄວາມລອດ.
4 ແລະ ໃນມື້ນັ້ນທ່ານຈະກ່າວວ່າ: ຈົ່ງ ກສັນລະເສີນພຣະຜູ້ເປັນເຈົ້າ, ຈົ່ງຮ້ອງທູນໃນພຣະນາມຂອງພຣະອົງ, ຈົ່ງປະກາດການກະທຳຂອງພຣະອົງໃຫ້ບັນດາຜູ້ຄົນທັງຫລາຍ, ຈົ່ງກ່າວວ່າພຣະນາມຂອງພຣະອົງສູງສົ່ງ.
5 ຈົ່ງ ກຮ້ອງເພງສັນລະເສີນພຣະຜູ້ເປັນເຈົ້າ; ພຣະອົງຈະເຮັດສິ່ງທີ່ດີເລີດໃຫ້ເລື່ອງນີ້ຮູ້ກັນທົ່ວໄປໃນແຜ່ນດິນໂລກ.
6 ຜູ້ອາໄສຂອງຊີໂອນເອີຍ, ຈົ່ງ ກຮ້ອງໂຮ ແລະ ຮ້ອງເພງດ້ວຍຄວາມຊື່ນບານ; ເພາະພຣະຜູ້ບໍລິສຸດຂອງອິດສະຣາເອນນັ້ນຍິ່ງໃຫຍ່ໃນທ່າມກາງຂອງພວກເຂົາ.